مەملەكەت باسشىسى قاسىم-جومارت توقاەۆ ورتالىق ازييا ەلدەرٸنە جۇمىس ساپارى اياسىندا ەلورداعا كەلگەن ماجارستاننىڭ سىرتقى ەكونوميكالىق بايلانىستار جەنە سىرتقى ٸستەر مينيسترٸ پەتەر سييارتونى قابىلدادى, دەپ حابارلايدى اقوردا.
كەزدەسۋ بارىسىندا قازاقستان مەن ماجارستاننىڭ ساياسي, ساۋدا-ەكونوميكالىق, ينۆەستيتسييالىق جەنە مەدەني-گۋمانيتارلىق سالالارداعى ستراتەگييالىق ىنتىماقتاستىعىن دامىتۋدىڭ پەرسپەكتيۆالارى تالقىلاندى.
مەملەكەت باسشىسى ماجارستاندىق ديپلوماتقا ٸلتيپات بٸلدٸرٸپ, پرەمەر-مينيستر ۆيكتور وربان جەتەكشٸلٸك ەتەتٸن باسقارۋشى «فيدەس» اليانسىن جۋىردا ٶتكەن پارلامەنتتٸك سايلاۋداعى جەڭٸسٸمەن قۇتتىقتادى. پەتەر سييارتو ماجارستان باسشىلىعىنىڭ قازاقستان پرەزيدەنتٸن بۋداپەشتكە ساپارمەن كەلۋگە شاقىرعانىن ەسكە سالدى.
پەتەر سييارتو قاسىم-جومارت توقاەۆتىڭ باسشىلىعىمەن جاڭا قازاقستاندى قۇرۋ ٷشٸن جٷزەگە اسىرىلىپ جاتقان جۇمىستاردى ۆيكتور ورباننىڭ قولدايتىنىن جەتكٸزدٸ.
ەكٸ ەل اراسىنداعى ستراتەگييالىق سەرٸكتەستٸككە تىڭ سەرپٸن بەرۋ ٷشٸن مەملەكەت باسشىسى پرەمەر-مينيستر ۆيكتور ورباننىڭ شاقىرۋى بويىنشا ماجارستانعا قارىمتا ساپارمەن بارۋعا دايىن ەكەنٸن مەلٸمدەدٸ.
