«قايىرىمدى ٸستەر مارافونى» جالپىحالىقتىق سيپات العان ٷلگٸلٸ ٸس-شارا بولدى. بۇل تۋرالى «جومارت جٷرەك» سىيلىعى لاۋرەاتتارىن ماراپاتتاۋ سالتاناتتى شاراسىندا قر اقپارات جەنە قوعامدىق دامۋ مينيسترٸ ايدا بالاەۆا ايتتى, دەپ حابارلايدى قازاقپارات.
«جىل باسىندا تەۋەلسٸزدٸكتٸڭ 30-جىلدىعىن مەرەكەلەۋ ماۋسىمىن اشىپ بەرگەن جالپىۇلتتىق «قايىرىمدى ٸستەر مارافونى» بٷگٸن ٶز مەرەسٸنە جەتتٸ. ٶزدەرٸڭٸز بٸلەسٸزدەر, بۇل باستاما – ەل پرەزيدەنتٸنٸڭ ۇسىنىسىمەن جالپىحالىقتىق سيپات العان ٷلكەن دە ٷلگٸلٸ ٸس-شارا بولدى. سوندىقتان دا, بٷگٸن مەملەكەت باسشىسى وسى باستاماعا اتسالىسقان بارشا ازاماتتارعا ٶزٸنٸڭ ىستىق لەبٸزٸن جولدادى», - دەپ اتاپ ٶتتٸ مينيستر.
ايدا بالاەۆا ەل پرەزيدەنتٸ وسى «قايىرىمدى ٸستەر مارافونى» اياسىندا مۇقتاجدارعا كٶمەك قولىن سوزىپ, اينالاسىن جاقسىلىققا بٶلەگەن جومارت جانداردى ەرەكشە اتاپ ٶتكەندٸگٸن ايتتى.
«ول دا بولسا, حالقىمىزدىڭ ەجەلدەن «قايىرلى ٸس جاساۋدى» ٸزگٸلٸكتٸڭ بەلگٸسٸنە بالاپ, ٸشكٸ بەرەكە-بٸرلٸكتٸ بيٸك قويعان دانالىعى. جوبا باستالعاننان بيزنەس قاۋىمداستىق, ازاماتتىق سەكتور, جەكەلەگەن بەلسەندٸ ازاماتتار تاراپىنان قولداۋ تاۋىپ, بارلىق ٶڭٸردە جاقسىلىق جاساۋعا شاقىرعان ٸس-شارالار ۇيىمداستىرىلدى. مۇنىڭ ٶزٸ - قوعامنىڭ ەلەۋمەتتٸك-ماڭىزدى مەسەلەلەرٸن شەشۋدە مەملەكەت پەن جەكە سەكتوردىڭ ٶزارا ەرٸپتەستٸكتە, بٸرٸگٸپ ەرەكەت ەتە الاتىنىنىڭ دەلەلٸ»,- دەدٸ ول.
