ەلٸمٸزدە كوروناۆيرۋس پاندەميياسىنا بايلانىستى قاتاڭ كارانتين ٸس-شارالارى ەنگٸزٸلگەن جاعدايدا 165 مىڭ ادام جۇمىسسىز قالادى. بۇل تۋرالى «ەڭبەك رەسۋرستارىن دامىتۋ ورتالىعى» اق پرەزيدەنتٸ دەۋلەت ارعىندىقوۆ ايتتى, دەپ حابارلايدى قازاقپارات.
«بٸزدٸڭ ورتالىق مۇنداي باعالاۋ جٷرگٸزدٸ. ەڭ الدىمەن بٸلٸكتٸلٸك دەڭگەيٸن, قانداي سالالاردا ادامدار اراسىندا بايلانىس بولاتىندىعىن ەسكەردٸك. ەرينە, بۇل بەلگٸلٸ بٸر ۋاقىت كەزەڭٸندە جۇمىس ٸستەۋگە تىيىم سالاتىن قاتاڭ كارانتين ٸس-شارالارى ەنگٸزٸلگەن جاعدايدا عانا. باعالاۋىمىزشا, 8,7 ملن جۇمىس كٷشٸنٸڭ ٸشٸندە 4,1 ملن ادام جۇمىس ورىندارىندا قالادى. ولار: تكش, دەرٸگەرلەر, مەديتسينا قىزمەتكەرلەرٸ, ٶندٸرٸستٸك كەسٸپورىندار, اۋىل شارۋاشىلىعى جۇمىسشىلارى», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
ونىڭ اتاپ ٶتۋٸنشە, بٸلٸم بەرۋ سالاسىنىڭ, مەملەكەتتٸك ورگانداردىڭ, كەڭسەلەردٸڭ قىزمەتكەرلەرٸ قاشىقتان جۇمىس ٸستەۋگە كٶشٸرٸلۋٸ مٷمكٸن. ولاردىڭ سانى شامامەن 2,5 ملن ادامدى قۇرايدى.
«بٸز تەۋەكەل توبىنا كٸرۋٸ ىقتيمال دەپ 2 ملن ادامدى قاراستىرامىز. بٸراق, مۇنىڭ ٶزٸ دە ناقتى جاعدايلارعا بايلانىستى. بۇل بٸرٸنشٸ كەزەكتە قىزمەت كٶرسەتۋ, ساۋدا, كٶلٸك سىندى سالالاردى قامتيدى. ال ەگەر جۇمىس ورنىن جوعالتۋمەن بايلانىستى جايتقا توقتار بولساق, وندا بٸزدٸڭ ەسەبٸمٸزشە 165 مىڭ ادام جۇمىسسىز قالۋى مٷمكٸن. ياعني, تولىقتاي شەكتەۋ ٸس-شارالارى ەنگٸزٸلگەن جاعدايدا 165 مىڭ قىزمەتكەر جۇمىسىن جوعالتادى», - دەدٸ دەۋلەت ارعىندىقوۆ.
