قر ەكولوگييا, گەولوگييا جەنە تابيعي رەسۋرستار مينيسترلٸگٸ براكونەرلەر وعىنان جاراقات العان ينسپەكتورلار تۋرالى اقپارات جارييالادى, دەپ حابارلايدى "ۇلت اقپارات".
«نۇرتازينوۆ قانىش سەرٸكۇلى 1976 جىلى 24 قاڭتاردا دٷنيەگە كەلگەن. ول – قاراعاندى وبلىسى ۇلىتاۋ اۋدانىنىڭ قوسكٶل اۋىلىنىڭ تۇرعىنى. 2016 جىلدىڭ 5 قاڭتارىندا «وحوتزووپروم «ٶب» رمقك جۇمىسقا تۇرعان. ونىڭ ارتىندا ەيەلٸ, ٷش قىزى جەنە 2011 جىلى تۋعان ۇلى قالدى», - دەلٸنگەن مينيسترلٸكتٸڭ باسپاسٶز قىزمەتٸنٸڭ حابارلاماسىندا.
قازٸرگٸ ۋاقىتتا مارقۇمنىڭ دەنەسٸن تۋعان اۋىلىنا جەتكٸزۋ مەسەلەلەرٸ تالقىلانىپ جاتىر.
مينيسترلٸكتٸڭ حابارلاۋىنشا, جاراقات العان ەكٸنشٸ ينسپەكتور وسپانوۆ سامات كٶشبەرگەنۇلى 1975 جىلى اقمولا وبلىسىندا تۋعان. بٸلٸمٸ - ورتاشا-ارناۋلى, زاڭگەر. قازٸرگٸ تاڭدا ساماتقا دەرجاۆينسك اۋداندىق اۋرۋحاناسىندا وتا جاسالۋدا.
ايتا كەتەيٸك, اقمولا وبلىسى جارقايىڭ اۋدانىندا ينسپەكتورلار تابيعاتتى قورعاۋ زاڭناماسىن بۇزعانداردىڭ الدىن الۋ شاراسىن جٷرگٸزٸپ, كيٸك اتۋ فاكتٸسٸن انىقتاعان. زاڭ بۇزۋشىلاردىڭ ٸزٸنە تٷسكەندە 10 ٶڭٸرگە – قوستاناي وبلىسىنا تيەسٸلٸ اق تٷستٸ «نيۆا» ماركالى اۆتوكٶلٸكتەن (مەملەكەتتٸك نٶمٸرٸ بەلگٸسٸز) وق اتىلىپ, ەكٸ ينسپەكتور جاراقات العان.
كەيٸنٸرەك قر اشم ورمان شارۋاشىلىعى جەنە جانۋارلار ەلەمٸ كوميتەتٸنٸڭ باسپاسٶز حاتشىسى سەكەن دٸلداحمەت جاراقات العان براكونەرلەردٸڭ بٸرٸنٸڭ قايتىس بولعانى تۋرالى حابار تاراتتى.
سونداي-اق براكونەرلەردٸڭ قولىنان قازا تاپقان ينسپەكتوردىڭ ارتىندا تٶرت بالاسى قالعاندىعى بەلگٸلٸ بولدى.
ال قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ براكونەرلەر قولىنان مەرت بولعان ينسپەكتوردىڭ وتباسىنا كٶڭٸل ايتىپ, ونىڭ وتباسىنا بارلىق قاجەتتٸ كٶمەكتٸڭ كٶرسەتٸلەتٸندٸگٸن جەتكٸزدٸ.
اقمولا وبلىسى جارقايىڭ اۋدانىنىڭ پوليتسييا بٶلٸمٸ كٷدٸكتٸلەردٸ ٸزدەپ جاتىر.
