"قايرات" بورتىندا فۋتبولشىلار مەن كلۋبتىڭ جاتتىقتىرۋشىلار شتابى بولعان ۇشاقتىڭ اپاتقا ۇشىراۋىنا قاتىستى مەلٸمدەمە جاسادى, - دەپ حابارلايدى Tengrinews.kz تٸلشٸسٸ Vesti.kz سايتىنا سٸلتەمە جاساپ.
تٶتەنشە وقيعا 22 قازان كٷنٸ تاڭەرتەڭ الماتى حالىقارالىق ەۋەجايىندا بولعان. FlyJet ۇشاعى Renault كٶلٸگٸمەن سوقتىعىسقان.
"شىنىندا دا, "قايرات" فك فۋتبولشىلارى مەن جاتتىقتىرۋشىلار شتابى بورتتا بولدى. باقىتىمىزعا وراي, ەشكٸم زارداپ شەككەن جوق. كوماندا بٸراز ۋاقىت ۇشاقتا بولدى, سودان كەيٸن كلۋب بازاسىنا كەتتٸ. 24 قازان, جەكسەنبٸ كٷنٸ ٶتەتٸن "قايرات" - "استانا" ماڭىزدى ماتچىنىڭ الدىندا كەشكە جاتتىعۋ بولادى", - دەپ مەلٸمدەدٸ "قايرات" فك باسپاسٶز قىزمەتٸ.
ايتا كەتەيٸك, وسى رەيستە "قايرات" باكۋدەن "قاراباحقا" قارسى ٶتكەن توپتىق ماتچتان ورالدى.
وقيعانىڭ مەن-جايى انىقتالىپ جاتىر. قازٸرگٸ ۋاقىتتا قر قىلمىستىق كودەكسٸنٸڭ 344-بابىنىڭ 1-بٶلٸگٸ (ەۋە كٶلٸگٸنٸڭ قوزعالىس قاۋٸپسٸزدٸگٸ جەنە پايدالانۋ قاعيدالارىن بۇزۋ) بويىنشا سوتقا دەيٸنگٸ تەرگەۋ باستالدى.
