شىعىس قازاقستان وبلىسىنداعى كاتونقاراعاي ۇلتتىق پاركٸندە قار بارىسى فوتوتۇزاققا تٷسٸپ قالدى, دەپ حابارلايدى قازاقپارات.
بۇل فوتوتۇزاق كاتونقاراعاي ۇلتتىق تابيعي پاركٸ اۋماعىندا ورناتىلعان. وعان قار بارىسى تٷسٸپ قالدى.
وسىعان دەيٸن دە قار بارىسى تابيعي پاركتەگٸ فوتوتۇزاق وبەكتيۆٸنە ٸلٸككەن بولاتىن. مەسەلەن, قازاقستان رەسپۋبليكاسىنىڭ قىزىل كٸتابىنا جەنە حالىقارالىق تابيعاتتى قورعاۋ وداعىنىڭ قىزىل تٸزٸمٸنە ەنگٸزٸلگەن Panthera uncia قار بارىسى 2021 جىلدىڭ سەۋٸر ايىندا كاتونقاراعايدىڭ سارىمساقتى جوتاسىندا العاش رەت فوتوتۇزاققا تٷسٸپ قالعان ەدٸ.
ايتا كەتەيٸك, كاتونقاراعاي مەملەكەتتٸك ۇلتتىق تابيعي پاركٸ 2001 جىلى قۇرىلعان. ول - ەلٸمٸزدەگٸ ەڭ ٸرٸ جەنە ەرەكشە قورعالاتىن تابيعي اۋماق.
مۇندا كٶككٶل سارقىراماسى, «راحمان قاينارلارى» جىلۋ كٶزدەرٸ, بەرەل قورعاندارى, ۇلى جٸبەك جولىنىڭ سولتٷستٸك تارماعى جەنە 643 مىڭ گەكتاردان استام ەسەم تابيعات اۋماعىندا شوعىرلانعان باسقا دا كٶپتەگەن كٶرٸكتٸ جەرلەر بار.
