ۋكرايناداعى جاعداي ۋشىققان كەزدە كيەۆ پەن ودەسسا قالالارىندا بولعان قازاقستان ازاماتتارى پولشا شەكاراسىنا قالاي جەتكەنٸن ايتتى, دەپ حابارلايدى قازاقپارات.
«مەنٸڭ اتىم – رۋسلان. پەتروپاۆل قالاسىنىڭ تۇرعىنىمىن. قازٸر پولشاداعى كاتوۆيتسە ەۋەجايىنىڭ ماڭايىندامىز. بۇل جەرگە كەشە كەشكە جەتتٸك. 21 اقپاندا جىل سايىن كيەۆتە ٶتەتٸن كونفەرەنتسيياعا ۇشىپ كەلگەنبٸز. كيەۆتە سوعىس جاعدايى جارييالانىپ, كونفەرەنتسييا جۇمىسىن توقتاتتى. ەۋەلدە نە ٸستەۋ كەرەگٸن بٸلمەدٸك. احۋال تۇراقتانعانشا كيەۆتە قالا تۇرۋ كەرەك دەپ ويلاعانبىز. كەيٸن لۆوۆ ارقىلى كەرٸ قايتۋعا ەرەكەتتەندٸك. ٶيتكەنٸ كيەۆتەگٸ قازاقستان ەلشٸلٸگٸ لۆوۆ ارقىلى باتىس شەكارامەن پولشا جاعىنا ٶتۋگە بولاتىنى تۋرالى مەلٸمەت تاراتقان ەدٸ», - دەپ ەسكە الادى ۆيدەوداعى ازامات.
پولشا ەۋروپالىق وداقتىڭ مٷشەسٸ بولعاندىقتان, ەل اۋماعىنا كٸرۋ ٷشٸن تٶلقۇجاتتا شەنگەن ۆيزاسى بولۋى مٸندەتتٸ ەدٸ.
بۇل مەسەلەنٸ قازاقستاننىڭ پولشاداعى ەلشٸلٸگٸ جىلدام رەتتەگەنگە ۇقسايدى.
«پولشا قازاقستان ازاماتتارىنا «جاسىل دەلٸز» ۇسىندى. قازاقستاننان كيەۆتەگٸ كونفەرەنتسيياعا كەلگەن 15 ادام توپ-توپپەن كيەۆ قالاسىنان شىعا باستادى. بٸزدٸڭ توپتاعى 5 ادام ورتالىق تەمٸرجول ۆوكزالىنان شىقتىق. بيلەت جوق ەكەن, جولسەرٸكتەرمەن كەلٸسۋگە تۋرا كەلدٸ. كەلەسٸ كٷننٸڭ تاڭىندا لۆوۆ قالاسىنا جەتتٸك. قازاقستاننىڭ ۋكراينا مەن پولشاداعى ەلشٸلٸك قىزمەتكەرلەرٸنە ۋاقىتىندا جەدەل اقپارات بەرٸپ, جٶن سٸلتەپ وتىرعانى ٷشٸن العىس ايتقىمىز كەلەدٸ. لۆوۆتا بٸزدٸ كٷتٸپ الىپ, شەكارادان پولشا اۋماعىنا الىپ ٶتۋ جۇمىسىن ۇيىمداستىردى. پولشادا بٸزگە «جاسىل دەلٸز» بەرٸلدٸ. ٶيتكەنٸ بٸزدٸڭ تٶلقۇجاتىمىزدا شەنگەن ۆيزاسى جوق ەدٸ. وسى جۇمىستىڭ بەرٸ جىلدام, جەدەل, ناقتى ٸستەلدٸ. بٸزدٸ پولشادا قر كونسۋلى كٷتٸپ الىپ, كٶلٸگٸمەن جول باستاپ وتىرىپ, ەۋەجايدىڭ جانىنداعى قوناقٷيگە ەكەلدٸ», - دەيدٸ رۋسلان.
پولشانىڭ كاتوۆيتسە قالاسىنا بٷگٸن ۇشىپ شىققان ۇشاقتى كٷتٸپ وتىرعانداردىڭ بٸرٸ – سمايىل ابيبۋللا.
«سوڭعى جارتى جىلدا ۋكراينانىڭ ودەسسا قالاسىندا جۇمىس بابىمەن تۇرىپ جاتقانمىن. وسى ۋكرايناداعى سوڭعى وقيعالارعا بايلانىستى ەلدەن شىعۋعا مەجبٷر بولدىق. وقيعالار باستالعان كەزدە وتباسىمىزبەن الاڭداپ, ۋكراينادان شىعۋدىڭ جولدارىن ٸزدەدٸك. ەلشٸلٸكتەگٸ شۇعىل جەلٸلەر ارقىلى لۆوۆ قالاسىنا كەلۋ كەرەكتٸگٸن بٸلدٸك. سول جەردە جيناپ, پولشا ارقىلى قازاقستانعا قايتارماقشى ەكەن. امالىن تاۋىپ, لۆوۆ قالاسىنا امان جەتتٸك. ول قالادان بٸزگە اۆتوبۋس ۇيىمداستىرىلدى. سول اۆتوبۋسپەن پولشا شەكاراسىنا جەتتٸك. پولشا شەكاراسىنان ٶتۋ دە وڭاي بولعان جوق. شەكاراعا 10 شاقىرىمداي قالعاندا كەپتەلٸس باستالدى. بٸراق ەلشٸلٸكتٸڭ ارقاسىندا پوليتسييا قىزمەتكەرلەرٸ كٶمەك بەرٸپ, قارسى جولاقپەن شەكاراعا كەدەرگٸسٸز جەتٸپ الدىق. شەكارادا عانا سەل ايالدادىق. شەكارادان ٶتكەن سوڭ بٸزدٸ پولشاداعى ەلشٸلٸكتٸڭ قىزمەتكەرلەرٸ, سول جەردەگٸ قۇرمەتتٸ كونسۋلدىڭ ٶزٸ قارسى الدى. پولشاعا كٸرۋٸمٸزدٸ دە, ۆيزا مەسەلەسٸن دە شەشٸپ بەردٸ. ەشقانداي قيىندىق تۋىنداعان جوق», - دەيدٸ ول.
قازاقستان ازاماتى ۋكراينا مەن پولشاداعى ەلشٸلٸك قىزمەتكەرلەرٸنە العىس ايتىپ وتىر.
«ەرٸ قاراي بٸزدٸ كاتوۆيتسە قالاسىنداعى وتەلگە ورنالاستىردى. جاعدايىمىزدى جاساپ جاتىر. پولشاداعى ەلشٸلٸك بولسىن, ۋكرايناداعى ەلشٸلٸك بولسىن, قولدان كەلگەنٸن ٸستەپ جاتىر. قىزمەتكەرلەرٸنە العىسىمىز شەكسٸز. قيىن كەزەڭدە قازاقستان ازاماتتارىنا تٷن ۇيقىسىن تٶرت بٶلٸپ قىزمەت ەتٸپ جاتقان سيياقتى. قازٸر ەلدەن كەلەتٸن ۇشاقتى كٷتٸپ وتىرمىز. ۇشاقپەن بٸرگە ۋكراينادان قازاقستان ازاماتتارىن ەكەلەتٸن تاعى 2-3 اۆتوبۋستى كٷتٸپ وتىرمىز. سولار كەلگەن بويدا, بۇيىرتسا, بەرٸمٸز ەلگە ۇشامىز», - دەيدٸ سمايىل ابيبۋللا.
