قاتەرلٸ ٸسٸكتٸڭ اسقىنعان تٷرٸمەن اۋىراتىن بٸر ناۋقاستى ەمدەۋ ٷشٸن جىلىنا 30 ملن تەڭگەدەن استام قاراجات جۇمسالادى. بۇل تۋرالى دٷنيەجٷزٸلٸك ليمفومالارمەن كٷرەس كٷنٸنە وراي سۇحبات بەرگەن نۇر-سۇلتان قالاسى ەكٸمدٸگٸ كٶپسالالى مەديتسينا ورتالىعىنىڭ ديرەكتورى مۇحتار تٶلەۋتاەۆ مەلٸمدەدٸ, دەپ حابارلايدى قازاقپارات تٸلشٸسٸ.
«ونكولوگييانىڭ 3,4-شٸ ساتىسىنداعى بٸر ناۋقاستى ەمدەۋ ٷشٸن جىلىنا 30 ملن تەڭگەدەن استام قاراجات جۇمسالادى. بۇل بٸزدٸڭ ەمدەۋ مەكەمەسٸ ٷشٸن ٶتە اۋىر. بۇعان قوسا, اسقىنعان تٷردەگٸ ٸسٸك دەرتٸنەن تولىق ساۋىعىپ كەتۋ مٷمكٸندٸگٸ از», - دەدٸ نۇر-سۇلتان قالاسى ەكٸمدٸگٸ كٶپسالالى مەديتسينا ورتالىعىنىڭ ديرەكتورى مۇحتار تٶلەۋتاەۆ.
سونداي-اق, مۇحتار ەسەنجانۇلى ەمدەلۋ ٷشٸن ەۋروپا ەلدەرٸنە باراتىن ازاماتتار سانى جىل سايىن ارتىپ كەلە جاتقانىن مەلٸمدەدٸ.
«بٸزدٸڭ سانامىزدا «شەتەلدە بەرٸ جاقسى» دەگەن ۇعىم قالىپتاسىپ قالعان. وعان قوسا, وبىر اۋرۋىن بيزنەستٸڭ كٶزٸنە اينالدىرعاندار بار. مەسەلەن, قازٸر ەۋروپادا جاقسى ەم كٶرسەتەدٸ, تەز ساۋىعىپ كەتۋگە مٷمكٸندٸك مول دەگەن جارنامالار كٶپ. وسىنداي اقپاراتقا سەنٸپ, ٶزگە جاققا كەتەتٸندەر از ەمەس. وتاندىق مەديتسينا ولاردان كەم تٷسپەيدٸ جەنە قر كەز كەلگەن ازاماتى تەگٸن, مەملەكەت ەسەبٸنەن ەمدەلەدٸ. ال شەتەلگە بارىپ, ەم العان ازامات ەڭ كەمٸندە 50-60 مىڭ اقش دوللارىن جۇمسايدى», - دەپ مەلٸمدەدٸ مۇحتار تٶلەۋتاەۆ.
بۇدان ٶزگە, ونكولوگ-دەرٸگەر قاتەرلٸ ٸسٸكپەن اۋىرىپ, وعان قوسا كوروناۆيرۋس جۇقتىرعان ناۋقاستار تۋرالى دەرەكتٸ بٶلٸستٸ.
«وسى ۋاقىتقا دەيٸن قاتەرلٸ ٸسٸكپەن اۋىراتىن 200-گە جۋىق ازامات كوروناۆيرۋس جۇقتىردى. ينفەكتسييانىڭ كەسٸرٸنەن 14 ناۋقاس كٶز جۇمدى. ولار ونكولوگييانىڭ 3,4-شٸ ساتىسىنداعى ادامدار. اۋىر جاعدايدا جاتقان ازاماتتاردىڭ اۋرۋىن كوروناۆيرۋس ودان سايىن ٶرشٸتٸپ جٸبەردٸ. ال 180-گە جۋىق ادام قاجەتتٸ ەمٸن الىپ, قازرگٸ تاڭدا ٷيٸنە ورالدى», - دەدٸ دەرٸگەر.
مۇحتار تٶلەۋتاەۆتىڭ ايتۋىنشا, قازاقستاندىقتار العاشقى اۋرۋ بەلگٸلەرٸ پايدا بولعاندا دەرٸگەردٸڭ كٶمەگٸنە جٷگٸنبەيدٸ. جىل سايىن ۇيىمداستىرىلاتىن سكرينينگتەن ٶتۋگە دە كٶپشٸلٸگٸ كەلمەيتٸن كٶرٸنەدٸ.
«قالىپتى جاعدايدا بۇرىن-سوندى بولماعان اۋرۋ بەلگٸلەرٸ پايدا بولسا, بٸردەن دەرٸگەردٸڭ كٶمەگٸنە جٷگٸنگەن ابزال. ول وبىردىڭ 1,2-شٸ ساتىلارىندا دياگنوز قويىپ, ەم-دوم شارالارىنا كٸرٸسٸپ كەتۋگە مٷمكٸندٸك بەرەدٸ. ال بٸزدٸڭ ازاماتتار دەرتٸن اسقىندىرىپ, امالى قالماعان كەزدە كەلەدٸ. بۇدان بٶلەك, وبىردىڭ باسقا دا اۋرۋلار سيياقتى ٷنەمٸ مۋتاتسيياعا تٷسٸپ وتىراتىنىن ەسكەرگەن جٶن. ٸسٸك اعزادا دامىعاندىقتان, وندا بارلىق ادام بويىنداعى كلەتكالار ورنالاسادى. ٸسٸك جيٸ مۋتاتسيياعا ۇشىراعاندىقتان, دەرٸ-دەرمەككە تەز بەيٸمدەلەدٸ. ياعني, قولدانىلىپ جٷرگەن دەرٸ از ۋاقىتتان سوڭ ەسەر ەتپەي قالۋى مٷمكٸن. سوندىقتان ونىڭ ٶزگەرگەن تٷرٸن ارنايى تەسٸلدەرمەن انىقتاپ, ەرٸ قاراي اۋىر دەرٸ قولدانۋعا تۋرا كەلەدٸ», - دەيدٸ ونكولوگ-دەرٸگەر مۇحتار ەسەنجانۇلى.
مۇحتار تٶلەۋتاەۆتىڭ مەلٸمەتٸنشە, بيىلعى 1 قاڭتارداعى جاعداي بويىنشا 187 مىڭنان استام قازاقستاندىق قاتەرلٸ ٸسٸككە شالدىققان. ياعني, ەربٸر 100 مىڭ ادامنىڭ 76-سىندا وبىر بار. ال اتالعان دەرتتەن 2019 جىلى قازا بولعاندار سانى - 14 145 ادام.
