فوتو ©️ Tengrinews.kz / تۇرار قازانعاپوۆ
قازاقستان ازاماتتارى مۇراگەرلٸككە مٷلٸك پەن اقشا عانا ەمەس, سونىمەن قاتار قارىزداردى, ونىڭ ٸشٸندە كوممۋنالدىق تٶلەمدەر مەن نەسيەنٸ دە الادى. ادام قايتىس بولعاننان كەيٸن تٶلەنبەگەن نەسيەلەرٸ بولسا, نە ٸستەۋ كەرەك, ونى كٸم جەنە قالاي ٶتەۋٸ كەرەك? Tengrinews.kz تٸلشٸسٸ انىقتاپ كٶردٸ.
قارجى نارىعىن رەتتەۋ جەنە دامىتۋ اگەنتتٸگٸ (قنردا) مەلٸمەتٸنشە, مۇراگەر قايتىس بولعان تۋىسىنىڭ نەسيەسٸن الۋدان باس تارتۋعا قۇقىلى. الايدا, بۇل جاعدايدا باسقا مۇرادان دا (بولعان جاعدايدا) باس تارتۋعا مەجبٷر بولادى. ٶيتكەنٸ مۇرانىڭ بٸر بٶلٸگٸنەن عانا ەسكەرتپە نەمەسە شارت ايتىپ, باس تارتۋعا زاڭمەن جول بەرٸلمەيدٸ. باسقاشا ايتقاندا, ٷش بٶلمەلٸ پەتەردٸ مۇراعا الىپ, بۇل رەتتە ونىڭ بۇرىنعى يەسٸنٸڭ قارىزىن تٶلەۋدەن باس تارتا المايسىز.
"ەگەر مۇراگەر مۇراعا كٸرمەۋ تۋرالى شەشٸم قابىلداسا, وندا ول ەشقايدا بارمايدى جەنە ٶز قۇقىعىن مەلٸمدەمەمەسە بولادى. بۇل جاعدايدا ول ەشقانداي ەرەكەت جاساماۋى كەرەك, ياعني مۇرا قالدىرۋشىنىڭ مٷلكٸن پايدالانۋ, كوممۋنالدىق قىزمەتتەرگە اقى تٶلەۋ, جٶندەۋ جۇمىستارىن جٷرگٸزۋ جەنە ت.ب. ەگەر مۇراگەر بٸلمەستەن مۇراعا كٸرۋ تۋرالى ٶتٸنٸش بەرٸپ, سودان كەيٸن ٶز ويىن ٶزگەرتكەن بولسا, وندا مۇراعا قۇقىعى تۋرالى كۋەلٸك العانعا دەيٸن نوتاريۋسقا مۇرادان باس تارتۋ تۋرالى ٶتٸنٸش بەرۋٸ كەرەك. كۋەلٸكتٸ العاننان كەيٸن مۇرادان تەك سوت ارقىلى باس تارتۋعا بولادى", - دەلٸنگەن اگەنتتٸكتٸڭ Tengrinews.kz رەسمي ساۋالىنا بەرگەن جاۋابىندا.
ەگەر ادام مۇرانى قابىلداۋعا شەشٸم قابىلداسا, وندا ول مۇرا قالدىرۋشىنىڭ قارىزى بار-جوعىن سول نوتاريۋس ارقىلى بٸلە الادى. ماڭىزدى: نەسيە بەرۋشٸلەر ەدەتتە قارىزدى قارىز الۋشى قايتىس بولعان كٷنٸ نەمەسە قايتىس بولۋ تۋرالى كۋەلٸكتٸ العان كٷندەگٸ جاعداي بويىنشا توقتاتادى.
"وسىعان بايلانىستى مۇراگەر, ەڭ الدىمەن, نوتاريۋستان مۇرا قالدىرۋشىنىڭ قارىزى بار-جوعىن انىقتاپ, نەسيە بەرۋشٸلەرگە ايىپپۇل ەسەپتەمەۋدٸ جەنە ول مۇراگەرلٸك قۇقىعىنا ەنگەنگە دەيٸن قارىزدى (قارىزدى) توقتاتا تۇرۋدى تالاپ ەتەتٸن قازا تۋرالى كۋەلٸكتٸ شۇعىل تٷردە ۇسىنۋى كەرەك", - دەپ كەڭەس بەردٸ قنردا.
ەگەر ٶسيەت قالدىرۋشى قايتىس بولعاننان كەيٸن نەسيە بەرۋشٸ ايىپپۇل ەسەپتەپ قويعان بولسا, وندا مۇراگەر قايتا ەسەپتەۋدٸ تالاپ ەتۋگە قۇقىلى, ٶيتكەنٸ قايتىس بولۋ قارىز مٸندەتتەمەلەرٸن بۇزۋ بولىپ سانالمايدى.
"ەگەر مۇراگەر مۇراعا كٸرۋگە جەنە مۇرا قالدىرۋشىنىڭ قارىزىن قابىلداۋعا شەشٸم قابىلداسا, وندا ول باستاپقىدا قارىز شارتىندا كٶرسەتٸلگەن تٶلەم كەستەسٸ بويىنشا ٶتەيتٸن بولادى. ەگەر وعان ٶتەۋ كەستەسٸ ىڭعايسىز بولسا نەمەسە مەرزٸمٸنەن بۇرىن تٶلەم جاساعىسى كەلسە - وسى تارماقتاردىڭ بارلىعىن نەسيە بەرۋشٸمەن تالقىلاۋ قاجەت", - دەپ قوستى اگەنتتٸك.
ەگەر مۇرا قالدىرۋشى مٸندەتتەمەنٸ ورىنداماعان بولسا جەنە ودان قارىزدى ٶندٸرٸپ الۋ تۋرالى سوتتىڭ زاڭدى كٷشٸنە ەنگەن شەشٸمٸ بولسا, مۇراگەر بۇل مەسەلەنٸ نەسيە بەرۋشٸمەن جەكە شەشۋٸ قاجەت.
مۇراگەرلٸككە كٸرٸسپەس بۇرىن مٷلٸكتٸڭ نارىقتىق قۇنىن باعالاعان دۇرىس.
"الىنعان مەلٸمەتتەر قارىزدىڭ الىنعان مۇراعا سەيكەستٸگٸن انىقتاۋعا مٷمكٸندٸك بەرٸپ قانا قويماي, مەملەكەتتٸك باج سالىعىن ەسەپتەۋ ٷشٸن دە پايدالى بولادى", - دەپ اتاپ ٶتتٸ ۆەدومستۆو.
ەگەر قايتىس بولعان ادامنىڭ ٶسيەت بويىنشا دا, زاڭ بويىنشا دا مۇراگەرلەرٸ بولماسا نەمەسە ولاردىڭ بارلىعى مۇرادان باس تارتسا, وندا ول يەلٸكتەن شىعارىلعان مٷلٸك بولىپ تانىلادى جەنە ول كوممۋنالدىق مەنشٸككە اينالادى.
