قازاق مەديتسينالىق ٷزدٸكسٸز بٸلٸم بەرۋ ۋنيۆەرسيتەتٸ باس ليتسەنزيياسىنان ايىرىلدى, دەپ حابارلايدى بٸلٸم جەنە عىلىم مينيسترلٸگٸنٸڭ باسپاسٶز قىزمەتٸ.
مينيسترلٸكتٸڭ مەلٸمدەۋٸنشە, ساپاسىز بٸلٸم بەرەتٸن جوعارى وقۋ ورىندارىنىڭ سانىن قىسقارتۋ بويىنشا جۇمىس جالعاسىپ جاتىر. بارلىق تەكسەرۋ قاتاڭ تٷردە قولدانىستاعى زاڭناماعا سەيكەس جٷزەگە اسىرىلۋدا. تالاپتار بويىنشا جوعارى وقۋ ورىندارى انىقتالعان بۇزۋشىلىقتاردى بەرٸلگەن ۋاقىت ٸشٸندە جويۋى تيٸس.
«مەسەلەن, ٶتكەن جىلى قر بعم بٸلٸم جەنە عىلىم سالاسىنداعى ساپانى قامتاماسىز ەتۋ كوميتەتٸ قازاق مەديتسينالىق ٷزدٸكسٸز بٸلٸم بەرۋ ۋنيۆەرسيتەتٸنٸڭ بٸلٸم بەرۋ قىزمەتٸنە تەكسەرۋ جٷرگٸزٸپ, نەتيجەسٸندە ٶرەسكەل بۇزۋشىلىقتار انىقتادى. اتاپ ايتساق, جوعارى وقۋ ورنىنداعى باكالاۆريات, ماگيستراتۋرا, دوكتورانتۋرا, رەزيدەنتۋرا باعدارلاماسى بويىنشا وقۋ ٷردٸسٸ قاجەتتٸ پروفەسسورلىق-وقىتۋشىلىق قۇراممەن جەنە تيٸستٸ ماتەريالدىق-تەحنيكالىق بازامەن قامتاماسىز ەتٸلمەگەن. سونىمەن قاتار وقۋ ورنىنداعى ٶزگە دە ماڭىزدى كٶرسەتكٸشتەر بەلگٸلەنگەن ەڭ تٶمەنگٸ نورمالارعا سەيكەس كەلمەيدٸ», دەلٸنگەن حابارلامادا.
ۆەدومستۆو 2020 جىلعى شٸلدە ايىنداعى تەكسەرٸس نەتيجەسٸ بويىنشا اتالعان ۋنيۆەرسيتەت ليتسەنزيياسىنىڭ كٷشٸن توقتاتىپ, انىقتالعان كەمشٸلٸكتەردٸ جويۋعا ۋاقىت بەرگەن. الايدا, قايتا تەكسەرٸس جٷرگٸزۋ كەزٸندە قازاق مەديتسينالىق ٷزدٸكسٸز بٸلٸم بەرۋ ۋنيۆەرسيتەتٸ كوميتەتتٸڭ نۇسقامالارىن ورىنداماعانى جەنە زاڭنامانى ٶرەسكەل بۇزا وتىرىپ, جۇمىسىن جالعاستىرعانى بەلگٸلٸ بولدى.
«بولاشاق دەرٸگەرلەرگە ساپالى بٸلٸم بەرۋ – ادامداردىڭ ٶمٸرٸ مەن دەنساۋلىعىنىڭ كەپٸلٸ. وسى ورايدا بٸز سوتقا جٷگٸنۋگە مەجبٷر بولدىق. قازاق مەديتسينالىق ٷزدٸكسٸز بٸلٸم بەرۋ ۋنيۆەرسيتەتٸن جابۋ مەسەلەسٸن سوت تا, بٸلٸم جەنە عىلىم مينيسترلٸگٸنٸڭ كوميتەتٸ تە قارادى. الماتى قالاسىنىڭ مامانداندىرىلعان اۋدانارالىق ەكٸمشٸلٸك سوتىنىڭ قاۋلىسىنا سەيكەس قازاق مەديتسينالىق ٷزدٸكسٸز بٸلٸم بەرۋ ۋنيۆەرسيتەتٸ ەكٸمشٸلٸك جاۋاپكەرشٸلٸككە تارتىلدى. ودان بٶلەك, جوو-عا ايىپپۇل سالىنىپ, باس ليتسەنزييادان ايىرۋ تۋرالى شەشٸم شىعارىلدى», – دەدٸ قر بعم بٸلٸم جەنە عىلىم سالاسىندا ساپانى قامتاماسىز ەتۋ كوميتەتٸنٸڭ تٶرايىمى گٷلزات كٶبەنوۆا.
قازاق مەديتسينالىق ٷزدٸكسٸز بٸلٸم بەرۋ ۋنيۆەرسيتەتٸ الماتىداعى دەرٸگەرلەردٸڭ بٸلٸكتٸلٸگٸن جەتٸلدٸرۋ ۇيىمىنىڭ بازاسىندا 2015 جىلى قۇرىلعان. بٷگٸنگٸ تاڭدا اتالعان وقۋ ورنىندا 3 مىڭنان استام ستۋدەنت وقيدى.
«ەلٸمٸز بويىنشا 14 جوعارى وقۋ ورنى بولاشاق دەرٸگەرلەردٸ دايىندايدى, ونىڭ بەسەۋٸ الماتى قالاسىندا ورنالاسقان. قازمٷببۋ-دا وقىعان ستۋدەنتتەردٸڭ گرانتتارى ساقتالادى جەنە ولار باسقا جوعارى وقۋ ورىندارىنا اۋىستىرىلادى. وقۋ قۇنى ٶزگەرمەيدٸ. سونداي-اق وقىتۋشىلاردى جۇمىسقا ورنالاستىرۋ مەسەلەسٸ جەكە قاراستىرىلىپ جاتىر», – دەپ اتاپ ٶتتٸ گٷلزات كٶبەنوۆا.
باس ليتسەنزييادان ايىرۋ تۋرالى سوت شەشٸمٸ 10 جۇمىس كٷنٸنەن كەيٸن زاڭدى كٷشٸنە ەنەدٸ جەنە جوعارى وقۋ ورنى بٸلٸم بەرۋ قىزمەتٸن توقتاتۋعا مٸندەتتٸ بولادى.
