قازاقستاندىق حوككەيشٸ قىز بۇلبۇل قارتانباەۆا امەريكادا 13-14 جاسار قىزداردان قۇرالعان حوككەي كلۋبىنىڭ باس باپكەرٸ قىزمەتٸنە تاعايىندالدى, – دەپ حابارلايدى امەريكا قۇراما شتاتتارىنىڭ قازاقستانداعى ەلشٸلٸگٸ.
«قازاقستاندىق بۇلبۇل قارتانباەۆانى قۇتتىقتايمىز. بٷگٸن ول امەريكانىڭ نيۋ-دجەرسي شتاتىنداعى Princeton Tiger Lilies حوككەي كلۋبىنىڭ باس باپكەرٸ قىزمەتٸنە كٸرٸستٸ» دەپ جازدى ەلشٸلٸك Instagram پاراقشاسىندا.
بۇلبۇل قارتانباەۆا - NWHL ەيەلدەر ليگاسىنىڭ تاريحىنداعى بٸرٸنشٸ قازاقستاندىق سپورتشى. ول ٶتكەن جىلى امەريكالىق «مەتروپوليتەن ريۆەتەرس» كلۋبىمەن كەلٸسٸمشارتقا وتىرعان بولاتىن.
