ارالاس جەكپە-جەكتەن قازاقستاندىق سپورتشى قايرات احمەتوۆ ONE Championship چەمپيوناتىندا جەڭٸل سالماقتا "ۋاقىتشا" چەمپيون اتاعىنا تالاس كەزٸندە فيليپپيندٸك دجەح ۋەستاكيودان جەڭٸلٸپ قالدى, دەپ حابارلادى Vesti.kz.
ولاردىڭ جەكپە-جەگٸ 26 قاڭتاردا ٶتٸپ, فيليپپين استاناسى مانيلاداعى ONE: Global Superheroes تۋرنيرٸنٸڭ باستى وقيعاسى بولدى. سپورتشىلار بەس مينۋتتان بەس راۋند ٶتكٸزدٸ, نەتيجەسٸندە ۋەستاكيو جەڭٸپ شىقتى.
ايتا كەتەيٸك, احمەتوۆ پەن ۋەستاكيو 2016 جىلى كەزدەسكەن بولاتىن, ول كەزدە قازاقستاندىق سپورتشى جەڭٸسكە جەتكەن.
30 جاستاعى احمەتوۆتٸڭ قورجىنىندا 31 جەڭٸس پەن ەكٸ جەڭٸلٸس بار. 28 جاستاعى ۋەستاكيو ونىنشى جەڭٸسٸنە قول جەتكٸزدٸ جەنە ول جەتٸ رەت جەڭٸلٸس تاپقان.
احمەتوۆ بۇعان دەيٸن ONE Championship چەمپيوناتىنىڭ بەلدٸگٸنە يە بولعان, بٸراق برازيلييالىق ادريان موراەشتەن 2017 جىلى تامىزدا جەڭٸلٸپ قالدى.
