استانادا ٶتٸپ جاتقان «تۇمار» ۇلتتىق تەلەۆيزييالىق بەيگەسٸنٸڭ سالتاناتتى رەسٸمٸندە قر مەملەكەتتٸك حاتشىسى گٷلشارا ەبدٸقالىقوۆا ەلباسى نۇرسۇلتان نازارباەۆتىڭ قۇتتىقتاۋىن وقىپ بەردٸ, دەپ حابارلايدى قازاقپارات تٸلشٸسٸ.
«قازاق تەلەۆيزيياسىنىڭ حابار تاراتا باستاعانىنا 60 جىل تولۋىمەن قۇتتىقتايمىن. بٷگٸندە قوعام ٶمٸرٸنٸڭ تىنىس-تٸرشٸلٸگٸن تەلەديدارسىز كٶزگە ەلەستەتۋ قيىن. سوندىقتان, بۇل وتاندىق تەلەۆيزييانىڭ مىڭداعان قىزمەتكەرلەرٸن عانا ەمەس, قازاقستاندىقتاردىڭ ورتاق مەرەيلٸ مەرەكەسٸ دەپ ايتۋعا بولادى. وسى جىلداردا سٸزدەر رەسپۋبليكامىزدىڭ كٷردەلٸ ٶتكەنٸ مەن بٷگٸنگٸ قازاقستاننىڭ سان-سالالى, ٶزەكتٸ پروبلەمالارىن دەر كەزٸندە تاسپاعا تٷسٸرٸپ, وتانىمىزدىڭ بەينەلٸ شەجٸرەسٸن جازىپ كەلەسٸزدەر. 1958 جىلدىڭ كٶكتەمٸندە اشىلعان قازاقستان تەلەۆيزيياسى بٷگٸن دە كٶپتەگەن تەلەارنالاردان تۇراتىن, مىڭداعان كەسٸبي ماماندار ەڭبەك ەتەتٸن, ٷزدٸك تەحنيكامەن جابدىقتالىپ, تەحنولوگييالارعا ارقا سٷيەيتٸن اۋقىمدى سالاعا اينالىپ وتىر. سونىڭ ٸشٸندە 60 جىلدان بەرٸ كٶرەرمەننٸڭ ٷزدٸكسٸز كٶزايىمى بولىپ كەلە جاتقان قازاق تەلەۆيزيياسىنىڭ قارا شاڭىراعى - «Qazaqstan» ۇلتتىق ارناسىنىڭ الاتىن ورنى ەرەكشە», - دەلٸنگەن قۇتتىقتاۋدا.
«وتاندىق تەلەجۋرناليستيكا ۇرپاقتار ساباقتاستىعىن ساقتاي وتىرىپ, ٶز قاتارىن كەسٸبي ماماندارمەن ۇدايى تولىقتىرۋدا. ولار ٶزدەرٸنٸڭ قاۋىرت تا قاجىرلى ەڭبەگٸ ارقىلى قىزىعى مەن قيىندىعى قات-قابات جاۋاپتى قىزمەتتەرٸن ابىرويمەن اتقارۋدا. مەملەكەت ٶز تاراپىنان قازاق تەلەۆيزيياسىنىڭ زامان تالابىنا ساي دامۋى ٷشٸن بارلىق مٷمكٸندٸكتەردٸ جاساۋدا. تمد اۋماعىندا بالاماسى جوق «قازمەديا» ورتالىعىنىڭ قۇرىلۋى - وسىنىڭ ايقىن دەلەلٸ», - دەدٸ ەلباسى.
پرەزيدەنت ٶز قۇتتىقتاۋىندا, ەلٸمٸز رۋحاني جەنە ەلەۋمەتتٸك جاڭعىرۋدى جٷزەگە اسىرۋعا قىزۋ كٸرٸسكەنٸن, قازٸرگٸ تاڭدا جۋرناليستەرگە جٷكتەلەتٸن مٸندەت اۋقىمى ٶتە ٷلكەن ەكەنٸن اتاپ ٶتەدٸ.
«سٸزدەر جاھاندانۋ دەۋٸرٸندە سىرتتان اعىلاتىن اقپارات اعىنىنا لايىقتى توسقاۋىل قويىپ, كٶرەرمەندەر ساناسىنا ٶز ۇلتتىق قۇندىلىقتارىمىزدى دارىتىپ, جاستارىمىزدىڭ بويىنا قازاقستاندىق پاتريوتتىق سەزٸمدٸ قالىپتاستىرۋعا, ەلەمگە تەۋەلسٸز وتانىمىز تۋرالى شىنايى اقپارات تاراتۋعا, قىزمەت ەتۋگە تيٸسسٸزدەر. وسى ابىرويلى مٸندەتتەردٸ جٷزەگە اسىرۋدا بارشاڭىزعا زور دەنساۋلىق پەن باقىت, ٸزدەنٸمپازدىق پەن جاڭا شىعارماشىلىق تابىس تٸلەيمٸن», - دەپ اتاپ ٶتكەن مەملەكەت باسشىسى.
