تاسس اگەنتتٸگٸ باس ديرەكتورىنىڭ بٸرٸنشٸ ورىنباسارى ميحايل گۋسمان «ەحو موسكۆى» راديوسىنىڭ ەفيرٸندە وسىدان بٸر جىل بۇرىن قازاقستان پرەزيدەنتٸ قاسىم-جومارت توقاەۆتان قالاي سۇحبات العانىن ايتىپ بەردٸ, دەپ حابارلايدى قازاقپارات.
«قازاقستان پرەزيدەنتٸمەن سۇحباتتاسۋ باقىتى بۇيىردى. بۇل ٶتكەن جىلى بولعان ەدٸ. بٸراق, پاندەمييانىڭ ٶرشٸپ تۇرۋىنا بايلانىستى سۇحبات ونلاين رەجيمدە ٶتتٸ. بٸز ZOOM ارقىلى ەڭگٸمەلەستٸك. سۇحبات جەڭٸستٸڭ 75 جىلدىعى مەرەكەسٸن اتاپ ٶتۋ قارساڭىندا ٶربٸدٸ. ەڭگٸمە بارىسىندا ەرەكشە ەسەرگە بٶلەندٸم. ٶيتكەنٸ, سۇحبات ٶتە قىزىقتى عانا بولىپ قويماي, مەنٸڭشە, سەنٸم اياسىندا ٶربٸگەندەي. قازاقستان پرەزيدەنتٸ مايدانگەر بولعان, سوعىستىڭ قيىن-قىستاۋ جولىنان ٶتكەن, ۇرىس دالاسىندا جارالانىپ, جاۋىنگەرلٸك ناگرادالار العان ەكەسٸن ەسكە الدى. توقاەۆتار وتباسىنىڭ تاريحى ٶتە كٷردەلٸ, ٶتە قيىن ەپيزودتارعا تولى. سەبەبٸ وتباسىندا قايعىلى سەتتەر دە بولعان. تٸپتٸ مۇنىڭ اتاسىمەن, ەكەسٸنٸڭ تاعدىرىمەن بايلانىستى ەكەندٸگٸن ايتۋدىڭ ٶزٸ اۋىر. ونىڭ ەكەسٸ تاماشا ادام, مايدانگەر عانا ەمەس, سونىمەن بٸرگە كٶرنەكتٸ قالامگەر بولعان. ونى قازاق ەدەبيەتٸندەگٸ دەتەكتيۆ جانرىنىڭ نەگٸزٸن قالاۋشى دەپ تە ايتادى. ول بٸرنەشە كٸتاپ جازعان. مەنٸڭ تارازىلاۋىمشا, قازاقستان پرەزيدەنتٸ قاسىم-جومارت توقاەۆ ٷشٸن ەكەسٸ - مىقتىلىقتىڭ, ماقساتقا ۇمتىلۋدىڭ, قايسارلىقتىڭ ٷلگٸسٸ. تٷسٸنۋٸمشە, قاسىم-جومارت توقاەۆ بٷكٸل ٶمٸر بويى ودان ٷلگٸ الۋعا تىرىسىپ كەلەدٸ», - دەدٸ ميحايل گۋسمان.
سونىمەن قاتار ول شۆەيتسارييالىق ساياساتتانۋ عىلىمىنىڭ دوكتورى دەنيەل ۋورنەردٸڭ «قاسىم-جومارت توقاەۆ سىرىن جەڭٸل-جەلپٸ اشا سالاتىن ادام ەمەس» دەگەن پٸكٸرٸنە قاتىستى ويىن بٸلدٸردٸ.
«ادامدارعا شامادان تىس كٶڭٸل-كٷيدٸ بٸلدٸرمەۋ, ادامدارعا قانداي جاعداي بولسا دا تىم اشىلا بەرمەۋ - بۇل جاقسى ديپلومات ٷشٸن كەسٸبي ساپا دەسەك تە بولادى. مۇنى كەسٸبي ەرەكشەلٸك, تٸپتٸ ديپلوماتقا قويىلاتىن تالاپ دەر ەدٸم. ەكٸنشٸ قىرىنان قاراعاندا ول ەزٸلگە بەيٸم ادام (...)», - دەدٸ ميحايل گۋسمان.
ەستەرٸڭٸزگە سالا كەتسەك, ٶتكەن جىلدىڭ مامىرىندا قازاقستان پرەزيدەنتٸ قاسىم-جومارت توقاەۆ تاسس اگەنتتٸگٸ باس ديرەكتورىنىڭ بٸرٸنشٸ ورىنباسارى ميحايل گۋسمانعا ەكسكليۋزيۆتٸ سۇحبات بەرگەن بولاتىن.
