فوتو: اقوردا
مەملەكەت باسشىسى "Ana Tili" گازەتٸنە سۇحبات بەرٸپ, حالىقتى تولعاندىرعان سۇراقتارعا جاۋاپ بەردٸ. ەڭگٸمە بارىسىندا توقاەۆ نۇرسۇلتان نازارباەۆپەن قانشالىقتى جيٸ سٶيلەسەتٸنٸن ايتتى. ول نازارباەۆتىڭ ەڭبەگٸن جوققا شىعارۋعا بولمايدى دەيدٸ.
"بٸز ەدٸلەتتٸ مەملەكەت قۇرامىز دەسەك, تاريحقا دا, ونى جاساۋعا اتسالىسقان ازاماتتارعا دا ەدٸل قاراۋىمىز كەرەك. مۇنىڭ بەرٸ, تٷپتەپ كەلگەندە, ۇلتتىڭ بولاشاعى ٷشٸن قاجەت. ٶتكەندٸ وي ەلەگٸنەن ٶتكٸزٸپ, ونى ەدٸل ەرٸ شىنايى باعالاي الماساق, العا سەنٸممەن قادام باسا المايمىز. ساياسي احۋالدىڭ ىقپالىمەن ٶز تاريحىڭدى كٶپە-كٶرٸنەۋ بۇرمالاي بەرۋگە بولمايدى. ەل شەجٸرەسٸن باسىنان باستاپ قايتا جازۋ تٸپتٸ قاۋٸپتٸ", - دەيدٸ ول.
الايدا, العاشقى جىلدارى نۇرسۇلتان نازارباەۆ وتستاۆكاعا كەتكەنٸمەن, قاۋٸپسٸزدٸك كەڭەسٸنٸڭ تٶراعاسى بولىپ وتىرعان كەزدە ساياسي سىپايىلىقتى ساقتاي بەرمەيتٸنٸن اشىق ايتتى.
"ٷنەمٸ پرەمەر-مينيستردٸ, ۇلتتىق بانكتٸڭ تٶراعاسىن, مينيسترلەردٸ, ەكٸمدەردٸ شاقىرىپ الىپ, جينالىس ٶتكٸزەتٸن. بۇعان ٶز ازاماتتارىمىزدى بىلاي قويعاندا, شەتەل باسشىلارى مەن ديپلوماتتارى دا تاڭدانا قارايتىن. «نازارباەۆ قىزمەتٸنەن كەتكەن سوڭ تٸپتٸ جوعارىلادى, ەندٸ پرەزيدەنت تە وعان باعىنادى» دەگەن ەزٸل ەڭگٸمە دە پايدا بولدى. ال, شىن مەنٸندە, بۇل ەزٸلدەيتٸن جاعداي ەمەس ەدٸ. بۇل جاعداي قوسارلانعان بيلٸك تۋرالى الىپ قاشپا ەڭگٸمەنٸڭ ٶرشۋٸنە ەكەپ سوقتى. شەنەۋنٸكتەر دە كابينەتتەن كابينەتكە جٷگٸرٸپ, كٸمنٸڭ تاپسىرماسىن ورىندايتىنىن بٸلمەي دال بولاتىن. ول از دەسەڭٸز, كەيبٸر شەنەۋنٸكتەر «ەلباسى ينستيتۋتى پرەزيدەنت بيلٸگٸنەن جوعارى تۇرۋعا تيٸس» دەپ, اقىلعا سىيمايتىن جاعدايدى زاڭ جٷزٸندە نەگٸزدەمەك بولدى", - دەدٸ قاسىم-جومارت توقاەۆ.
توقاەۆ سونداي-اق بۇرىنعى پرەزيدەنتتٸڭ سول جىلدارى سانكت-پەتەربۋرگ قالاسىندا ٶتكەن تمد ەلدەرٸنٸڭ سامميتٸنە قاتىسۋىن ناعىز بيلٸك داعدارىسىنا ەكەپ سوقتىرعان نەگٸزگٸ وقيعالار دەپ اتادى. سونىڭ الدىندا عانا جەرگٸلٸكتٸ بٸر ساياساتتانۋشى وعان «ەلباسىنىڭ التىن دەۋٸرٸن» قالپىنا كەلتٸرۋ ٷشٸن باتىل شارالار قابىلداۋ قاجەتتٸگٸن ايتىپ, ارانداتۋشىلىق مازمۇنداعى حات جولداعانىن دا اتاپ ٶتتٸ.
سوعان قاراماستان, نۇرسۇلتان نازارباەۆتىڭ قازاقستانعا سٸڭٸرگەن تاريحي ەڭبەگٸن لايىقتى باعالايتىنىن, پرەزيدەنت رەتٸندە مەملەكەت مٷددەسٸن باسشىلىققا الا وتىرىپ, قازٸر شامامەن ايىنا بٸر رەت تەلەفون ارقىلى سٶيلەسٸپ تۇراتىنىن جەتكٸزدٸ.
