قازاقستان رەسپۋبليكاسى پرەزيدەنتٸنٸڭ جارلىعىمەن تالدىقورعانداعى اۆيابازانىڭ كەلٸسٸم شارت بويىنشا ەسكەري قىزمەتشٸسٸ ەفرەيتور عابدوللا سمايىلقانوۆقا ٸٸٸ دەرەجەلٸ «ايبىن» وردەنٸمەن ماراپاتتالدى. وردەن مارقۇمنىڭ ەكەسٸ عالىم ازانبەكوۆكە تابىستالدى, دەپ حابارلايدى قازاقپارات قورعانىس مينيسترٸلٸگٸنٸڭ باسپاسٶز قىزمەتٸنە سٸلتەمە جاساپ.
«بۇل بەرٸمٸز ٷشٸن ورنى تولماس قايعى. كٷش-جٸگەرٸ تاسىپ تۇرعان جاستاردىڭ ارامىزدان كەتۋٸ ٶتە اۋىر. ۇلىڭىز سوڭىنا دەيٸن ەسكەري پارىزى مەن انتىنا ادال بولدى. ول بٸزدٸڭ جادىمىزدا مەڭگٸ ساقتالادى. قارۋلى كٷشتەردٸڭ بارلىق جەكە قۇرامى مەن قورعانىس مينيسترلٸگٸنٸڭ باسشىلىعى سٸزگە قايعىرىپ كٶڭٸل ايتادى», – دەدٸ ەۋە شابۋىلىنا قارسى قورعانىس ەسكەرلەرٸنٸڭ قولباسشىسى گەنەرال-مايور قايرات سادىقوۆ.
قورعانىس مينيسترلٸگٸ اۆياتسييا بازاسىنىڭ مامانى ەفرەيتور عابدوللا سمايىلقانوۆ تالدىقورعان قالاسىندا تەرروريستتەردٸڭ قولىنان قازا تاپتى. ول قىزمەتتٸك پارىزىن ورىنداۋ بارىسىندا اۋىر جاراقات العان بولاتىن.
عابدوللا عالىمۇلى سمايىلقانوۆ 1996 جىلى 6 سەۋٸردە الماتى وبلىسى, قارابۇلاق كەنتٸندە دٷنيەگە كەلگەن. عابدوللا نەبەرٸ 25 جاستا عانا ەدٸ.
مارقۇمنىڭ ارتىندا جۇبايى, ۇلى مەن قىزى قالدى. قورعانىس مينيسترلٸگٸ وتباسىن تۇرعىن ٷيمەن قامتاماسىز ەتٸپ, قاجەتتٸ ماتەريالدىق كٶمەك كٶرسەتەتٸن بولادى. ەسكەري بٶلٸم عابدوللا سمايىلقانوۆتىڭ وتباسىن ٶز قامقورلىعىنا الدى.
