فوتو: اقوردا
مەملەكەت باسشىسى قاسىم-جومارت توقاەۆتىڭ قىزىلوردا وبلىسىنا ساپارى «قورقىت اتا» حالىقارالىق ەۋەجايىنىڭ جاڭا تەرمينالىمەن تانىسۋدان باستالدى, دەپ حابارلايدى Ult.kz.
پرەزيدەنتكە ەۋەجاي قىزمەتٸ مەن ٸشكٸ جەنە حالىقارالىق باعىتتارداعى رەيستەردٸ قابىلداۋ جەنە ٶڭدەۋ ٷدەرٸسٸ تانىستىرىلدى. مەملەكەت باسشىسى جولاۋشىلاردى تٸركەۋ جەنە تەكسەرۋ ايماقتارىن, شەكارالىق-كەدەندٸك باقىلاۋ پۋنكتتەرٸن, كٷتۋ زالىن جەنە اۆتوماتتاندىرىلعان جٷك بەرۋ جٷيەسٸن ارالاپ كٶردٸ.
جاڭا تەرمينال بىلتىر قاراشا ايىندا پايدالانۋعا بەرٸلگەن. جوباعا 16,6 ميلليارد تەڭگە جەكە ينۆەستيتسييا تارتىلسا, جەرگٸلٸكتٸ بيۋدجەتتەن ينجەنەرلٸك-كوممۋنيكاتسييالىق ينفراقۇرىلىمعا 4,3 ميلليارد تەڭگە بٶلٸنگەن. نەتيجەسٸندە ەۋەجايدىڭ ٶتكٸزۋ قابٸلەتٸ جىلىنا 300 مىڭنان 500 مىڭ جولاۋشىعا دەيٸن ارتتى.
نىسان حالىقارالىق ازاماتتىق اۆياتسييا كوميتەتٸ (ICAO) مەن حالىقارالىق ەۋە كٶلٸگٸ قاۋىمداستىعىنىڭ (IATA) ستاندارتتارىنا تولىق ساي كەلەدٸ. قازٸرگٸ تاڭدا مۇندا Air Astana, FlyArystan جەنە Qazaq Air كومپانييالارى اپتاسىنا 29 رەيس ورىندايدى. سونداي-اق تەرمينال جانىندا «قازاەروناۆيگاتسييا» رمك جاڭا ديسپەتچەرلٸك مۇنارا مەن ەكٸمشٸلٸك-تەحنيكالىق عيمارات سالىپ جاتىر. بۇل جوبا ٶڭٸردٸڭ كٶلٸك ينفراقۇرىلىمىن دامىتىپ قانا قويماي, سىر ەلٸنٸڭ تۋريستٸك جەنە ينۆەستيتسييالىق ەلەۋەتٸن ارتتىرۋعا مٷمكٸندٸك بەرەدٸ.
وبلىستىڭ ەلەۋمەتتٸك-ەكونوميكالىق دامۋى تۋرالى ەسەپ بەرٸلدٸ
قىزىلوردا وبلىسىنىڭ ەكٸمٸ نۇرلىبەك نەلٸباەۆ مەملەكەت باسشىسىنا ٶڭٸردٸڭ ەلەۋمەتتٸك-ەكونوميكالىق دامۋى تۋرالى باياندادى. سوڭعى تٶرت جىلدا ايماق ەكونوميكاسىنا تارتىلعان ينۆەستيتسييا كٶلەمٸ 233 پايىزعا ارتقان. بيىل 720 ميلليارد تەڭگەدەن استام قارجى تارتۋ جوسپارلانىپ وتىر, ونىڭ 70 پايىزى – جەكە ينۆەستيتسييا.
ەكونوميكانى ەرتاراپتاندىرۋ ماقساتىندا الداعى ٷش جىلدا جالپى قۇنى 2 تريلليون تەڭگەگە جۋىق 90 جوبا جٷزەگە اسىرىلادى. بۇل 11 مىڭنان استام جاڭا جۇمىس ورنىن اشۋعا جول اشادى. بيىلدىڭ ٶزٸندە 302,5 ميلليارد تەڭگە بولاتىن 27 نىساندى ٸسكە قوسۋ جوسپارلانعان, ونىڭ توعىزى قازٸردٸڭ ٶزٸندە پايدالانۋعا بەرٸلدٸ.
پرەزيدەنت قاسىم-جومارت توقاەۆ ايماقتىڭ دامۋ قارقىنىنا وڭ باعاسىن بەرٸپ, جۇمىستاردى جالعاستىرۋدىڭ ماڭىزىن اتاپ ٶتتٸ.
فوتو: اقوردا
ينۆەستيتسييالىق جوبالار تانىستىرىلدى
مەملەكەت باسشىسىنا بٸرقاتار ٸرٸ ينۆەستيتسييالىق جوبالار تانىستىرىلدى. ولاردىڭ قاتارىندا Orient Ceramic KZO كومپانيياسىنىڭ قىش تاقتا ٶندٸرەتٸن زاۋىتى, Fabe Agro جىلىجاي كەشەنٸ, قاتتى تۇرمىستىق قالدىقتاردى ٶڭدەيتٸن With You كەسٸپورنى جەنە Seven Rivers Technologies كومپانيياسىنىڭ شىنى ىدىستار ٶندٸرٸسٸ بار.
سونىمەن قاتار پرەزيدەنتكە شىنى كلاستەرٸن دامىتۋ, بۋ-گاز قوندىرعىسى, تاۋ-كەن بايىتۋ فابريكاسى, كالتسييلەندٸرٸلگەن سودا زاۋىتى جەنە تاۋارلى سٷت فەرماسى جوبالارىنىڭ ٸسكە اسۋ جوسپارى جٶنٸندە باياندالدى.
قاسىم-جومارت توقاەۆ بۇل جوبالاردى ساپالى ەرٸ ۋاقتىلى جٷزەگە اسىرۋدىڭ ماڭىزدىلىعىن اتاپ ٶتٸپ, وبلىس ەكٸمدٸگٸنە ينۆەستيتسييالىق كليماتتى جاقسارتۋ جەنە بيزنەسكە قولايلى جاعداي جاساۋ جٶنٸندەگٸ جۇمىستى جالعاستىرۋدى تاپسىردى.
فوتو: اقوردا
پرەزيدەنت ٶنەر ورتالىعىندا بولدى
ساپار سوڭىندا مەملەكەت باسشىسى وبلىس ورتالىعىنداعى ٶنەر ورتالىعىن ارالاپ كٶردٸ. مىڭ ورىنعا ارنالعان زاماناۋي كەشەننٸڭ قۇرىلىسىنا 3,7 ميلليارد تەڭگە جۇمسالعان. مۇندا كونتسەرتتەر, شىعارماشىلىق كەشتەر مەن تٷرلٸ قوعامدىق ٸس-شارالار ٶتكٸزٸلەدٸ.
قاسىم-جومارت توقاەۆ كٶرەرمەن زالىن ارالاپ, وبلىستىق سيمفونييالىق وركەستردٸڭ دايىندىعىن تاماشالادى. پرەزيدەنتكە سوڭعى ٷش جىلدا ٶڭٸردە 18 مەدەنيەت نىسانىنىڭ سالىنعانى تۋرالى مەلٸمەت بەرٸلدٸ. ولاردىڭ ٸشٸندە 7 «رۋحانييات» ورتالىعى, مۋزىكالىق كوللەدجدٸڭ جاڭا عيماراتى, تاريحي-ٶلكەتانۋ مۋزەيٸ جەنە اۋىلدىق مەدەنيەت ٷيلەرٸ بار.
مەملەكەت باسشىسى مەدەنيەت سالاسىنداعى مامانداردى قولداۋ, تۇرعىن ٷيمەن قامتۋ جەنە شىعارماشىلىق ۇجىمداردىڭ ەلەۋەتٸن ارتتىرۋ باعىتىنداعى جۇمىستاردى جالعاستىرۋدىڭ ماڭىزىن اتاپ ٶتتٸ.
