فوتو: vesti.kz
سول ارقىلى رەسەي پرەمەر-ليگاسىندا دوپ تەبەتٸن قازاق فۋتبولشىسى نۇرالى ەلٸپتٸڭ كلۋبى كٶش باستاپ وتىر, دەپ جازادى «ۇلت اقپارات» inbusiness.kz -كە سٸلتەمە جاساپ.
"فۋتبول نا كۋليچكاح" پورتالى رەسەي بٸرٸنشٸلٸگٸنٸڭ (16-تۋرى) "جۇلدىزدى قۇرامىن" انىقتاعان. تٸزٸمدە قازاقستاندىق ويىنشى نۇرالى ەلٸپ تە بار.
"زەنيت" قورعاۋشىسى سوڭعى تۋردا كلۋبىنىڭ جەڭٸسٸنە 100 پايىزدىق ٷلەس قوسقان ەدٸ. ويىننىڭ قوسىمشا ۋاقىتىندا, ياعني 90+6 مينۋتتا نەتيجەلٸ پاس بەرٸپ, كومانداسىن 1:0 ەسەبٸمەن العا شىعاردى.
– ورتالىق قورعاۋشى: نۇرالى ەلٸپ ("زەنيت"). قازاق قورعاۋشىسى ورىنبورداعى ويىننىڭ باستى قاھارماندارىنىڭ بٸرٸ اتاندى. ەلٸپ قورعانىستا ٶتە ساۋاتتى ويناپ, شابۋىل شەبٸندەگٸ ەرٸپتەستەرٸنە دە كٶمەكتەستٸ. ونىڭ دەل بەرگەن پاسىنان كەيٸن ەروحين باسپەن گول سوعىپ, "زەنيت" تۋرنير كەستەسٸنٸڭ كٶشٸن باستادى, – دەپ جازدى رەسەيلٸك باسىلىم.
ايتا كەتەيٸك, "ورەنبۋرگ" پەن "زەنيت" اراسىنداعى كەزدەسۋ 23 قاراشادا "گازوۆيك" ستاديونىندا ٶتتٸ.
