ٶزبەكستانداعى قازاقستان جىلى اياسىندا «جاپون كٷزٸ» فەستيۆالٸنە وراي قازاقستان, ٶزبەكستان جەنە جاپونييانىڭ بەلگٸلٸ ەرتٸستەرٸ بٸرلەسٸپ تاشكەنتتە كونتسەرت ٶتكٸزدٸ, دەپ حابارلايدى "ۇلت اقپارات" «قازاقكونتسەرت» مەملەكەتتٸك كونتسەرتتٸك ۇيىمىنىڭ باسپاسٶز قىزمەتٸنە سٸلتەمە جاساپ.
«جاپون كٷزٸ» حالىقارالىق ٶنەر فەستيۆالٸ 2011 جىلدان باستاپ ٶتكٸزٸلٸپ كەلەدٸ. جوبانىڭ قاتىسۋشىلارى – كٷنشىعىس ەلٸنٸڭ دەستٷرلٸ, كلاسسيكا, دجاز مۋزىكالارىنىڭ تانىمال جۇلدىزدارى, قازاقستان جەنە ٶزبەكستان ٶنەر مايتالماندارى. فەستيۆال ۇيىمداستىرۋشىلارى – «دەگدار» گۋمانيتارلىق قورى مەن JTI كومپانيياسى.
فەستيۆال شىمىلدىعىن اشقان العاشقى كونتسەرت انشلاگپەن ٶتتٸ. جاڭا كونتسەرتتٸك باعدارلاما ٶزبەكستاندىق ٶنەرسٷيەر قاۋىمنىڭ جوعارى باعاسىن الىپ, كونتسەرتكە بارلىق بيلەتتەر تەگٸن بەرٸلگەندٸكتەن, جوبا ەرتٷرلٸ ەلەۋمەتتٸك توپتاردى قامتىدى.
جاپوندىق مۋزىكالىق ٶنەردٸ كەيكو ينoۋە, ساكيتا حادجيمە, ياماشيتا كەنجي سىندى بەلگٸلٸ مۋزىكانتتار ۇسىندى. ولاردىڭ ٷزدٸك تۋىندىلارى تەك كٷنشىعىس ەلٸنە عانا ەمەس, بارشا ەلەمگە تانىمال. جاپوندىق كومپوزيتور, مۋزىكانت ساكيتا حادجيمە «مۋزىكالىق ارا» دەپ اتالاتىن ەرەكشە مۋزىكالىق اسپاپتا ورىنداۋ شەبەرلٸگٸمەن تامساندىردى. سيرەك كەزدەسەتٸن ەرٸ ەرەكشە تاڭعاجايىپ ٷن شىعاراتىن اسپاپتا وينايتىن مۋزىكانتتار ەلەمدە كٶپ ەمەس. ساكيتا حادجيمە ەلەمدە العاشقىلاردىڭ بٸرٸ بولىپ مۋزىكالىق ارا اسپابىمەن ورىندالاتىن كومپوزيتسييالاردى جازدى. كونتسەرتتەرٸ ەلەمنٸڭ ٷزدٸك ساحنالارىندا ٶتەتٸن جاپوندىق پيانيست ياماشيتا كەنجي مەن ورگانيست كەيكو ينوۋە ٶنەرٸ دە كٶرەرمەننٸڭ ىستىق ىقىلاسىنا بٶلەندٸ.
قازاقستاننىڭ ۇلتتىق مۋزىكا ٶنەرٸن «قازاقكونتسەرت» مەملەكەتتٸك كونتسەرتتٸك ۇيىمىنىڭ «استانا سازى» ەتنو-فولكلورلىق انسامبلٸ ۇسىندى. ەلٸمٸزدٸڭ ٷزدٸك ەتنو-فولكلورلىق انسامبلدەردٸڭ بٸرٸ قازاق ۇلتتىق مۋزىكالىق اسپاپتارىمەن ٶنەر كٶرسەتٸپ, تىڭدارماننىڭ زور قوشەمەتٸنە يە بولدى. بۇعان قوسا, ٶنەرسٷيەر قاۋىم ٶزبەكستاندىق «Registan» توبى ۇسىنعان ٶزبەك ۇلتتىق مۋزىكاسىن تىڭداي الدى. كونتسەرتتٸ بەلگٸلٸ قازاقستاندىق كينواكتريسا گۋلنار دۋسماتوۆا جٷرگٸزدٸ.
كەش سوڭىندا بارلىق ەرتٸستەر «جاپون كٷزٸ» فەستيۆالٸنٸڭ كٶركەمدٸك جەتەكشٸسٸ, اتاقتى ماەسترو تيمۋر ۋرمانچەەۆپەن بٸرگە س.ياگيساۆانىڭ «ەرتەڭگٸ كٷن» كومپوزيتسيياسىن ورىندادى. «دەگدار» گۋمانيتارلىق قورىنىڭ ديرەكتورى لاۋرا احمەتوۆانىڭ ايتۋىنشا, ٷش ەلدٸڭ ٶنەر مايتالماندارىن بٸر ساحنادا توعىستىرعان فەستيۆالدٸڭ باستى ماقساتى – كٶرەرمەندەردٸ جاپون مۋزىكاسىمەن, مەدەنيەتٸمەن تانىستىرىپ, ەلدەر اراسىنداعى مەدەني ىنتىماقتاستىقتى نىعايتۋ.
«بٷگٸن ساحنادا جاس تالانتتار مەن اتاقتى ٶنەرپازدار بٸرگە ٶنەر كٶرسەتٸپ, ٶزارا قۇندى تەجٸريبە الماسۋعا كەرەمەت مٷمكٸندٸك الدى. كٶرەرمەندەر ارتيستەرگە ىستىق ىقىلاستارىن بٸلدٸرٸپ, شىنايى ٸلتيپاتتارىن كٶرسەتتٸ. حالىقارالىق كەلٸسٸم مەن بەيبٸتشٸلٸكتٸ مۋزىكا ارقىلى نىعايتۋدا «جاپون كٷزٸ» فەستيۆالٸنٸڭ رٶلٸ زور», - دەدٸ لاۋرا احمەتوۆا.
«جاپون كٷزٸ» فەستيۆالٸ 26 قىركٷيەك كٷنٸ بٸشكەك قالاسىندا جالعاسادى.
فەستيۆالدٸڭ جابىلۋ سالتاناتى 27 قىركٷيەكتە الماتى قالاسىندا ٶتپەك. الماتىلىقتار جاپون مۋزىكاسىمەن قاتار, كٷنشىعىس ەلٸنٸڭ ٷزدٸك كينوتۋىندىلارىن تاماشالاي الادى. فيلمدەر 28 قىركٷيەك پەن 2 قازان ارالىعىندا «تسەزار» كينوتەاترىندا كٶرسەتٸلەدٸ. «جاپون كٷزٸ» فەستيۆالٸ اياسىندا بارلىق ٸس-شارالارعا كٸرۋ تەگٸن.
