ٸشكٸ ٸستەر مينيسترٸ قالمۇحانبەت قاسىموۆ قازاقستاندا تراۆماتيكالىق قارۋلارعا نەلٸكتەن تىيىم سالىنعانى تۋرالى تٸلشٸلەر سۇراعىنا جاۋاپ بەردٸ, دەپ حابارلايدى قازاقپارات تٸلشٸسٸ.
«بٸرٸنشٸدەن, تراۆماتيكالىق قارۋ ٶزٸنٸڭ سيپاتى تۇرعىسىندا وتتى يٸر ويىقتى مىلتىققا ۇقسايدى. ونى جاقىن ارادا قولدانعان جاعدايدا ناعىز يٸر ويىقتى مىلتىقتان كٶپ ايىرماشىلىعى جوق. قيىن جاعدايعا, تٸپتٸ ٶلٸمگە دەيٸن اپارۋى مٷمكٸن. ەكٸنشٸدەن, جاستار تراۆماتيكالىق قارۋدى كيكٸلجٸڭ كەزٸندە جيٸ قولدانا باستادى. ٷشٸنشٸدەن, ونى جاسىرىپ الىپ جٷرۋ ٶتە وڭاي. كەز كەلگەن ادام ونى كەز كەلگەن جەردە قولدانا الادى. سوندىقتان, وسى مەسەلەنٸڭ بارلىعىن زەرتتەي وتىرىپ, بٸز وعان شەكتەۋ قويۋ جٶن دەپ تاپتىق. نەتيجە بٸردەن كٶرٸندٸ. بٸزدٸڭ تىيىمنان كەيٸن تراۆماتيكالىق قارۋدىڭ قاتىسى بار قىلمىستار سانى 87 پايىزعا ازايدى», - دەدٸ مينيستر وكق-دا ٶتكەن باسپاسٶز مەسليحاتىندا.
ونىڭ ايتۋىنشا, تمد ەلدەرٸ ٸشٸندە تەك رەسەي مەن قىرعىز رەسپۋبليكاسىندا عانا ازاماتتارعا تراۆماتيكالىق قارۋ الىپ جٷرۋگە رۇقسات بەرٸلگەن.
«ونىڭ ٷستٸنە, رەسەيدە تىيىم سالۋ تۋرالى ەڭگٸمە قوزعالعانىمەن, كەيٸن ول جاقتا تەك وتاندىق تراۆماتيكالىق قارۋلاردى الىپ جٷرۋگە رۇقسات بەردٸ. ونى قولدانۋعا جاپونييا, مالايزييا, اۆسترييا, قىتاي ەلدەرٸندە دە تىيىم سالىنعان. ەكٸنشٸدەن, گرۋزييا, ليتۆا, ەستونييا, فينلياندييا سەكٸلدٸ ەلدەردە تراۆماتيكالىق قارۋدى ۇستاپ جٷرمەي-اق (ياعني, ٷيٸندە ۇستاپ), ٶزٸن-ٶزٸ قورعاۋ ماقساتىندا قولدانۋعا رۇقسات بەرٸلگەن», - دەدٸ مينيسترلٸك باسشىسى.
قالمۇحانبەت قاسىموۆ سونىمەن بٸرگە, جاڭا زەلاندييا, يزرايل, اقش, ارگەنتينا سەكٸلدٸ ەلدەردە زاڭدى تٷردە قىسقا وقپاندى, يٸر ويىقتى, تراۆماتيكالىق قارۋدى ۇستاۋعا رۇقسات بەرٸلگەنٸن ايتتى.
«بٸزدٸڭ ويىمىزشا, تراۆماتيكالىق قارۋعا تىيىم سالۋ تۋرالى شەشٸم دۇرىس. ونى ۇستاپ جٷرۋدٸڭ ەش قاجەتٸ جوق», - دەدٸ مينيستر.
