فوتو: اشىق دەرەككٶز
كٶرنەكتٸ جازۋشى, ساتيريك, قازاقستاننىڭ قۇرمەتتٸ جۋرناليسٸ, حالىقارالىق «الاش» سىيلىعىنىڭ لاۋرەاتى عابباس قابىشۇلى 90 جاسقا تولدى, دەپ حابارلايدى Ult.kz.
مەرەيتوي يەسٸنٸڭ شاڭىراعىنا, قازاقستان جازۋشىلار وداعى باسقارماسىنىڭ تٶراعاسى مەرەكە قۇلكەنوۆ پەن الماتى قالاسى مەدەنيەت باسقارماسىنىڭ باسشىسى عاني مايلىباەۆ ارنايى باردى. عاني مايلىباەۆ مەملەكەت باسشىسى قاسىم-جومارت توقاەۆتىڭ جٷرەكجاردى لەبٸزگە تولى قۇتتىقتاۋ حاتىن وقىپ بەردٸ. سونىمەن قاتار مەملەكەتتٸك كەڭەسشٸ ەرلان قاريننٸڭ قۇتتىقتاۋ حاتى مەن الماتى قالاسىنىڭ ەكٸمٸ ەربولات دوساەۆتىڭ دا قۇتتىقتاۋى تابىستالدى.
قازاق قالامگەرلەرٸ اتىنان سٶز سٶيلەگەن قازاقستان جازۋشىلار وداعى باسقارماسىنىڭ تٶراعاسى مەرەكە قۇلكەنوۆ عابباس قابىشۇلىنا قۇرمەت كٶرسەتٸپ, قالامگەردٸڭ ەدەبيەت پەن جۋرناليستيكاداعى, ساتيرا مەن اۋدارماداعى ەرەن ەڭبەگٸن اتاپ ٶتتٸ. ول جازۋشى شىعارماشىلىعىنىڭ قوعامدى تەرەڭنەن تولعاپ, ەزٸلمەن استارلى وي ايتاتىن دارالىعىنا ەرەكشە توقتالدى.
قۇتتىقتاۋىندا مەرەكە قۇلكەنوۆ:
«سٸزدٸڭ قالامىڭىزدان تۋعان ەربٸر شىعارما – قوعامنىڭ تەرەڭ تامىرىن دٶپ باسىپ, كٷلكٸ ارقىلى وي سالاتىن ٶتكٸر تۋىندىلار. “مىسىقتا ساقال نەگە جوق?”, “جەتٸم جينالىس”, “تاريحتا قالعىڭ كەلە مە?” سىندى ساتيرالىق ەڭگٸمەلەرٸڭٸز قازاق ەدەبيەتٸنٸڭ التىن قورىنان ويىپ تۇرىپ ورىن الادى», – دەپ اتاپ ٶتتٸ.
سونداي-اق ول جازۋشىنىڭ ا.چەحوۆ, س.ميحالكوۆ, ب.نۋشيچ سەكٸلدٸ ەلەم ەدەبيەتٸ كلاسسيكتەرٸنٸڭ تۋىندىلارىن قازاق تٸلٸنە تەرجٸمالاۋداعى ەڭبەگٸن جوعارى باعالادى. بۇل اۋدارمالار قازاق وقىرمانىنا ەلەم ەدەبيەتٸنٸڭ ٷزدٸك ٷلگٸلەرٸن ۇسىنۋمەن قاتار, تٶل ەدەبيەتتٸڭ كٶكجيەگٸن كەڭەيتكەنٸ ايتىلدى.
«سٸزدٸڭ شىعارماشىلىعىڭىز – كٷلكٸ مەن شىندىقتىڭ اراسىنداعى كٶپٸر. ەدەبيەت ارقىلى ەلدٸڭ ساناسىن جاڭعىرتىپ, ۇرپاق تەربيەسٸنە زور ٷلەس قوستىڭىز. 90 جىلدىق مەرەيتويىڭىزبەن شىن جٷرەكتەن قۇتتىقتاي وتىرىپ, سٸزگە زور دەنساۋلىق, شىعارماشىلىق ۇزاق عۇمىر تٸلەيمٸن», – دەپ تٷيٸندەدٸ جازۋشىلار وداعىنىڭ تٶراعاسى.
