XVIII جازعى ازييا ويىندارىندا كٷرەس تٷرلەرٸنەن جارىستار اياقتالدى. قازاق بالۋاندارى العاش رەت جەڭٸستٸڭ ەڭ بيٸك تۇعىرىنان كٶرٸنە المادى, دەپجازادى kaz.vesti.kz.
بٷگٸن گرەك-ريم كٷرەسٸنەن جٷلدەلەر ساراپقا سالىندى. سوڭعى ٷمٸت اۋىر سالماقتاعى اپايتٶس بالۋانىمىز نۇرماحان تىناليەۆتە بولدى. الايدا فينالدا وتانداسىمىز ٶزبەك مۋميدجان ابدۋللاەۆتان ايلاسىن اسىرا المادى. وعان دەيٸن جەرگٸلٸكتٸ بالۋان پاپانگ رامانحاني مەن جاپون اراتا سونادانى جەڭگەن ەدٸ.
نۇرماحان بٷگٸن التىن العاندا, ازييا ويىندارىنىڭ ٷش دٷركٸن جەڭٸمپازى اتانار ەدٸ. التىن بۇيىرمادى. جالعىز نۇرماحانعا عانا ەمەس, جالپى كٷرەس تٷرلەرٸنەن. وسىعان دەيٸن بٸر بالۋان بولسا دا, جەڭٸمپاز اتانىپ جٷرگەن ەدٸ.
قازاق سپورتشىلارى جازعى ازييا ويىندارىنا 1994 جىلدان بەرٸ قاتىسىپ كەلەدٸ. حيروسيمو بوز كٸلەمٸندە مەۋلەن مامىروۆ (ەركٸن كٷرەس), دەۋلەت تۇرلىحانوۆ (گرەك-ريم كٷرەسٸ) پەن يۋريي مەلنيچەنكو (گرەك-ريم كٷرەسٸ) التىننان القا تاققان-دى. اراعا 4 جىل سالا ازييا ويىندارى بانگكوكتا ٶتتٸ. ول جولى باقتييار بايسەيٸتوۆ (گرەك-ريم كٷرەسٸ) پەن سەرگەي ماتۆيەنكو (گرەك-ريم كٷرەسٸ) جەڭٸستٸڭ بيٸك تۇعىرىنان كٶرٸندٸ. 2002 جىلى پۋساندا ەسەت يمانباەۆ (گرەك-ريم كٷرەسٸ) پەن گەورگيي تسۋرتسۋمييا (گرەك-ريم كٷرەسٸ) التىن الدى.
2006 جىلعى ازييا ويىندارى دوحادا (كاتار) ٶتتٸ. 74 كگ سالماقتا رومان مەلەشين جەڭٸمپاز اتاندى. 2010 جەنە 2014 جىلدارى نۇرماحان تىناليەۆتٸ جەڭٸس تۇعىرىنان كٶردٸك. سونداي-اق گۋانچجوۋدا (2010 ج) ەيەلدەر اراسىندا 63 كگ سالماقتا ەلەنا شالىگينا توپ جاردى. بيىل دجاكارتادا التىن جٷلدە بۇيىرمادى. قازاق بالۋاندارى 4 كٷمٸس 6 قولامەن جارىستى اياقتادى.
XVIII جازعى ازييا ويىندارى 2 قىركٷيەككە دەيٸن جالعاسادى. قازٸرگٸ تاڭدا قازاقستان قۇراماسى 1 التىن 6 كٷمٸس 14 قولا مەدالمەن جالپى ەسەپتە 12-ورىندا كەلەدٸ.
قازاق بالۋاندارى ازييا ويىندارىندا العاش رەت التىن المادى
