Qazaqstan álemdegi mobildi internet baǵasy eń tómen elderdiń úshtigine kiredi. Bul týraly QR Tsifrlyq damý, innovatsiialar jáne aeroǵarysh ónerkásibi ministriniń mindetin atqarýshy Ashat Orazbek aitty, dep habarlaidy QazAqparat.
«Qazaqstan álemdegi mobildi internet baǵasy eń tómen elderdiń úshtigine kiredi. Álemdegi 1 GB ortasha quny 8,53 AQSh dollaryn quraidy. Bul rette, Qazaqstanda 1 GB ortasha quny 0,49 AQSh dollaryn teń. Bul elimizge álemde 2-oryn jáne TMD elderi arasynda 1-oryn alýǵa múmkindik berdi», - dep atap ótedi ol Májilis depýtattarynyń saýalyna bergen jaýabynda.
Onyń dereginshe, internetke qosylý jyldamdyǵynyń jahandyq indeksine sáikes Qazaqstan Respýblikasynda uialy bailanys tehnologiialary boiynsha derekterdi júkteýdiń ortasha jyldamdyǵy 31,8 Mbit/sekýndty, al Resei Federatsiiasynda – 28,9, Ýkrainada – 31,9, Belarýs Respýblikasynda – 19,4, Ózbekstan Respýblikasynda – 19,2 4, Qyrǵyz Respýblikasynda 24,7 Mbit/sekýndty quraidy.
«Operatorlar arasyndaǵy básekelestikti damytý maqsatynda ministrlik osy jiilikterdi odan ári aýktsionǵa shyǵarý maqsatynda jumys istep turǵan operatorlardan paidalanylmaityn jiilikterdi alyp qoiý jumystaryn júrgizýde. Aýktsiondar ótkizý jańa kompaniialarǵa belgili bir jiilik diapazonyn satyp alýǵa jáne óz infraqurylymyn uiymdastyrý boiynsha jumystardy bastaýǵa múmkindik beredi», - dedi Ashat Orazbek.
