قازاق تٸلٸندەگٸ اۋديونى بٸردەن مەتٸنگە اينالدىراتىن قوسىمشا شىقتى, - دەپ حابارلايدى Tengrinews.kz.
قوسىمشا TezText دەپ اتالادى, ونى جاساپ شىعارعان - Galamat tech كومپانيياسى, قولداۋ كٶرسەتكەن - اقش-تىڭ قازاقستانداعى ەلشٸلٸگٸ. موبيلدٸ قوسىمشا تەگٸن جەنە App Store مەن "Play ماركەت" ارقىلى جٷكتەپ الۋعا بولادى.
قوسىمشانى قۇراستىرۋشى كومپانييا باسشىسىنىڭ ايتۋىنشا, TezText جۋرناليستەر جۇمىسىن ايتارلىقتاي جەڭٸلدەتەدٸ.
"TezText iOS جەنە Android-قا ارنالعان سٶيلەۋدٸ تانۋ جٷيەلەرٸ مەن باعدارلامالاۋدىڭ ەڭ ٷزدٸك جەتٸستٸكتەرٸن قامتيتىن باعدارلامالىق جاساقتاما, ول قازاقستاندىق جۋرناليستەردٸڭ كەسٸبي قىزمەتٸندە قازاق تٸلٸندەگٸ اۋديوجازبانى مەتٸنگە كٶشٸرٸپ, تەرۋگە كٶمەكتەسەدٸ. باعدارلامالىق جاساقتاما ەلدەگٸ قازاقتٸلدٸ جۋرناليستيكا سالاسىنا ايتارلىقتاي كٶمەك كٶرسەتەدٸ جەنە قازاقتٸلدٸ مەديانارىقتىڭ تسيفرلىق مٷمكٸندٸكتەرٸن كەڭەيتەدٸ. TezText جۋرناليستەردٸڭ قاجەتتٸلٸكتەرٸن ەسكەرە وتىرىپ جاسالعان موبيلدٸ قوسىمشا", - دەدٸ Galamat tech باسشىسى اباي سەرعازيەۆ.
قوسىمشا اۆتورلارىنىڭ ايتۋىنشا, قوسىمشاداعى تٸلدٸك مودەل جۋرناليستەرگە بەيٸمدەلگەن, كەسٸبي تەرميندەردٸ جاقسى تانيدى. سونىمەن قاتار, قوسىمشا ايتىلعان اقپاراتتى ناقتى ۋاقىت رەجيمٸندە جازىپ, تاني الادى. قوسىمشانى جاساۋ ٷشٸن 10 مىڭنان اسا ماتەريال نەمەسە 40 ميلليون سٶيلەم قولدانىلعان.
بولاشاقتا ادام ەسٸمدەرٸ تولىعىپ, تىنىس بەلگٸلەردٸ قويۋ مەسەلەلەرٸ شەشٸلمەك. سونىمەن قاتار, قوسىمشانى قولدانۋشىلارعا الداعى ۋاقىتتا TezText قورىنا جاڭا سٶزدەردٸ ەنگٸزۋ قۇقىعى بەرٸلەدٸ.
TezText قوسىمشاسىنىڭ شىعۋىنا قولداۋ كٶرسەتكەن اقش ەلشٸلٸگٸ ٶكٸلدەرٸنٸڭ ايتۋىنشا, بۇل قوسىمشا قازاق تٸلٸنٸڭ دامۋىنا زور ٷلەس قوسادى.
"اقش ەلشٸلٸگٸ قازاق تٸلٸن دامىتۋ جولىنداعى جوبالارعا وراسان زور مەن بەرٸپ, ٷنەمٸ قولداۋ كٶرسەتەدٸ. بۇل جوبا دا قازاق تٸلٸ مەن ونىڭ دامۋى ٷشٸن اسا ماڭىزدى بولماق. تسيفرلانعان تٸل - مەڭگٸ تٸل", - دەدٸ ەلشٸلٸكتٸڭ ٶكٸلٸ قارلىعاش جامانقۇلوۆا.
قوسىمشا اۆتورلارىنىڭ ايتۋىنشا, جوبا قازاقستاندىق بٸرقاتار ورگانعا ۇسىنىلعان, ال اقش ەلشٸلٸگٸ بٸرٸنشٸ بولىپ قولداۋ كٶرسەتكەن. قوسىمشا تەك جۋرناليستەرگە ارنالماعان, ونى قازاق تٸلٸندەگٸ اۋديونى مەتٸنگە اينالدىرۋدى قاجەت ەتەتٸن كەز كەلگەن ادام قولدانا الادى.
ەسكە سالايىق, بيىل اقپاندا Google Translate سەرۆيسٸنٸڭ ەندٸ قازاق تٸلٸندەگٸ دىبىستاۋدى اۋدارا الاتىنى حابارلاندى. 2014 جىلى جەلتوقساندا Google Translate جٷيەسٸنە قازاق تٸلٸنە مەتٸندٸك اۋدارما جاساۋ قوسىلعان.
