ەلورداداعى ۇلتتىق اكادەمييالىق كٸتاپحانا اباي پوەزيياسىنىڭ 130 جىلدىعىن اتاپ ٶتتٸ, دەپ حابارلايدى "ۇلت اقپارات".
قازٸرگٸ كٷنتٸزبە بويىنشا ابايدىڭ شىنايى تۋعان كٷنٸ 23 تامىزعا سەيكەس كەلەدٸ. زييالى قاۋىم وسى كٷندٸ تويلاپ جاتقاندا ۇلتتىق اكادەمييالىق كٸتاپحانا اباي پوەزيياسىنىڭ 130 جىلدىعىنا ارنالعان دٶڭگەلەك ٷستەل ٶتكٸزدٸ.
اقىن, ابايتانۋشى الماحان مۇحامەدقاليقىزىنىڭ سٶزٸنە قاراعاندا, وسىدان 130 جىل بۇرىن ابايدىڭ 10 ٶلەڭٸ ەل اراسىنا ٶز اتىنان تاراعان.
«بيىل ابايدىڭ 10 ٶلەڭٸنە 130 جىل تولادى. اتاپ ايتساق, «ەسٸڭدە بار ما جاس كٷنٸڭ», «جٷرەگٸم مەنٸڭ قىرىق جاماۋ», «ادام بٸر بوق كٶتەرگەن بوقتىڭ قابى», «كٷشٸك اسىراپ يت ەتتٸم», «سٷيسٸنە المادىم, سٷيمەدٸم», «دٷتبايعا», «نۇرلى اسپانعا تىرىسىپ ٶسكەنسٸڭ سەن» اتتى ٶلەڭدەرٸ مەن م.لەرمونتوۆتان اۋدارعان «جالاۋ», «جارتاس», «جٷرەكتە كٶپ قازىنا بار, بەرٸ جاقسى» سيياقتى تۋىندىلارى جارىق كٶرگەن», - دەيدٸ عالىم.
ايتۋلى شاراعا ابايتانۋشى مەكەمتاس مىرزاحمەتوۆ, قر جازۋشىلار وداعىنىڭ تٶراعاسى ۇلىقبەك ەسدەۋلەت, فيلوسوف عاريفوللا ەسٸم, جازۋشىلار وداعىنىڭ نۇر-سۇلتان قالالىق فيليالىنىڭ ديرەكتورى دەۋلەتكەرەي كەپۇلى باستاعان عالىمدار مەن ەدەبيەت ٶكٸلدەرٸ قاتىستى.
جيىندا سٶز العان عالىم مەكەمتاس مىرزاحمەتوۆ قازاق قوعامى ابايدى جاتتاۋ جاعىنان الدىنا جان سالماي كەتكەنٸمەن, تولىق تٷسٸنبەي جاتقانىن ايتتى.
«ابايدى جاتتاۋ بار دا, تٷسٸنۋ بار. جاتتاۋدان الدىمىزعا جان سالماي جٷرسەك تە, كٶبٸنەسە تٷسٸنبەي قالامىز. ونىڭ سەبەبٸ كٶپ. ابايدىڭ رۋحاني ەلەمٸ مەن پەلساپالىق ليريكاسىنا ەۋروپا دا, شىعىس تا جەتە الماعان. قازٸر ەلەمدٸك دٷنيەتانىم ٶزگەردٸ. ابايدان قالعان «تولىق ادام ٸلٸمٸ» دەيتٸن بٸر ۇلى مۇرا بار. قازٸر وسى ٸلٸم قازاقستانداعى 8 ۋنيۆەرسيتەتتە وقىتىلىپ جاتىر. سونىڭ مونوگرافيياسىن جازىپ بٸتٸردٸم. تٷبٸ بۇل ٸلٸمدٸ بٷكٸل ەلەم زەرتتەپ, وقيتىن بولادى. سەبەبٸ ونداي تەرەڭ ٸلٸم ەۋروپادا دا, مىنا ٸرگەدەگٸ قىتايدا دا جوق», - دەدٸ ابايتانۋشى.
