فوتو: اقوردا
مەملەكەت باسشىسى – قازاقستان قارۋلى كٷشتەرٸ جوعارعى باس قولباسشىسى قاسىم-جومارت توقاەۆتىڭ ۇلى جەڭٸستٸڭ 80 جىلدىعىنا ارنالعان ەسكەري پارادتا سٶز سٶيلەپ, ۇلى جەڭٸستٸڭ 80 جىلدىعىمەن قۇتتىقتادى, دەپ حابارلايدى Ult.kz.
«بيىل ۇلى جەڭٸسكە – 80 جىل! بارشاڭىزعا ۇلى جەڭٸس كٷنٸ قۇتتى بولسىن! بۇل مەيرام – حالقىمىزدىڭ جاۋىنگەرلٸك رۋحىنىڭ سيمۆولى. بٸز ەلدٸك ٷشٸن كٷرەسكەن باتىر بابالاردى ۇلىقتايمىز. وتان قورعاۋ جولىندا وپات بولعان بوزداقتارعا تاعزىم ەتەمٸز. بەيبٸت كٷندٸ قىراعى كٷزەتٸپ تۇرعان ساربازدارعا قۇرمەت كٶرسەتەمٸز. ۇلى وتان سوعىسى بٷكٸل ادامزات ٷشٸن ٶتە قيىن سىناق بولدى. ونىڭ زاردابى كٶپتەگەن ەلگە اۋىر تيدٸ, سولاردىڭ ٸشٸندە قازاقستان دا بار. قاھارلى كٷندەر سوعىستىڭ تەك قاسٸرەت ەكەلەتٸنٸن كٶرسەتتٸ. بەيبٸتشٸلٸكتٸڭ باعا جەتپەس بايلىق ەكەنٸن ۇعىندىردى. ۇلى جەڭٸس – تاريحىمىزدىڭ اجىراماس بٶلٸگٸ جەنە كٷللٸ ەلەم ٷشٸن ٷلكەن ساباق. بٸز وسى اقيقاتتى ەردايىم ەستە ساقتاۋىمىز كەرەك. زۇلمات كەزەڭدٸ باستان ٶتكەرگەن مايدانگەرلەر قازٸر ورتامىزدا وتىر. قۇرمەتتٸ ارداگەرلەر, بارشا حالىقتىڭ اتىنان سٸزدەرگە شىن جٷرەكتەن العىس ايتامىن! اعا بۋىننىڭ ٶشپەس ەرلٸگٸ – ۇرپاققا ۇلاعات. وتانشىلدىعى مەن جانقييارلىعى – ٷلگٸ-ٶنەگە. بٸز ۇلى وتان سوعىسىنىڭ ارداگەرلەرٸن ەشقاشان ۇمىتپايمىز! بارشاڭىزعا باس يەمٸز!», - دەدٸ پرەزيدەنت.
مەملەكەت باسشىسى ۇلى وتان سوعىسى جىلدارىندا مايدانعا 1 ميلليون 200 مىڭنان استام قازاقستاندىق اتتانعانىن ەسكە سالدى.
«حالقىمىز ۇلى جەڭٸسكە ٶلشەۋسٸز ٷلەس قوستى. ۇلى وتان سوعىسى جىلدارىندا مايدانعا 1 ميلليون 200 مىڭنان استام قازاقستاندىق اتتاندى. ولاردىڭ تەڭ جارتىسى ەرلٸكپەن قازا تاپتى. كەلەر ۇرپاقتىڭ جارقىن ەرٸ بەيبٸت كەلەشەگٸ ٷشٸن ٶز ٶمٸرلەرٸن قۇرباندىققا شالدى. داڭقتى ۇل-قىزدارىمىز ەرلٸكتٸڭ وزىق ٷلگٸسٸن كٶرسەتتٸ. قازاقتىڭ جاۋجٷرەك ۇلت ەكەنٸن پاش ەتتٸ. 500-دەن استام جاۋىنگەرٸمٸز كەڭەس وداعىنىڭ باتىرى اتاندى. تىل ەڭبەككەرلەرٸ سوعىس جىلدارى جانكەشتٸلٸك پەن تاباندىلىق تانىتتى. قازاقستاننان مايدانعا بٸر جارىم مىڭ ۆاگون كيٸم-كەشەك پەن ازىق-تٷلٸك جٸبەرٸلدٸ. ەلٸمٸزگە جٷزدەگەن كەسٸپورىن كٶشٸرٸلدٸ, كٶپتەگەن جاڭا ٶندٸرٸس سالىندى», - دەدٸ ول.
پرەزيدەنت 500-گە جۋىق كٶشەگە قازاقستان قاھارماندارىنىڭ ەسٸمٸ بەرٸلەتٸنٸن ايتتى.
«بٸز جەڭٸستٸڭ 80 جىلدىعىن اتاپ ٶتۋگە باسا نازار اۋداردىق, ەلٸمٸز بويىنشا مىڭداعان ماڭىزدى, اۋقىمى كەڭ ٸس-شارا ٶتكٸزٸلٸپ جاتىر. 500-گە جۋىق كٶشەگە قازاقستان قاھارماندارىنىڭ ەسٸمٸ بەرٸلەتٸن بولدى. ەلٸمٸزدە قازاقستاندىق مايدانگەرلەرگە ارنالعان «باتىرلارعا تاعزىم» اتتى شەرۋ ٶتەدٸ. ادامزات تاريحىنداعى ەڭ سۇراپىل سوعىسقا قاتىسۋشىلاردىڭ ۇرپاعى اتالارىنىڭ سۋرەتتەرٸن كٶشەلەرمەن الىپ جٷرەدٸ. بٷگٸنگٸدەي جاھاندىق ساياساتقا اگرەسسييا مەن قاتىگەزدٸكتٸڭ جەگٸ قۇرتى دەندەپ ەنگەن كەزەڭدە سوعىستىڭ قاسٸرەتٸن ەلٸمٸزدٸڭ بارشا ازاماتىنا تٷسٸندٸرۋ اسا ماڭىزدى», - دەپ اتاپ ٶتتٸ مەملەكەت باسشىسى.
قاسىم-جومارت توقاەۆ ايبىندى ارمييا – تەۋەلسٸزدٸگٸمٸزدٸڭ قورعانى ەكەنٸن ەسكە سالدى.
«ەلٸمٸزدٸڭ قورعانىس قابٸلەتٸن ارتتىرۋ – اسا ماڭىزدى مٸندەت. بٸز قارۋلى كٷشتەرٸمٸزدٸ جاڭعىرتا باستادىق, ارمييامىزدى كٷشەيتۋ ٷشٸن ناقتى جۇمىس جٷرگٸزٸپ جاتىرمىز. وسى ٶتە ماڭىزدى مەسەلە بويىنشا پارلامەنت زاڭ قابىلدادى. مەملەكەت ەسكەري قىزمەتشٸلەرگە, ارناۋلى مەكەمەلەر مەن ازاماتتىق قورعانىس سالاسىنىڭ قىزمەتكەرلەرٸنە ەردايىم قولداۋ كٶرسەتەدٸ. ارمييامىزدىڭ كٷش-قۋاتى جاۋىنگەرلٸك رۋح پەن تەمٸردەي تەرتٸپكە تٸكەلەي بايلانىستى. سٸزدەردٸڭ مٸنسٸز قىزمەتتەرٸڭٸز – ەلدەگٸ قاۋٸپسٸزدٸك پەن تىنىشتىق كەپٸلٸ. بٸز وزىق ويلى ۇلت رەتٸندە زاڭ مەن تەرتٸپتٸ بەرٸنەن بيٸك قوياتىن بولدىق. ەر ازاماتتىڭ بويىندا وتانعا دەگەن ادالدىق پەن ەدٸلدٸك بولۋعا تيٸس», - دەدٸ ول.
قاسىم-جومارت توقاەۆ ەل قورعاۋ – ابىرويلى مٸندەت جەنە زور جاۋاپكەرشٸلٸك ەكەنٸن, بۇل – ەر ازاماتتىڭ پەرزەنتتٸك پارىزى ەكەنٸن ەسكە سالدى.
«سٸزدەرمەن بٸرگە بارشا ازاماتتارىمىز ەدٸلەتتٸ, قۋاتتى, قاۋٸپسٸز جەنە تازا قازاقستاندى قۇرىپ جاتىر. وسى تاريحي جۇمىسىمىز تابىستى بولسىن! رۋحىمىز مىقتى, مەملەكەتتٸلٸگٸمٸز مەڭگٸ بولسىن! كٶك تۋىمىز بيٸكتە جەلبٸرەسٸن! قادٸرلٸ وتانداستار! ۇلى جەڭٸستٸڭ 80 جىلدىعى قۇتتى بولسىن!», - دەپ تٷيٸندەدٸ سٶزٸن.
