قازاقستاننىڭ سىرتقى ٸستەر مينيسترلٸگٸ قازاقستاننىڭ قىرعىزستانداعى ەلشٸلٸگٸنٸڭ قىزمەتكەرٸ شەكارادا ۇستالدى دەگەن اقپاراتتى جوققا شىعاردى, - دەپ حابارلايدى Sputnik قازاقستان.
كەشە باق-تا قازاق-قىرعىز شەكاراسىندا قازاقستاننىڭ قىرعىزستانداعى ەلشٸلٸگٸنٸڭ ەكٸمشٸلٸك-تەحنيكالىق پەرسونالىنىڭ قىزمەتكەرٸ ۇستالدى دەگەن اقپارات تاراعان بولاتىن. ول الاياقتىق جاسادى دەپ ايىپتالعان قازاقستاندىق ەيەلدٸ ديپلوماتييالىق نٶمٸرٸ بار اۆتوكٶلٸكپەن شەكارادان شىعارماق بولىپتى-مىس.
قازاقستاننىڭ سىرتقى ٸستەر مينيسترلٸگٸنٸڭ ٶكٸلٸ Sputnik قازاقستانعا بۇل وقيعادان حاباردار ەكەنٸن ايتتى. الايدا ەلشٸلٸك قىزمەتكەرٸن ەشكٸم ۇستاماعانىن ناقتىلادى.
"10 قاڭتاردا قىرعىز تاراپىندا "اق جول – قورداي" مەملەكەتتٸك شەكاراسىنىڭ باقىلاۋ-ٶتكٸزۋ پۋنكتٸندە قازاقستاننىڭ قىرعىزستانداعى ەلشٸلٸگٸنٸڭ ەكٸمشٸلٸك-تەحنيكالىق پەرسونالى قىزمەتكەرٸمەن بولعان جاعدايدى راستايمىز. قازٸر قىرعىز تاراپىمەن بٸرلەسٸپ بۇل وقيعانىڭ مەن-جايىن انىقتاپ جاتىرمىز", - دەدٸ مينيسترلٸكتٸڭ رەسمي ٶكٸلٸ ايبەك سماديياروۆ.
ايتۋىنشا, قازاق-قىرعىز شەكاراسىنداعى جاعداي تۋرالى تولىق ماعلۇمات كەيٸنٸرەك حابارلانادى.
