فوتو: ۆيدەودان سكرينشوت
استانادا ەكولوگييا كٷنٸ مەن دٷنيەجٷزٸلٸك قورشاعان ورتانى قورعاۋ كٷنٸنە وراي «تازا قازاقستان» اۋقىمدى ەكولوگييالىق اكتسيياسى اياسىندا فلەشموب ٶتتٸ, دەپ حابارلايدى Ult.kz.
ٸس-شارا «استانا-ارەنا» ستاديونىندا قازاقستان مەن اندوررا ۇلتتىق قۇرامالارى اراسىنداعى جولداستىق ماتچتىڭ ٷزٸلٸسٸندە ٶتتٸ.
ەكولوگييالىق مەدەنيەتتٸڭ ماڭىزىن جەتكٸزٸپ, تابيعاتتى قورعاۋدى ناسيحاتتاۋ ٷشٸن فلەشموبقا 300-دەن استام ادام قاتىستى. ولاردىڭ قاتارىندا ستۋدەنتتەر, ۆولونتەرلەر مەن بەلسەندٸلەر بار. جاستار مىڭداعان كٶرەرمەننٸڭ الدىندا ەسەرلٸ قويىلىم ۇسىندى.
ديماش قۇدايبەرگەننٸڭ «Tau Ishinde» ەنٸنە جاستار حورەوگرافييالىق نومەر ورىنداپ, قويىلىم سوڭىندا «تازا قازاقستان» دەپ جازىلعان كٶرٸنٸس شىقتى.
سونىمەن قاتار تريبۋنادا دەل وسىنداي مەتٸنمەن 10x15 مەترلٸك الىپ تۋ جايىلدى. ەكولوگييالىق باستامانى قولداعان جانكٷيەرلەر قازاقستان رەسپۋبليكاسىنىڭ مەملەكەتتٸك تۋىن كٶتەردٸ.
