استانا قالاسىنىڭ بايقوڭىر اۋدانى №2 سوتىنىڭ سۋدياسى نۇرلان باياحمەتوۆ نۇرسۇلتان نازارباەۆتىڭ نەمەرە ٸنٸسٸ قايرات ساتىبالدىۇلىنىڭ ٸسٸ بويىنشا ٷكٸم شىعاردى, دەپ حابارلايدى "ۇلت اقپارات".
بۇعان دەيٸن ايىپتالۋشى تاراپ پەن جەبٸرلەنۋشٸ تاراپ سانالاتىن كومپانييالاردىڭ كەلٸسٸمگە كەلگەنٸ حابارلانعان بولاتىن. سوتتالۋشىلار ساتىبالدىۇلى, قوڭىرباەۆ, بەكەتوۆ, مۇحامەتجانۇلى, مۋراۆەۆ تاتۋلاسۋ تۋرالى مەدياتسييالىق كەلٸسٸمدٸ راستاپ, بەرٸ دە ايىپپەن كەلٸسەتٸنٸن ايتقان.
پروكۋرور ەسەباەۆ سوتتان قايرات ساتىبالدىۇلىن 6 جىلعا باس بوستاندىعىنان ايىرۋدى, مەملەكەتتٸك قىزمەتتە, سوتتا, ۇلتتىق بانكتە, مەملەكەتتٸڭ ٷلەسٸ 50 پايىزدىق كەسٸپورىنداردا 10 جىل جۇمىس ٸستەۋ قۇقىعىنان ايىرۋدى, مٷلكٸن تەركٸلەۋدٸ سۇراعان. سونداي-اق, سوتتالۋشى جازاسىن قاۋٸپسٸزدٸگٸ ورتاشا تٷزەتۋ مەكەمەسٸندە ٶتەۋٸ كەرەكتٸگٸن ايتتى.
"ساتىبالدىۇلى 28-باپتىڭ 3-بٶلٸگٸ, 189-باپتىڭ 4-بٶلٸگٸ 2-تارماعى, 195-باپتىڭ 4-بٶلٸگٸ 2-تارماعى بويىنشا كٸنەلٸ دەپ تانىلسىن. مٷلكٸ تەركٸلەنٸپ, مەملەكەتتٸك قىزمەتتە لاۋازىم اتقارۋ قۇقىعىنان 10 جىل مەرزٸمگە ايىرىلا وتىرىپ, التى جىلعا باس بوستاندىعىنان ايىرۋ جازاسى تاعايىندالسىن", - دەدٸ ٷكٸمدٸ وقىعان نۇرلان باياحمەتوۆ.
ول جازاسىن قاۋٸپسٸزدٸگٸ ورتاشا مەكەمەدە ٶتەيدٸ. ناۋرىزدان بەرٸ يزولياتوردا وتىرعان 1 كٷنٸ كولونيياداعى 1,5 كٷن رەتٸندە ەسەپتەلەدٸ.
"سونىمەن قاتار پرەزيدەنتكە ساتىبالدىۇلىنىڭ ۇلتتىق قاۋٸپسٸزدٸك ورگانىنىڭ گەنەرال-مايور شەنٸ مەن "قۇرمەت", "پاراسات" وردەندەرٸنەن ايىرۋ تۋرالى ٷسىنىس ەنگٸزٸلسٸن", - دەدٸ سۋديا.
ايتا كەتسەك, ەكٸ كٷن بۇرىن باستالعان سوتتا ادۆوكات قايرات ساتىبالدىۇلى كٸنەسٸن مويىندايتىنىن, ەكٸ كومپانييانىڭ 12 ملرد تەڭگە جەنە 28 ملرد تەڭگە شىعىنىن ٶتەگەنٸن مەلٸم ەتكەن. پروتسەسس ەكٸ ٸس بويىنشا قارالعان بولاتىن.
ەسكە سالا كەتسەك, قازاقستاننىڭ بۇرىنعى پرەزيدەنتٸ نۇرسۇلتان نازارباەۆتىڭ نەمەرە ٸنٸسٸ وسى جىلدىڭ ناۋرىزىندا قاماۋعا الىنعان ەدٸ. ونىڭ ٷستٸنەن «الداۋ جولىمەن مٷلٸكتٸك زالال كەلتٸردٸ», «سەنٸپ تاپسىرىلعان بٶتەن مٷلٸكتٸ يەمدەنٸپ الۋ نەمەسە تالان-تاراجعا سالدى» دەگەن ايىپپەن قىلمىستىق ٸس قوزعالعان. ودان بٶلەك ول «سالىقتان جەنە كەدەندٸك تٶلەمدەردەن جالتاردى», «قىلمىستىق جولمەن تاپقان تابىسىن زاڭداستىردى» دەگەن كٷدٸكپەن دە تەرگەلگەن.
سونىمەن قاتار ناۋرىزدا ەيەلٸ گٷلميرا ساتىبالدى دا «بيزنەستٸ رەيدەرلٸك جولمەن تارتىپ الدى» دەگەن ايىپپەن قاماۋعا الىنعان.
ال قايرات ساتىبالدىۇلىنىڭ ٸنٸسٸ سامات ەبٸش قاڭتار قىرعىنىنان كەيٸن ۇقك تٶراعاسىنىڭ ورىنباسارى قىزمەتٸنەن بوساتىلعان. ۇقك سامات ەبٸش «تەرگەۋ نازارىندا» ەكەنٸن مەلٸمدەگەن. الايدا ونىڭ قانداي دا ٸسكە قاتىسى بار-جوعى ايتىلعان جوق. قايرات ساتىبالدىۇلى «قازاقتەلەكومنان» 12,7 ملرد تەڭگە, «كٶلٸك سەرۆيسٸ ورتالىعىنان» 28,6 ملرد تەڭگە جىمقىرعان دەپ ايىپتالعان.
