سكرينشوت: youtube.com/@NomadFightingChampionshipKZ
قازاق فايتەرٸ ەرنات تٷگەلبەكوۆ اناسىنىڭ قازاسىنا قاراماستان رينگكە شىقتى دەپ حابارلايدى "ۇلت اقپارات".
“بالقاش جولبارىسى” دەگەن لاقاپ اتپەن جەكپە جەككە شىعىپ جٷرگەن قازاقستاندىق فايتەر ەرنات تٷگەلبەكوۆ كەزەكتٸ جەڭٸسٸن سىرقاتتان كٶز جۇمعان اناسىنا ارنادى. سەبەبٸ ونىڭ اناسى ەرنات جەكپە جەككە شىعاردان 3 ساعات بۇرىن عانا دٷنيە سالىپتى.
بۇل تۋرالى ايتقان “بالقاش جولبارىسى” كٶز جاسىنا ەرٸك بەرٸپ, اناسىن مەككەگە, دۋبايعا اپارىسى كەلگەن نيەتٸن جەتكٸزدٸ.
"قارسىلاسىما راحمەتٸمدٸ ايتامىن. بۇل جەڭٸسٸمدٸ اناما ارنايمىن. ٷش ساعات بۇرىن سۋىق حابار كەلگەن. جەكپە-جەكتەن ٷش ساعات بۇرىن انام ٶمٸردەن ٶتتٸ. اناشىم, جانىن جەنناتتا بولسىن. اقشا كەرەك بولدى, كەزدەسۋگە شىعۋعا تۋرا كەلدٸ.
انام جەتٸ جىل راكپەن اۋىردى. سٸزدٸ جازىلىپ, مەككەگە اپارام دەپ ويلاعانمىن. دۋبايعا اپارعىم كەلگەن. جەتٸ جىل قينالدىڭىز. قىدىرتامىن دەپ ەدٸم. ارمانىما جەتە المادىم", - دەدٸ ول.
