«ينتەرنەت دامىعان سايىن اعىلشىن تٸلٸنٸڭ اياسى كەڭەيٸپ, ٶزگە تٸلدەر ىعىسىپ بارادى. بۇدان قورقۋدىڭ قاجەتٸ جوق». بۇل – قازاقشا ۋيكيپەدييانىڭ ساپاسىن كٶتەرۋگە زور ٷلەس قوسقان شۆەيتسارييالىق قانداسىمىز رۋسلان توقبولاتتىڭ پٸكٸرٸ, دەپ حابارلايدى قازاقپارات.
شۆەيتساريياداعى قازاقتاردىڭ باسىن قوسىپ, BIRLIK قازاق-شۆەيتسار قاۋىمداستىعىن قۇرۋعا اتسالىسقان قانداسىمىز رۋسلان توقبولاتتى كٶپشٸلٸك قازاق ۋيكيپەديياسىنىڭ ەكٸمشٸسٸ رەتٸندە كٶبٸرەك تانيدى. 2013 جىلى ول اتالمىش رەسۋرسقا ەكٸمشٸ بولىپ تۇرعاندا قازاق تٸلٸندەگٸ عىلىمي ماقالالاردىڭ سانى 200 مىڭنان اسقان بولاتىن. قازٸر سول قارقىن نەگە توقتاپ قالعانىن سۇراۋ ٷشٸن شۆەيتساريياداعى قانداسىمىزعا حابارلاسىپ كٶردٸك.
«ۋيكيپەدييا دەگەن ەرٸكتٸلەردٸڭ جۇمىسى عوي. قولدانۋشىلار ٶز ەركٸمەن, قابٸلەتٸنٸڭ جەتكەنٸنشە ماقالالاردى ٶڭدەيدٸ. قازاقستاندىقتاردىڭ كٶبٸ ورىس, اعىلشىن تٸلٸن بٸلگەندٸكتەن, ولارعا سول تٸلدەردە اقپارات الۋ وڭايىراق بولعاندىقتان قازاق ۋيكيپەديياسى ونداي قاتتى دامىماي جاتقان شىعار. ٶيتكەنٸ, اقپارتتاردىڭ بارلىعىن باسقا تٸلدەردە تابۋعا بولادى. ال قازاقشا ۋيكيپەديياعا اتسالىسۋشىلار پاتريوتتىق سەزٸمنٸڭ جەتەگٸمەن قولىنان كەلگەن ٷلەسٸن قوسىپ جٷر», - دەيدٸ قانداسىمىز.
دەگەنمەن, بۇل ٸسكە ەرٸكتٸلەردٸڭ مٸندەتٸ رەتٸندە بەيجاي قاراماي, پايدالى جۇمىس تىندىرىپ جٷرگەندەرگە قولپاشتاۋ كٶرسەتكەن ارتىق بولماس دەگەن وي ايتتى.
«ۋيكيپەدييا ەرٸكتٸلەردٸڭ جوباسى دەسەك تە, ەڭبەك ٶنٸمدٸ بولۋ ٷشٸن ادامدى قولداپ, قولپاشتاپ تۇرۋ كەرەك. سوسىن قاتىسۋشىلاردىڭ ٸشٸندە اۋىزبٸرلٸك بولۋى كەرەك. ادامدار كٶبٸنەسە بٸر-بٸرٸن تاني قويمايدى. تەك سىرتتاي بٸر-بٸرٸنٸڭ جۇمىسىن كٶرٸپ, بٸلٸپ وتىرادى. اراسىندا تىعىز ارالاساتىندار دا بار. بٸراق سيرەك. ماقالالاردىڭ سانى ٶسپەي تۇرۋىنا وسى بٸرلٸكتٸڭ جوقتىعى سەبەپ شىعار. ورتاق بٸر ۇيىم بولسا, وسى ٸسكە قىزىعۋشىلاردىڭ باسىن قوسسا, كەم دەگەندە جىلىنا بٸر رەت جيناپ, نەگٸزگٸ پروبلەمالاردى تالقىلاپ, جوسپارلى تٷردٸ ٸس-شارالار جاسايتىن بولسا, مٷمكٸن بەلسەندٸلٸك ارتاتىن شىعار. ٶز باسىم ۋيكيپەديياعا كٸرمەگەلٸ كٶپ بولدى. ٶيتكەنٸ جۇمىس بابىمەن باسقا دا قوعامدىق جۇمىستاردان ۋاقىت ارتىلماي جاتىر. سوندىقتان دا قازٸر, ٶكٸنٸشكە قاراي, بۇرىنعىداي كٶپ كٶڭٸل بٶلۋگە قول تيمەي جٷر» - دەگەن رۋسلان توقبولات قازاق تٸلدٸ ورتانىڭ بٸلٸمٸن كٶتەرۋ ٷشٸن ەكٸ اراعا ورىس تٸلٸن دەلدال قىلۋ ەدەتٸنەن ارىلۋىمىز كەرەك دەپ وتىر.
«ينتەرنەتتەگٸ كونتەنت ساپاسى تەك قازاق تٸلٸنٸڭ عانا پروبلەماسى ەمەس. مىسالى, نەمٸس تٸلدٸ ايماقتاردا دا بٸلٸم قازٸر كٶبٸنەسە اعىلشىن تٸلٸندە الىنادى. ٶيتكەنٸ كٶپتەگەن جاڭالىقتاردى, ەلەمدٸك زەرتتەۋ نەتيجەلەرٸن اعىلشىنشا تابۋ وڭاي. ادامداردىڭ كٶبٸ اعىلشىنشا بٸلگەندٸكتەن سول تٸلدە اقپاراتتى الا سالادى. كەسٸبي دەڭگەيدە دە اقپارات كٶبٸنەسە اعىلشىن تٸلدە الىنىپ جاتىر. عالامدىق تەندەنتسييا سوعان قاراي بەت الۋدا. مەنٸڭ ويىمشا, جاھاندانۋ مەسەلەسٸ قازاق تٸلٸنە عانا ەمەس, باسقا دا تٸلدەرگە ەسەرٸن تيگٸزٸپ جاتىر. ودان قاتتى قورقۋدىڭ قاجەتٸ جوق. دەگەنمەن دە اعىلشىن تٸلٸنە كٶپ كٶڭٸل بٶلگەن جٶن. ٶيتكەنٸ بۇل تٸلدە بٸلٸم تۋىندايدى, بٸلٸم قورى جينالادى, جىلدان-جىلعا بازاسى نىعايىپ جاتىر. ياعني, اعىلشىن تٸلٸنە كٶبٸرەك كٶڭٸل بٶلگەن جٶن. ال قازاق تٸلٸنٸڭ ينتەرنەتتەگٸ جاعدايى اقىرىنداپ داميتىنى انىق. وعان قاجەتتٸلٸك بولعان كەزدە ۇسىنىس تا بولادى. قازاق تٸلٸندە قىزىقتى كونتەنتتەر كٶبەيسە, دامۋ مٷمكٸندٸگٸ بار. بٸر ەسكەرەتٸن جايت, جاھاندىق ٷلكەن پروتسەستەرمەن ارپالىسۋدىڭ قاجەتٸ جوق دەپ ويلايمىن. ٶيتكەنٸ بۇل زاڭدى, تابيعي پروتسەسس. كەرٸسٸنشە, قاسارىسپاي, اعىلشىن تٸلٸنە ورتا اشا وتىرىپ, قازاقشا كونتەنتتٸ سونىڭ بازاسىندا دامىتقان دۇرىس دەپ ويلايمىن», - دەدٸ BIRLIK قازاق-شۆەيتسار قاۋىمداستىعىنىڭ تەڭ تٶراعاسى.
