ٸشكٸ ٸستەر مينيسترٸ قالمۇحانبەت قاسىموۆ بقو-دا ٶز كومانديرٸن اتىپ ٶلتٸرۋ جاعدايىنا بايلانىستى ٸستٸڭ قالاي بولعانىن ايتىپ بەردٸ, دەپ حابارلايدى قازاقپارات تٸلشٸسٸ.
ەسكە سالا كەتسەك, بقو اقجايىق اۋدانىندا پوليتسييا قىزمەتكەرٸ ٶز كومانديرٸن اتىپ ٶلتٸرگەن بولاتىن. بقو سوتىنىڭ باسپاسٶز قىزمەتٸنەن تٷسكەن مەلٸمەتكە قاراعاندا, اقجايىق اۋداندىق سوتىنىڭ تەرگەۋ سۋدياسى ەمٸرحان كۋليكەشەۆ تٶراعالىق ەتكەن سوت وتىرىسىندا 1994 جىلعى س. ەسٸمدٸ كٷدٸكتٸنٸ كٷزەتپەن ۇستاۋ بۇلتارتپاۋ شاراسى سانكتسييالانعان.
بٷگٸن وكق-دا ٶتكەن باسپاسٶز مەسليحاتىندا مينيستر قالمۇحانبەت قاسىموۆ وسى جاعدايعا بايلانىستى قانداي شارالار قابىلدانىپ جاتقانىن ايتىپ بەردٸ.
«شىنىندا دا, بٸزدە سونداي جاعداي تٸركەلدٸ. بۇل - ساپتىق بٶلٸمشە. ياعني, ولار تەرگەۋ ورگاندارى نەمەسە قىلمىستىق پوليتسييا ەمەس. ولار - كٷزەت جۇمىسىن اتقاراتىن قىزمەت. ولار باتىس قازاقستاندا ەكٸمدٸكتٸ, سوتتى, مەديتسينالىق قويمالاردى كٷزەتەدٸ. ايتا كەتەرلٸگٸ, بٸز قازٸرگٸ ۋاقىتتا تەرگەۋ امالدارىن جٷرگٸزٸپ, جاعدايدى زەرتتەپ جاتىرمىز. قىلمىستى جاساعان ادام ەكٸ جىلدان استام ۋاقىت وسى قىزمەتتە بولعان. ەكٸ رەت زەرتتەۋدەن ٶتكەن. تٷسٸندٸرۋٸنشە, وعان ەسكەرتۋ جاسالعان. وسىدان كەيٸن ول ٶزٸن قورلاندىم دەپ ەسەپتەپ, قىلمىسقا بارعان. دەمەك, قارۋدى العاننان كەيٸن ول ٶز كومانديرٸنە بٸرنەشە رەت وق اتقان. قازٸرگٸ ۋاقىتتا اتاپ ٶتكەنٸمدەي, تەرگەۋ امالدارى جٷرگٸزٸلۋدە. مٸندەتتٸ تٷردە سوت-مەديتسينالىق ساراپتامانى جٷرگٸزەمٸز. بارلىق كٸنەلٸ ادامداردى جاۋاپكەرشٸلٸككە تارتامىز», - دەدٸ مينيستر.
قالمۇحانبەت قاسىموۆ وسى جىلى ەلٸمٸزدە دەل وسىنداي ەكٸ جاعداي تٸركەلگەنٸن اتاپ ٶتتٸ.
«تاعى بٸر وقيعا قاراعاندى وبلىسىندا تٸركەلدٸ. ٶزدەرٸڭٸز بٸلەتٸندەي, جول-پاترۋلدٸك قىزمەتٸنٸڭ ينسپەكتورى قاراقشىلىق جاساماق بولىپ, تابەلدٸك قارۋ الىپ, بٸر كٸسٸمەن قالا شەتٸنە شىعىپ, ٶلتٸرٸپ, اۆتوكٶلٸگٸنە يە بولعان. جاقىندا وسى ٸس بويىنشا سوت بولدى. ول 19 جىلعا باس بوستاندىعىنان ايىرىلدى. بٸز قىزمەتتٸك تەرگەۋ جۇمىستارىن جٷرگٸزٸپ, 13 قىزمەتكەردٸ جاۋاپكەرشٸلٸككە تارتتىق. ولاردىڭ سەگٸزٸ جۇمىستان بوساتىلدى. وسىنداي فاكتٸلەردٸڭ بارلىعى بويىنشا بٸز قىزمەتتٸك تەرگەۋ جٷرگٸزٸپ, شارالاردى قابىلدايتىن بولامىز», - دەدٸ مينيستر.
