لانجوۋ قالاسىندا ٶتكەن 2019 جىلعى ەركٸن كٷرەس تٷرٸنەن قىتاي چەمپيوناتىندا قازاق بالۋانى ەرلانبەك كەتەيۇلى تاعى دا التىن مەدالعا يە بولدى. بۇل تۋرالى قىتايدىڭ CNR اقپاراتتىق پورتالى حابارلادى.
قىتايداعى بالۋانداردىڭ كٸل مىقتىسىن انىقتايتىن بۇل جولعى رەسپۋبليكالىق بايراقتى بەسەكەگە 137 كوماندادان 1120 سپورتشى قاتىسقان. 9 كٷن بويى 10 تٷرلٸ سالماق بويىنشا باق سىناعان چەمپيوناتتا قانداسىمىز, گانسۋ ٶلكەسٸنٸڭ بالۋانى ەرلانبەك كەتەيۇلى 65 كەلٸ سالماعىندا باس جٷلدەنٸ ەنشٸلەگەن.
ەرلانبەك كەتەيۇلى 2009 جىلدان بەرٸ قىتاي چەمپيوناتتارىندا جەڭٸس تۇعىرىنان تٷسپەي كەلە جاتقان بالۋان. ول قىتايدىڭ التاي ايماعىنا قاراستى قىزىلتاس قالاشىعىندا دٷنيەگە كەلگەن. ول 2010 جىلى قىتاي بٸرٸنشٸلٸگٸندە 65 كەلٸ سالماق دەرەجەسٸ بويىنشا چەمپيون اتانعان. 2014 جىلى وڭتٷستٸك كورەيانىڭ ينچحون قالاسىندا ٶتكەن ازييا ويىندارىندا قولا مەدال يەلەنگەن.
ايتا كەتسەك, ەرلانبەك قىتايداعى قازاقتار اراسىنان وليمپياداعا جولداما العان ٷشٸنشٸ قانداسىمىز. وعان دەيٸن گرەك-ريم كٷرەسٸنەن ەلنۇر تٶرگەۇلى, بوكستان قانات يسلام وليمپيادادا قىتاي اتىنان ٶنەر كٶرسەتكەن بولاتىن.
