Nur-Sultan qalasynyń bas memlekettik sanitar dárigeri Sarhat Beisenova jasóspirimderge ne úshin vaktsina saldyrý qajettigin túsindirdi, dep habarlaidy QazAqparat.
«Jyl basynan beri bizdegi jalpy syrqattaný statistikasynda balalardyń úlesi - 17,5%. Mektep oqýshylary arasynda syrqattardy alyp qarasaq, jyl basynan beri 3 554 oqýshy aýyrǵan. Jalpy kórsetkishtiń 32,3%-yn 12-17 jastaǵy balalar men jasóspirimder quraidy», - dedi Sarhat Beisenova ákimdikte ótken brifingte.
Onyń aitýynsha, balalar arasynda dál osy jas toby koronavirýs infektsiiasyna óte sezimtal keledi.
«Virýs juqtyrý boiynsha ekinshi top – 12-14 jastaǵy balalar (21%). Sondyqtan bul jas toby da vaktsinalaý úshin qabyldandy. Sonymen qatar, DDSU balalardy vaktsinalaý úshin Pfizer vaktsinasyn usyndy, óitkeni ol osy jas sanatyna vaktsina jasaýda óte joǵary tiimdilik kórsetti», - dedi Beisenova.
