باتىس قازاقستان يننوۆاتسييالىق-تەحنولوگييالىق ۋنيۆەرسيتەتٸن بٸتٸرگەن مامان ەڭ جوعارى جالاقى الادى. بۇل تۋرالى بٷگٸن ورتالىق كوممۋنيكاتسييالار قىزمەتٸندەگٸ بريفينگتە بٸلٸم جەنە عىلىم سالاسىنداعى باقىلاۋ كوميتەتٸنٸڭ تٶراعاسى تالعات ەشەنقۇلوۆ ايتتى, دەپ حابارلايدى قازاقپارات تٸلشٸسٸ.
وتاندىق جوعارى وقۋ ورىندارىنىڭ بٸلٸم بەرۋ باعدارلامالارىنا جٷرگٸزٸلگەن رەيتينگتٸڭ ەكٸنشٸ كەزەڭٸنٸڭ نەتيجەسٸن جارييا ەتكەن ونىڭ ايتۋىنشا, رەيتينگ 4 كريتەرييگە سٷيەنٸپ جاسالعان. ولار - تٷلەكتەردٸڭ جۇمىسقا ورنالاسۋ پايىزى جەنە ولاردىڭ ورتاشا ەڭبەكاقىسى, باعدارلاما ٶزەكتٸلٸگٸ باعاسى, سونىمەن قاتار تٷلەكتەرگە جٷرگٸزٸلگەن ساۋالناما نەتيجەسٸ مەن جۇمىسقا تۇرۋ تۋرالى دەرەكتەر.
«ٶزدەرٸڭٸزگە بەلگٸلٸ, بٸرٸنشٸ كەزەڭدە 33 ماماندىق بويىنشا 784 بٸلٸم بەرۋ باعدارلاماسىنا باعالاۋ جٷرگٸزگەن ەدٸك. قازٸر سونىڭ ەكٸنشٸسٸ جٷرگٸزٸلدٸ. بٷگٸنگٸ تاڭدا 31 ماماندىق بويىنشا 681 باعدارلامانى باعالاپ شىقتىق. ەكٸ كەزەڭ ٸشٸندە جوو-نى بٸتٸرگەن 6 مىڭعا جۋىق ازاماتتان ساۋالناما الدىق», - دەدٸ تالعات ەشەنقۇلوۆ.
ونىڭ دەرەگٸنشە, ۋنيۆەرسيتەتتٸ اياقتاعان جىلى جۇمىسقا ورنالاسۋدىڭ ەڭ جوعارى دەڭگەيٸن «مەتاللۋرگييا» ماماندىعى كٶرسەتكەن. ولاردىڭ قاتارىندا رۋدنىي يندۋسترييالىق ينستيتۋتى مەن و.بايقوڭىروۆ اتىنداعى جەزقازعان ۋنيۆەرسيتەتٸنٸڭ تٷلەكتەرٸ بار. جۇمىسقا ورنالاسۋدىڭ 58%-ىن «سۋ رەسۋرستارى مەن سۋدى پايدالانۋ» ماماندىعىنىڭ تٷلەكتەرٸ كٶرسەتٸپ وتىر.
«رەيتينگتٸڭ ەكٸنشٸ كەزەڭٸندە سالالىق ساراپشىلاردى قاتىستىرا وتىرىپ, بٸلٸم بەرۋ باعدارلامالارىنىڭ مازمۇنىنداعى الشاقتىقتى باعالاۋ جەنە تالداۋ جۇمىستارى جٷرگٸزٸلدٸ», - دەدٸ ول.
كوميتەت باسشىسىنىڭ پايىمىنشا, جوو-لاردىڭ نەگٸزگٸ قاتەلٸگٸ - وقۋ باعدارلاماسىندا تەوريياعا باسىمدىق بەرٸلەدٸ. وسى رەتتە تٷلەكتٸڭ دايىندىق دەڭگەيٸنە تٸكەلەي بايلانىستى ەڭبەكاقى كريتەرييٸ ماڭىزدى. وقىتۋشىلىق-پروفەسسورلىق قۇرامى مىقتى جەنە ساۋاتتى باعدارلاماسى بار جوعارى وقۋ ورنىن بٸتٸرگەن تٷلەكتەر اناعۇرلىم بەسەكە قابٸلەتتٸ ەكەنٸن تالداۋ كٶرسەتكەن.
جوعارى ەڭبەكاقى باتىس قازاقستان يننوۆاتسييالىق-تەحنولوگييالىق ۋنيۆەرسيتەتٸنٸڭ «كٶلٸكتٸ پايدالانۋ جەنە جٷك قوزعالىسى مەن تاسىمالداۋدى ۇيىمداستىرۋ» ماماندىعى بويىنشا تٸركەلگەن. ال قازاق تەحنولوگييا جەنە بيزنەس ۋنيۆەرسيتەتٸنٸڭ «جەڭٸل ٶنەركەسٸپ بۇيىمدارىنىڭ تەحنولوگيياسى جەنە قۇراستىرىلۋى» ماماندىعى ەڭ تٶمەن باعالانادى ەكەن.
2018 جىلدىڭ سوڭىنا دەيٸن ۇلتتىق كەسٸپكەرلەر پالاتاسى 29 ماماندىق بويىنشا رەيتينگ دايىنداۋدى جوسپارلاپ وتىر.
