قازاقستان ەلەمدەگٸ موبيلدٸ ينتەرنەت باعاسى ەڭ تٶمەن ەلدەردٸڭ ٷشتٸگٸنە كٸرەدٸ. بۇل تۋرالى قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸنٸڭ مٸندەتٸن اتقارۋشى اسحات ورازبەك ايتتى, دەپ حابارلايدى قازاقپارات.
«قازاقستان ەلەمدەگٸ موبيلدٸ ينتەرنەت باعاسى ەڭ تٶمەن ەلدەردٸڭ ٷشتٸگٸنە كٸرەدٸ. ەلەمدەگٸ 1 گب ورتاشا قۇنى 8,53 اقش دوللارىن قۇرايدى. بۇل رەتتە, قازاقستاندا 1 گب ورتاشا قۇنى 0,49 اقش دوللارىن تەڭ. بۇل ەلٸمٸزگە ەلەمدە 2-ورىن جەنە تمد ەلدەرٸ اراسىندا 1-ورىن الۋعا مٷمكٸندٸك بەردٸ», - دەپ اتاپ ٶتەدٸ ول مەجٸلٸس دەپۋتاتتارىنىڭ ساۋالىنا بەرگەن جاۋابىندا.
ونىڭ دەرەگٸنشە, ينتەرنەتكە قوسىلۋ جىلدامدىعىنىڭ جاھاندىق يندەكسٸنە سەيكەس قازاقستان رەسپۋبليكاسىندا ۇيالى بايلانىس تەحنولوگييالارى بويىنشا دەرەكتەردٸ جٷكتەۋدٸڭ ورتاشا جىلدامدىعى 31,8 مبيت/سەكۋندتى, ال رەسەي فەدەراتسيياسىندا – 28,9, ۋكراينادا – 31,9, بەلارۋس رەسپۋبليكاسىندا – 19,4, ٶزبەكستان رەسپۋبليكاسىندا – 19,2 4, قىرعىز رەسپۋبليكاسىندا 24,7 مبيت/سەكۋندتى قۇرايدى.
«وپەراتورلار اراسىنداعى بەسەكەلەستٸكتٸ دامىتۋ ماقساتىندا مينيسترلٸك وسى جيٸلٸكتەردٸ ودان ەرٸ اۋكتسيونعا شىعارۋ ماقساتىندا جۇمىس ٸستەپ تۇرعان وپەراتورلاردان پايدالانىلمايتىن جيٸلٸكتەردٸ الىپ قويۋ جۇمىستارىن جٷرگٸزۋدە. اۋكتسيوندار ٶتكٸزۋ جاڭا كومپانييالارعا بەلگٸلٸ بٸر جيٸلٸك دياپازونىن ساتىپ الۋعا جەنە ٶز ينفراقۇرىلىمىن ۇيىمداستىرۋ بويىنشا جۇمىستاردى باستاۋعا مٷمكٸندٸك بەرەدٸ», - دەدٸ اسحات ورازبەك.
