XVIII jazǵy Aziia oiyndarynda kúres túrlerinen jarystar aiaqtaldy. Qazaq balýandary alǵash ret jeńistiń eń biik tuǵyrynan kórine almady, depjazady kaz.vesti.kz.
Búgin grek-rim kúresinen júldeler sarapqa salyndy. Sońǵy úmit aýyr salmaqtaǵy apaitós balýanymyz Nurmahan Tynalievte boldy. Alaida finalda otandasymyz ózbek Mýmidjan Abdýllaevtan ailasyn asyra almady. Oǵan deiin jergilikti balýan Papang Ramanhani men japon Arata Sonadany jeńgen edi.
Nurmahan búgin altyn alǵanda, Aziia oiyndarynyń úsh dúrkin jeńimpazy atanar edi. Altyn buiyrmady. Jalǵyz Nurmahanǵa ǵana emes, jalpy kúres túrlerinen. Osyǵan deiin bir balýan bolsa da, jeńimpaz atanyp júrgen edi.
Qazaq sportshylary jazǵy Aziia oiyndaryna 1994 jyldan beri qatysyp keledi. Hirosimo boz kileminde Máýlen Mamyrov (erkin kúres), Dáýlet Turlyhanov (grek-rim kúresi) pen Iýrii Melnichenko (grek-rim kúresi) altynnan alqa taqqan-dy. Araǵa 4 jyl sala Aziia oiyndary Bangkokta ótti. Ol joly Baqtiiar Baiseiitov (grek-rim kúresi) pen Sergei Matvienko (grek-rim kúresi) jeńistiń biik tuǵyrynan kórindi. 2002 jyly Pýsanda Áset Imanbaev (grek-rim kúresi) pen Georgii Tsýrtsýmiia (grek-rim kúresi) altyn aldy.
2006 jylǵy Aziia oiyndary Dohada (Katar) ótti. 74 kg salmaqta Roman Meleshin jeńimpaz atandy. 2010 jáne 2014 jyldary Nurmahan Tynalievti jeńis tuǵyrynan kórdik. Sondai-aq Gýanchjoýda (2010 j) áielder arasynda 63 kg salmaqta Elena Shalygina top jardy. Biyl Djakartada altyn júlde buiyrmady. Qazaq balýandary 4 kúmis 6 qolamen jarysty aiaqtady.
XVIII jazǵy Aziia oiyndary 2 qyrkúiekke deiin jalǵasady. Qazirgi tańda Qazaqstan quramasy 1 altyn 6 kúmis 14 qola medalmen jalpy esepte 12-orynda keledi.
Qazaq balýandary Aziia oiyndarynda alǵash ret altyn almady
