نۇر-سۇلتان قالاسىنىڭ باس مەملەكەتتٸك سانيتار دەرٸگەرٸ سارحات بەيسەنوۆا جاسٶسپٸرٸمدەرگە نە ٷشٸن ۆاكتسينا سالدىرۋ قاجەتتٸگٸن تٷسٸندٸردٸ, دەپ حابارلايدى قازاقپارات.
«جىل باسىنان بەرٸ بٸزدەگٸ جالپى سىرقاتتانۋ ستاتيستيكاسىندا بالالاردىڭ ٷلەسٸ - 17,5%. مەكتەپ وقۋشىلارى اراسىندا سىرقاتتاردى الىپ قاراساق, جىل باسىنان بەرٸ 3 554 وقۋشى اۋىرعان. جالپى كٶرسەتكٸشتٸڭ 32,3%-ىن 12-17 جاستاعى بالالار مەن جاسٶسپٸرٸمدەر قۇرايدى», - دەدٸ سارحات بەيسەنوۆا ەكٸمدٸكتە ٶتكەن بريفينگتە.
ونىڭ ايتۋىنشا, بالالار اراسىندا دەل وسى جاس توبى كوروناۆيرۋس ينفەكتسيياسىنا ٶتە سەزٸمتال كەلەدٸ.
«ۆيرۋس جۇقتىرۋ بويىنشا ەكٸنشٸ توپ – 12-14 جاستاعى بالالار (21%). سوندىقتان بۇل جاس توبى دا ۆاكتسينالاۋ ٷشٸن قابىلداندى. سونىمەن قاتار, ددسۇ بالالاردى ۆاكتسينالاۋ ٷشٸن Pfizer ۆاكتسيناسىن ۇسىندى, ٶيتكەنٸ ول وسى جاس ساناتىنا ۆاكتسينا جاساۋدا ٶتە جوعارى تيٸمدٸلٸك كٶرسەتتٸ», - دەدٸ بەيسەنوۆا.
