"Qairat" bortynda fýtbolshylar men klýbtyń jattyqtyrýshylar shtaby bolǵan ushaqtyń apatqa ushyraýyna qatysty málimdeme jasady, - dep habarlaidy Tengrinews.kz tilshisi Vesti.kz saityna silteme jasap.
Tótenshe oqiǵa 22 qazan kúni tańerteń Almaty halyqaralyq áýejaiynda bolǵan. FlyJet ushaǵy Renault kóligimen soqtyǵysqan.
"Shynynda da, "Qairat" FK fýtbolshylary men jattyqtyrýshylar shtaby bortta boldy. Baqytymyzǵa orai, eshkim zardap shekken joq. Komanda biraz ýaqyt ushaqta boldy, sodan keiin klýb bazasyna ketti. 24 qazan, jeksenbi kúni ótetin "Qairat" - "Astana" mańyzdy matchynyń aldynda keshke jattyǵý bolady", - dep málimdedi "Qairat" FK baspasóz qyzmeti.
Aita keteiik, osy reiste "Qairat" Bakýden "Qarabahqa" qarsy ótken toptyq matchtan oraldy.
Oqiǵanyń mán-jaiy anyqtalyp jatyr. Qazirgi ýaqytta QR Qylmystyq kodeksiniń 344-babynyń 1-bóligi (áýe kóliginiń qozǵalys qaýipsizdigi jáne paidalaný qaǵidalaryn buzý) boiynsha sotqa deiingi tergeý bastaldy.
