فوتو: اقوردا
مەملەكەت باسشىسى قاسىم-جومارت توقاەۆتىڭ جاپونيياعا رەسمي ساپارى مازمۇندى ەرٸ ناقتى نەتيجەلەرگە تولى بولدى. بۇل تۋرالى پرەزيدەنتتٸڭ باسپاسٶز حاتشىسى رۋسلان جەلدٸباي مەلٸمدەدٸ, دەپ حابارلايدى Ult.kz.
ساپار اياسىندا قاسىم-جومارت توقاەۆ كٷنشىعىس ەلٸنٸڭ جوعارى باسشىلىعىمەن, جەتەكشٸ كومپانييالاردىڭ توپ-مەنەدجەرلەرٸمەن مازمۇندى كەلٸسسٶزدەر جٷرگٸزٸپ, جاپونييادا بٸلٸم الىپ, ەڭبەك ەتٸپ جٷرگەن قازاقستاندىقتارمەن كەزدەستٸ.
ينۆەستيتسييا تارتۋ باعىتى
پرەزيدەنت جاپوندىق ٸرٸ كومپانييالار مەن ۇيىمداردىڭ باسشىلارىمەن بٸرقاتار ماڭىزدى كەزدەسۋلەر ٶتكٸزدٸ. ولاردىڭ قاتارىندا Mitsui ترانسۇلتتىق ساۋدا كومپانيياسى, Rakuten Group حالىقارالىق تەحنولوگييالىق كونگلومەراتى, Sumitomo ساۋدا-ينۆەستيتسييالىق كورپوراتسيياسى, ماشينا جاساۋ سالاسىنداعى ەلەمدٸك الپاۋىت Komatsu, قۇرىلىس جەنە تاۋ-كەن تەحنيكاسىن ٶندٸرۋدەگٸ جەتەكشٸ Hitachi Construction Machinery, سونداي-اق جاپونييانىڭ مەتالل جەنە ەنەرگەتيكالىق قاۋٸپسٸزدٸك جٶنٸندەگٸ اگەنتتٸگٸ بار.
كەلٸسسٶزدەر بارىسىندا ٶزارا تيٸمدٸ ىنتىماقتاستىقتىڭ كەڭ اۋقىمدى پەرسپەكتيۆالارى تالقىلاندى. اتاپ ايتقاندا, يادرولىق مەديتسينانى دامىتۋ, اسا ماڭىزدى مينەرالداردى بارلاۋ, لوگيستيكا مەن تسيفرلاندىرۋ, «جاسىل» تەحنولوگييالاردى ەنگٸزۋ, قۇرىلىس جەنە تاۋ-كەن جابدىقتارىن ٶندٸرۋ, سونداي-اق سەرۆيستٸك قىزمەت كٶرسەتۋ سالالارىنا ەرەكشە نازار اۋدارىلدى.
جوعارى دەڭگەيدەگٸ كەزدەسۋلەر
يمپەراتور نارۋحيتو مەن جاپونييا پرەمەر-مينيسترٸنٸڭ مەملەكەت باسشىسىن بٸر كٷندە قابىلداۋى قازاقستان پرەزيدەنتٸنٸڭ حالىقارالىق ارەناداعى بەدەلٸنٸڭ جوعارى ەكەنٸن ايعاقتادى. جاپون ديپلوماتيياسىندا مۇنداي پروتوكولدىق قادام سيرەك كەزدەسەتٸن جاعداي سانالادى جەنە مەيمانعا كٶرسەتٸلگەن ايرىقشا قۇرمەتتٸڭ بەلگٸسٸ رەتٸندە باعالانادى.
سونىمەن قاتار قاسىم-جومارت توقاەۆ توكيو گۋبەرناتورىمەن كەزدەسٸپ, قالا باسقارۋ ٸسٸندە Smart city تەحنولوگييالارىن دامىتۋ جەنە يننوۆاتسييالىق شەشٸمدەردٸ ەنگٸزۋ مەسەلەلەرٸن تالقىلادى. كەزدەسۋ نەتيجەسٸندە قازاقستان مەن جاپونييا استانالارى اراسىندا ٶزارا تٷسٸنٸستٸك جٶنٸندەگٸ مەموراندۋمعا قول قويىلدى.
بۇۇ ۋنيۆەرسيتەتٸندەگٸ دەرٸس
مەملەكەت باسشىسى توكيوداعى بۇۇ ۋنيۆەرسيتەتٸندە دەرٸس وقىدى. بۇل دا پرەزيدەنتكە كٶرسەتٸلگەن ەرەكشە ىقىلاستىڭ كٶرٸنٸسٸ بولدى. دەرٸس بارىسىندا قاسىم-جومارت توقاەۆ قازٸرگٸ گەوساياسي احۋال, حالىقارالىق ارەناداعى ورتا دەرجاۆالاردىڭ رٶلٸ, جاساندى ينتەللەكت ماڭىزىنىڭ ارتۋى جەنە بٸرٸككەن ۇلتتار ۇيىمىن رەفورمالاۋ قاجەتتٸلٸگٸ تۋرالى وي قوزعادى.
سونداي-اق پرەزيدەنت سۋ رەسۋرستارىن باسقارۋ مەسەلەسٸنە ارنايى توقتالىپ, بۇل باعىتتاعى تٷيتكٸلدەردٸ شەشۋ ٷشٸن UN Water حالىقارالىق ۇيىمىن قۇرۋ جەنە الماتى قالاسىندا بۇۇ ۋنيۆەرسيتەتٸنٸڭ ٶڭٸرلٸك فيليالىن اشۋ جٶنٸندە باستاما كٶتەردٸ.
بۇدان بٶلەك, مەملەكەت باسشىسى بۇۇ ۋنيۆەرسيتەتٸندە جاپونييانىڭ بۇرىنعى سىرتقى ٸستەر مينيسترٸ يوريكو كاۆاگۋچيمەن بەيرەسمي كەزدەسۋ ٶتكٸزدٸ.
وتانداستارمەن جٷزدەسۋ
قاسىم-جومارت توقاەۆ جاپونييادا ەڭبەك ەتٸپ جٷرگەن قازاقستاندىقتارمەن ارنايى كەزدەسٸپ, ولاردىڭ جاعدايىمەن تانىسىپ, ەمەن-جارقىن ەڭگٸمەلەستٸ.
«ورتالىق ازييا + جاپونييا» سامميتٸ
ساپار سوڭىندا مەملەكەت باسشىسى ورتالىق ازييا ەلدەرٸنٸڭ باسشىلارىمەن بٸرگە «وا + جاپونييا» فورماتىنداعى العاشقى سامميتكە قاتىستى. سامميت بارىسىندا ٶزارا تيٸمدٸ ىنتىماقتاستىقتىڭ باسىم باعىتتارى ايقىندالدى.
پرەزيدەنت قازاقستاننىڭ جاپونييامەن بٸرلەسكەن جوبالاردى تابىستى ٸسكە اسىرۋ ٷشٸن بارلىق قاجەتتٸ جاعدايدى جاساۋعا دايىن ەكەنٸن اتاپ ٶتتٸ. سونداي-اق جاپونييا ٷكٸمەتٸنٸڭ اقتاۋ پورتىنداعى كەدەندٸك رەسٸمدەردٸ جەتٸلدٸرۋگە قاتىسۋ تۋرالى شەشٸمٸن قۇپتايتىنىن جەتكٸزدٸ.
قازاقستان «جاسىل» تەحنولوگييالاردى قولدانا وتىرىپ, دەستٷرلٸ قۋات كٶزدەرٸن يگەرۋ جەنە ٶڭدەۋ جوبالارىنا جاپون تەجٸريبەسٸن, يننوۆاتسيياسى مەن ينۆەستيتسيياسىن تارتۋعا مٷددەلٸ ەكەنٸن بٸلدٸردٸ. سونىمەن بٸرگە Next-Generation SmartMining Plus جوباسىنىڭ ٸسكە قوسىلۋىن قولدايتىنىن اتاپ ٶتتٸ. بۇل باستاما سيرەك كەزدەسەتٸن ەلەمەنتتەر مەن اسا ماڭىزدى مينەرالدار ٶندٸرٸسٸن تسيفرلاندىرۋعا جەنە ەكولوگييالىق ورنىقتىلىقتى ارتتىرۋعا باعىتتالعان.
بۇدان بٶلەك, مەملەكەت باسشىسى ورنىقتى اۋىل شارۋاشىلىعى سالاسىندا جاپون عالىمدارى مەن ساراپشىلارىنىڭ قاتىسۋىمەن زەرتتەۋ پلاتفورماسىن قۇرۋدى, سونداي-اق قازاقستاندا جاپونييا ۋنيۆەرسيتەتتەرٸ مەن بٸلٸم بەرۋ ورتالىقتارىنىڭ ٶكٸلدٸكتەرٸن اشۋدى ۇسىندى.
پرەزيدەنت JICA اگەنتتٸگٸنٸڭ ورتالىق ازيياداعى سۋ مەسەلەسٸن شەشۋگە قوسقان ٷلەسٸن جوعارى باعالاپ, سۋ ٷنەمدەۋ تەحنولوگييالارىن ەنگٸزۋ, عىلىمي زەرتتەۋلەر جٷرگٸزۋ, سۋ سالاسىن اۆتوماتتاندىرۋ جەنە تسيفرلاندىرۋ باعىتتارىندا بٸرلەسكەن جۇمىستى جالعاستىرۋعا شاقىردى.
سونداي-اق اتوم ەنەرگەتيكاسى سالاسىنداعى ىنتىماقتاستىققا ەرەكشە نازار اۋدارىلدى. قازاقستاننىڭ ەلەمدٸك يادرولىق وتىن نارىعىنداعى ەلەۋەتٸن جاپونييانىڭ وزىق تەحنولوگيياسىمەن ۇشتاستىرۋ بۇل سالاداعى تابىستى ەرٸپتەستٸككە جول اشاتىنى اتاپ ٶتٸلدٸ.
رەسمي ساپار قورىتىندىسىندا جالپى قۇنى 3,7 ميلليارد دوللاردان اساتىن 60-تان استام ەكٸجاقتى قۇجاتقا قول قويىلدى.
پرەزيدەنتتٸڭ شەتەلدٸك ساپارلارى قازاقستان ەكونوميكاسىنا ايتارلىقتاي سەرپٸن بەرٸپ, ينۆەستيتسييا تارتۋعا, ەكسپورتتى ۇلعايتۋعا, جاڭا جۇمىس ورىندارىن اشۋعا, ٸسكەرلٸك بايلانىستاردى نىعايتۋعا جەنە ەۋە قاتىناستارى مەن ۆيزاسىز رەجيمدەردٸ كەڭەيتۋگە ىقپال ەتەدٸ.
