فوتو: اقوردا
پرەزيدەنت, جۋرناليستەر قاۋىمىن الداعى بۇقارالىق اقپارات قۇرالدارىنىڭ قىزمەتكەرلەرٸ كٷنٸمەن قۇتتىقتاپ, ۇلتتىق مەديا – حالىقتىڭ ٷنٸ, ال جۋرناليست جاسامپازدىق جارشىسى ەكەنٸن اتاپ ٶتتٸ, دەپ حابارلايدى Ult.kz.
"سٸزدەر مەملەكەت ساياساتىن ەلگە تٷسٸندٸرٸپ, قوعام مەن بيلٸكتٸڭ اراسىندا كٶپٸر بولىپ كەلەسٸزدەر. ەلٸمٸزدە جاسالىپ جاتقان رەفورمالاردىڭ مەن-ماعىناسىن جۇرتشىلىققا جەتكٸزٸپ جٷرسٸزدەر. بۇل – ٶتە ماڭىزدى, كٷردەلٸ, ەرەكشە جۇمىس. ەربٸر ادامنىڭ قولىنان كەلمەيدٸ. مەن بٷگٸن بەرٸڭٸزگە شىنايى ريزاشىلىعىمدى بٸلدٸرەمٸن.
قوعامدا پٸكٸر الۋاندىعى ورنىقتى, ياعني, ٶز ويىن زاڭعا سەيكەس ايتا الاتىن, كٶكٸرەگٸ وياۋ, ٶركەنيەتتٸ قوعام ورنىعۋدا. حالقىمىزدىڭ مٷلدە جاڭا ساياسي بولمىسى قالىپتاستى. زاڭ مەن تەرتٸپ تۇجىرىمداماسى قوعامىمىزدىڭ سانا-سەزٸمٸنٸڭ اجىراماس بٶلٸگٸنە اينالىپ جاتىر", – دەدٸ مەملەكەت باسشىسى.
مەملەكەت باسشىسى قازٸر ارقانى كەڭگە سالاتىن ۋاقىت ەمەس ەكەنٸن ايتا كەلە, ەلەمدەگٸ گەوساياسي, گەوەكونوميكالىق احۋال شيەلەنٸسە تٷسكەنٸنە توقتالدى.
"جاھاندىق قاۋٸپسٸزدٸك جٷيەسٸ تٷبەگەيلٸ ٶزگەرٸپ جاتىر. الپاۋىت ەلدەردٸڭ تەكەتٸرەسٸ ۋشىعىپ, كەيبٸر ايماقتا قارۋلى قاقتىعىستار ٶرشٸپ بارادى. ەلەمدٸك ارەنادا كٷردەلٸ, بٸزگە بەيمەلٸم, تەرەڭ تٷسٸنۋدٸ قاجەت ەتەتٸن ٷدەرٸستەر ورىن الۋدا. نەگٸزٸندە, حالىقارالىق قۇقىققا قاتىستى ۇعىمدار ارالاسىپ كەتتٸ. كٷشتٸنٸڭ قۇقى دەرٸپتەلە باستادى. عالامدىق تسيفرلىق ترانسفورماتسييا بٷكٸل ادامزاتقا بۇرىن-سوڭدى بولماعان قيىندىقتار ەكەلەدٸ. ەلەم جاڭا دەۋٸرگە قادام باستى.
جاساندى ينتەللەكتٸنٸڭ كەڭٸنەن تارالۋى كەز كەلگەن ماماندىققا, سونىڭ ٸشٸندە سٸزدەردٸڭ كەسٸپتەرٸڭٸزگە دە مٷلدەم جاڭا تالاپتار قويادى. كٶپتەگەن ساراپشىلار كەلەشەكتە ادام ەڭبەگٸن الگوريتمدەر الماستىراتىنىن ايتىپ جٷر. الايدا بۇل ٶزگەرٸستەر جۋرناليستيكانىڭ جاڭا مٷمكٸندٸكتەرٸن, شىن مەنٸندە ەكٸنشٸ تىنىسىن اشۋى ەبدەن مٷمكٸن, – دەدٸ قاسىم-جومارت توقاەۆ.
پرەزيدەنتتٸڭ ايتۋىنشا, الماعايىپ, بۇلىڭعىر زاماندا, ەڭ الدىمەن, ەل بٸرلٸگٸن ساقتاپ, باستى بايلىعىمىز – تۇراقتىلىق پەن تىنىشتىقتى باعالاۋ قاجەت.
"جۋرناليستٸڭ اعارتۋشىلىق ميسسيياسى الدىڭعى قاتارعا شىقتى. كەز كەلگەن اقپاراتتى مۇقييات ەلەپ-ەكشەپ, جۇرتقا دۇرىس جول كٶرسەتۋ ٶتە ماڭىزدى. بۇل رەتتە, سٸزدەردٸ اقپارات ەلەمٸنٸڭ تەمٸرقازىعى دەۋگە بولادى. مەن جۋرناليستەرٸمٸزدٸڭ ەر مەلٸمەتتٸ ۇلت مٷددەسٸ تۇرعىسىنان سارالاي الارىنا سەنەمٸن. ٶيتكەنٸ ٶزٸم كٶپ وقيمىن, سٸزدەر جازعان ماقالالارمەن, وي-پٸكٸرلەرمەن تانىسپىن", – دەدٸ مەملەكەت باسشىسى.
قاسىم-جومارت توقاەۆ بٷگٸنگٸ جيىنعا اقپارات سالاسىنىڭ ارداگەرلەرٸ ارنايى شاقىرىلعانىنا نازار اۋداردى.
"ساۋىق جاقانوۆا, جارىلقاپ بەيسەنبايۇلى, شارحان قازىعۇل سيياقتى جۋرناليستيكا مايتالماندارى ورتامىزدا وتىر. سٸزدەر ۇلتتىق اقپارات سالاسىن دامىتۋعا زور ٷلەس قوستىڭىزدار. تٸلشٸلەردٸڭ تۇتاس بۋىنى ٶزدەرٸڭٸزگە قاراپ ٶستٸ. سٸزدەرگە زور ريزاشىلىعىمدى بٸلدٸرەمٸن. قاي سالادا بولسىن, ادال ەڭبەك لايىقتى باعالانۋعا تيٸس. بۇل – بەرٸمٸز بٸرگە قۇرىپ جاتقان ەدٸلەتتٸ قوعامنىڭ مىزعىماس ۇستانىمى", – دەدٸ پرەزيدەنت.
