مەملەكەت باسشىسى قاسىم-جومارت توقاەۆ رەسەي فەدەراتسيياسى ٷكٸمەتٸنٸڭ تٶراعاسى ميحايل ميشۋستينمەن كەزدەستٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
قاسىم-جومارت توقاەۆ ميحايل ميشۋستيندٸ رەسەي ٷكٸمەتٸنٸڭ تٶراعالىعىنا تاعايىندالۋىمەن قۇتتىقتاپ, رەسەي فەدەراتسيياسىمەن اراداعى ەكٸجاقتى ىنتىماقتاستىقتىڭ ستراتەگييالىق جەنە وداقتاستىق قاتىناستاردى ودان ەرٸ تەرەڭدەتە بەرۋدٸڭ ماڭىزدىلىعىن اتاپ ٶتتٸ.
– سٸز ٷكٸمەت تٶراعاسى رەتٸندەگٸ العاشقى شەتەلدٸك ساپارىڭىزدى قازاقستانعا جاساپ وتىرسىز. بۇنىڭ سيمۆوليكالىق مەنٸ بار ەرٸ بٸزدٸڭ ەۋرازييالىق ەكونوميكالىق وداق اياسىنداعى ستراتەگييالىق ىنتىماقتاستىقتى جەنە ٶزارا ٸس-قيمىلداردى دامىتۋ تۇرعىسىنان دا ماڭىزى زور, – دەدٸ پرەزيدەنت.
كەزدەسۋدە 31 قاڭتار كٷنٸ الماتى قالاسىندا ەۋرازييالىق ەكونوميكالىق وداقتى ودان ەرٸ دامىتۋدىڭ ٶزەكتٸ مەسەلەلەرٸ تالقىلانعان ەۋرازييالىق ٷكٸمەتارالىق كەڭەس وتىرىسىنىڭ قورىتىندىلارى سٶز بولدى.
– ەۋرازييالىق ٷكٸمەتارالىق كەڭەستٸڭ وتىرىسىنا قاتىسقانىڭىزدى بٸلەمٸن. وندا بٷگٸنگٸ كٷننٸڭ ٶتە ٶزەكتٸ مەسەلەسٸ – تسيفرلاندىرۋ تالقىلاندى. قازاقستان بۇل ٸسپەن بەلسەندٸ اينالىسۋدا. دەل وسى سالا بويىنشا سٸزدەردٸڭ تەجٸريبەلەرٸڭٸز مول. سوندىقتان ىنتىماقتاستىققا نيەتتٸمٸز, – دەدٸ مەملەكەت باسشىسى.
قازاقستان پرەزيدەنتٸ قابىلدانعان كەلٸسٸمدەر ەۋرازييالىق ەكونوميكالىق وداقتىڭ ٶركەندەۋٸنە تىڭ سەرپٸن بەرەتٸنٸنە سەنٸم بٸلدٸردٸ.
وسى ورايدا قاسىم-جومارت توقاەۆ تاۋار اينالىمىنىڭ, قىزمەت كٶرسەتۋدٸڭ, كاپيتال جەنە جۇمىس كٷشٸنٸڭ ەركٸن قوزعالىسىن قامتاماسىز ەتۋ ٷشٸن كەدەرگٸلەردٸ بٸرتٸندەپ جويۋ شارالارىن قابىلداۋ قاجەتتٸگٸن اتاپ ٶتتٸ.
رەسەي پرەمەر-مينيسترٸ مەملەكەت باسشىسىنا نۇر-سۇلتان قالاسىنا ساپارلاپ كەلۋگە مٷمكٸندٸك جاساعانى ٷشٸن العىس بٸلدٸردٸ.
– رەسەي مەن قازاقستاندى باۋىرلاستىق, سەرٸكتەستٸك جەنە وداقتاستىق قارىم-قاتىناستار بايلانىستىرادى. ساۋدا-ەكونوميكالىق جەنە ينۆەستيتسييالىق ٶزارا ٸس-قيمىلدار قارقىندى دامىپ, ايماقارالىق بايلانىستار مەن ٸسكەرلٸك توپتاردىڭ قارىم-قاتىناستارى نىعايىپ كەلەدٸ. ەۋرازييالىق ەكونوميكالىق ينتەگراتسييالار پروتسەسٸندە, ۇقشۇ, تمد, شىۇ جەنە باسقا دا كٶپجاقتى بايلانىستاردا بٸزدٸڭ ەلدەرٸمٸز جەتەكشٸ رٶل اتقارادى, – دەدٸ ميحايل ميشۋستين.
رەسەي ٷكٸمەتٸنٸڭ تٶراعاسى قازاقستان پرەزيدەنتٸنە ۆلاديمير پۋتيننٸڭ سەلەمٸن جەتكٸزٸپ, 2020 جىلدىڭ 9 مامىر كٷنٸ مەسكەۋ قالاسىندا ٶتەتٸن جەڭٸس كٷنٸنە ارنالعان شاراعا قاتىسۋعا شاقىردى.
– جەڭٸستٸڭ 75-جىلدىعىنا شاقىرۋدى ٷلكەن ىقىلاسپەن قابىلداپ, دەل سول كٷنٸ قىزىل الاڭدا ٶتەتٸن جەڭٸس پارادىن تاماشالاۋعا بارامىن. بۇل بٸزدٸڭ ورتاق مەرەكەمٸز, – دەدٸ قاسىم-جومارت توقاەۆ.
تاراپتار قازاقستان مەن رەسەي اراسىنداعى ىقپالداستىقتىڭ باسىم باعىتتارىن, اتاپ ايتقاندا, جايىق ترانسشەكارالىق ٶزەنٸنٸڭ سۋ رەسۋرستارىن تيٸمدٸ پايدالانۋ جەنە ەكولوگييا مەسەلەلەرٸن تالقىلادى.
قازاقستان پرەزيدەنتٸ ەكٸجاقتى ساۋدا-ەكونوميكالىق جەنە مەدەني-گۋمانيتارلىق بايلانىستاردى ودان ەرٸ نىعايتۋ ماقساتىندا ەكٸ ەل ٷكٸمەتتەرٸنٸڭ تىعىز جۇمىس ٸستەۋٸ قاجەت ەكەنٸن ايتتى.
مەملەكەت باسشىسى بيىل كٷزدە كٶكشەتاۋدا ٶتەتٸن, ەكولوگييا مەسەلەلەرٸنە ارنالعان XVII ايماقارالىق ىنتىماقتاستىق فورۋمىنا رەسەي پرەزيدەنتٸ ۆلاديمير پۋتيننٸڭ قاتىساتىنىنا سەنٸم بٸلدٸردٸ.
