فوتو: qazaqstan.tv
پرەزيدەنت قاسىم-جومارت توقاەۆ شەتەلدٸك ينۆەستورلار كەڭەسٸنٸڭ 36-شى پلەنارلىق وتىرىسىن ٶتكٸزۋ بارىسىندا حالىقارالىق مەنەدجمەنتتٸ دامىتۋ ينستيتۋتىنىڭ (IMD) مەلٸمەتٸنە سٷيەنە وتىرىپ, ەلٸمٸز ەلەمدەگٸ بەسەكەگە قابٸلەتتٸ 35 مەملەكەتتٸڭ قاتارىنا قوسىلعانىن ايتتى, دەپ حابارلايدى Ult.kz.
"بٸز 2029 جىلعا قاراي شەتەلدەن قوسىمشا 150 ميلليارد دوللار تٸكەلەي ينۆەستيتسييا تارتامىز دەگەن ٶرشٸل ماقسات قويدىق. بۇل مٸندەتتٸ ٸسكە اسىرۋ ٷشٸن ٷكٸمەت جانىنداعى ينۆەستيتسييالىق شتابقا تۋىنداعان پروبلەمالاردى جەدەل شەشە الاتىن قۇزىرەت بەرٸلدٸ. بيىل مامىر ايىندا ۇلتتىق ەكونوميكانى ىرىقتاندىرۋعا نەگٸز قالاعان جارلىققا قول قويدىم. بٸز ەلٸمٸزدە ينۆەستورلاردىڭ جۇمىس ٸستەۋٸنە قولايلى جاعداي جاساۋ باعىتىندا جٷيەلٸ شارالار قابىلداۋدى جالعاستىرا بەرەمٸز", – دەدٸ قاسىم-جومارت توقاەۆ.
مەملەكەت باسشىسى ەلٸمٸزدٸڭ مينەرالدى-شيكٸزات قورى مول ەكەنٸن جەتكٸزدٸ. سونداي-اق گەولوگييالىق بارلاۋ جەنە پايدالى قازبالاردى يگەرۋ سالاسىنداعى ٷدەرٸستەردٸڭ تيٸمدٸلٸگٸ مەن اشىقتىعىن ارتتىرۋ شارالارى جٶنٸندە مەلٸمەت بەردٸ. پرەزيدەنتتٸڭ ايتۋىنشا, قازاقستان سوڭعى التى جىلدا گەولوگييالىق بارلاۋعا 1 ميلليارد دوللاردان استام جەكە ينۆەستيتسييا تارتقان.
قازٸر ەلٸمٸزدەگٸ 1,6 ميلليون شارشى شاقىرىمعا جۋىق اۋماققا گەولوگييالىق زەرتتەۋ جٷرگٸزۋ ٷشٸن جەر قويناۋىن پايدالانۋ قۇقىعىن الۋعا بولادى.
"جاقىندا قابىلدانعان 2029 جىلعا دەيٸنگٸ ۇلتتىق ينفراقۇرىلىم جوسپارى جەرگٸلٸكتٸ ٶندٸرۋشٸلەرگە تىڭ مٷمكٸندٸك ۇسىنادى. جالپى سوماسى 86 ميلليارد دوللاردان اساتىن 200-گە جۋىق ٸرٸ ينفراقۇرىلىمدىق جوبا ٸسكە اسىرىلماق. ٷكٸمەت جەرگٸلٸكتٸ ٶندٸرۋشٸلەردەن وفتەيك-كەلٸسٸمشارتتار ارقىلى ساتىپ الۋعا ارنالعان تاۋارلار تٸزٸمٸن جاساقتاپ جاتىر. ٶنەركەسٸپ ٶركەندەۋٸ ٷشٸن جوعارى بٸلٸكتٸ جۇمىسشىلار قاجەت. سوندىقتان مەن 2025 جىلدى "جۇمىسشى ماماندىقتارى جىلى" دەپ جارييالادىم. بٸز قازاقستانداعى كەسٸپتٸك-تەحنيكالىق بٸلٸم بەرۋ ساپاسىن ارتتىرۋعا, سونداي-اق تيٸستٸ ينفراقۇرىلىمدى دامىتۋعا نيەتتٸ ينۆەستورلاردى ٸزدەيمٸز", – دەدٸ پرەزيدەنت.
قاسىم-جومارت توقاەۆتىڭ قاتىسۋىمەن شەتەلدٸك ينۆەستورلار كەڭەسٸنٸڭ وتىرىسى ٶتكەنٸن جازعان ەدٸك.
