ماعان ەشكٸم جاعىمپازدانبايدى. بۇل تۋرالى مەملەكەت باسشىسى قاسىم-جومارت توقاەۆ «31 ارنادا» كٶرسەتٸلگەن «پرەزيدەنت 2.0» دەرەكتٸ فيلمٸندە ايتتى, دەپ حابارلايدى قازاقپارات.
«بٸلەسٸز بە... ماعان ەشكٸم جاعىمپازدانبايدى. بەلكٸم, مەن وندايدى ۇناتپايتىن بولعاندىقتان شىعار. ۇناتپاۋ بىلاي تۇرسىن, اشىعىن ايتسام وندايدى جاقتىرمايمىن. بٸراق قازٸردٸڭ ٶزٸندە جاعىنۋعا تىرىسىپ جاتقاندار بار. مەسەلەن, ٶزبەكستانعا ساپارلاپ بارىپ قايتقاننان كەيٸن «تاماشا!», «مۇنداي ەش ۋاقىتتا بولماعان», «كەسكٸن-كەلبەتٸمٸز كەرەمەت بولدى!» دەگەن سيياقتى سٶزدەر ايتىلدى», - دەدٸ مەملەكەت باسشىسى.
قاسىم-جومارت توقاەۆ مۇنداي جاعىمپازدىقپەن ايتىلعان سٶزدەردٸ ەلەمەۋگە تىرىساتىندىعىن, وعان جاۋاپ بەرمەيتٸندٸگٸن اتاپ ٶتتٸ.
«ەستٸمەگەن ادامداي ٶتە شىعامىن. ٶيتكەنٸ, بۇل ماقتاۋ سٶزدەردٸڭ كٶك تيىندىق قۇنى جوق. ەڭ باستى سىنشى - ٶزٸم. قاي جەردە جارقىراي الماعانىمدى بٸلەمٸن. تٸپتٸ قاتال سىنشىمىن دەۋگە بولادى», - دەدٸ قر پرەزيدەنتٸ.
ەسكە سالساق, بۇعان دەيٸن مەملەكەت باسشىسى قاسىم-جومارت توقاەۆتىڭ بەلگٸلٸ رەسەيلٸك جۋرناليست الەكسەي پيۆوۆاروۆقا بەرگەن سۇحباتىنىڭ نەگٸزٸندە «پرەزيدەنت 2.0» دەرەكتٸ فيلمٸ كٶرسەتٸلەتٸندٸگٸ تۋرالى حابارلاعان بولاتىنبىز.
