تاراپتار قازاق-كورەي ستراتەگييالىق ەرٸپتەستٸگٸن ودان ارى دامىتۋدىڭ پەرسپەكتيۆالارىن جان-جاقتى تالقىلادى. ساۋدا-ەكونوميكالىق, ينۆەستيتسييالىق جەنە مەدەني-گۋمانيتارلىق بايلانىستاردى نىعايتۋعا ەرەكشە كٶڭٸل بٶلٸندٸ.
قاسىم-جومارت توقاەۆ پرەزيدەنت مۋن چجە ينگە كورەي جەرٸندە كٶرسەتٸلگەن قۇرمەت پەن قوناقجايلىعى ٷشٸن ريزاشىلىعىن بٸلدٸردٸ.
مەملەكەت باسشىسى 2019 جىلى نۇر-سۇلتان قالاسىندا ٶتكەن كەزدەسۋدٸڭ قازاق-كورەي قارىم-قاتىناسىنا تىڭ سەرپٸن بەرگەنٸن ايتتى.
قاسىم-جومارت توقاەۆ وڭتٷستٸك كورەيا قازاقستاننىڭ ازيياداعى ەڭ ماڭىزدى ستراتەگييالىق ەرٸپتەسٸ ەكەنٸن اتاپ ٶتتٸ.
– بٷگٸنگٸ تاڭدا قازاقستاننىڭ ەكونوميكاسىنا 6 ملرد دوللاردان استام كورەيلٸك ينۆەستيتسييا تارتىلعان. ينۆەستيتسييا تارتۋ ٸسٸن بۇدان بىلاي دا جالعاستىرا بەرۋ كەرەك دەپ ويلايمىن. مەن وسىدان ەكٸ جىل بۇرىن ٶزارا بايلانىستارىمىزدى ارتتىرۋ ٷشٸن اۋقىمدى جوبا قۇرۋ كەرەك ەكەنٸن سٸزگە ايتقانمىن. قازٸر قازاقستاندا كورەيالىقتار قارجى سالعان 550 كومپانييا جۇمىس ٸستەپ جاتىر. ولاردىڭ اراسىندا Samsung, Hyundai, Lotto, Posko جەنە تاعى باسقالارى بار. ٶتە جاقسى ينستيتۋتسيونالدى بازا قالىپتاسقان, ٷكٸمەتارالىق كوميسسييا مەن ٸسكەرلٸك كەڭەس جۇمىس ٸستەپ جاتىر, – دەدٸ قازاقستان پرەزيدەنتٸ.
مەملەكەت باسشىسى كورەيالىق ەرٸپتەسٸنە كوروناۆيرۋسپەن كٷرەستە كٶرسەتكەن گۋمانيتارلىق كٶمەگٸ ٷشٸن العىس ايتىپ, قازاقستاندىق QazVac ۆاكتسيناسى تۋرالى اقپاراتپەن بٶلٸستٸ.
قاسىم-جومارت توقاەۆ وڭتٷستٸك كورەيانىڭ جوعارى تەحنولوگييالار مەن دەنساۋلىق ساقتاۋ سالاسىن دامىتۋ تەجٸريبەسٸنە قىزىعۋشىلىق تانىتتى.
وڭتٷستٸك كورەيا پرەزيدەنتٸ پاندەمييا باستالعالى بەرٸ وسىنداي جوعارى دەڭگەيدەگٸ كەزدەسۋدٸ ەڭ بٸرٸنشٸ بولىپ قازاقستان پرەزيدەنتٸمەن ٶتكٸزٸپ جاتقانىن اتاپ ٶتتٸ.
– سٸزدٸ كٶپ كٷتكەن اسا قادٸرلٸ قوناق رەتٸندە كٷتٸپ العانىما قۋانىشتىمىن. بٸزدٸڭ كەزدەسۋٸمٸزدٸڭ قازاقستان تەۋەلسٸزدٸگٸنٸڭ 30 جىلدىعى مەن كورەي رەسپۋبليكاسى تەۋەلسٸزدٸگٸنٸڭ 76 جىلدىعى قارساڭىندا ٶتٸپ جاتقانى اسا ماڭىزدى, – دەدٸ پرەزيدەنت مۋن چجە ين.
وڭتٷستٸك كورەيا پرەزيدەنتٸ مۋن چجە ين قاسىم-جومارت توقاەۆقا جەنە قازاقستان حالقىنا كورەيانىڭ ۇلتتىق باتىرلارى, ەل تەۋەلسٸزدٸگٸ ٷشٸن كٷرەسكەن گە بون ۋ, حۆان ۋن دەنا جەنە گەنەرال حون بون دونىڭ سٷيەكتەرٸن تاريحي وتانىنا جەتكٸزۋگە ىقپال ەتكەنٸ ٷشٸن ريزاشىلىعىن بٸلدٸردٸ.
كورەي باسشىسى ايماقتىق جەنە حالىقارالىق ٷدەرٸستەردە قازاقستاننىڭ اسا ماڭىزدى رٶل اتقاراتىنىن اتاپ ٶتتٸ.
– قازاقستان تەۋەلسٸزدٸك العاننان كەيٸن سىرتقى ساياساتتا اشىق ەرٸ تىعىز بايلانىس ورناتىپ, بەلسەندٸلٸك تانىتۋ ارقىلى ورتالىق ازيياداعى قىرقىندى دامۋشى مەملەكەتكە اينالدى. سونىمەن قاتار قازاقستان ازيياداعى ٶزارا ىنتىماقتاستىق جەنە سەنٸم شارالارى جٶنٸندەگٸ كەڭەس ارقىلى جەنە دٷنيەجٷزٸلٸك ساۋدا ۇيىمىنداعى مينيسترلەر كونفەرەنتسيياسىنىڭ تەڭتٶراعاسى رەتٸندە دە كٶپجاقتى ىنتىماقتاستىقتىڭ ەرتٷرلٸ تەتٸكتەرٸندە بەلسەندٸ كٶشباسشىلىق تانىتىپ كەلەدٸ. قازاقستان كورەيا رەسپۋبليكاسىنىڭ ورتالىق ازيياداعى ەڭ العاشقى ساۋدا جەنە ينۆەستيتسييالىق ەرٸپتەسٸ. ەلدەرٸمٸز اراسىنداعى ديپلوماتييالىق بايلانىستار ورناعان 30 جىل ٸشٸندە بٸزدٸڭ قاتىناسىمىز تەك قانا دوستىق پەن ىنتىماقتاستىققا نەگٸزدەلدٸ. تٸپتٸ, پاندەمييا كەزٸندە دە بٸز بارلىق دەڭگەيدە سىرتتاي بايلانىس ورناتىپ وتىردىق. قازاقستان كورەيانىڭ «جاڭا سولتٷستٸك ساياسات» مەملەكەتتٸك ستراتەگيياسىندا اسا ماڭىزدى ەرٸپتەس. بٸزدٸڭ ٶزارا ىنتىماقتاستىعىمىزدىڭ ەلەۋەتٸ بۇنىمەن دە بٸتپەيدٸ دەپ ەسەپتەيمٸن, – دەدٸ وڭتٷستٸك كورەيا پرەزيدەنتٸ.
– كورەي حالقىنىڭ قازاقستان حالقىنا دەگەن ىقىلاس-پەيٸلٸ ەرەكشە. بٸز ٷشٸن قازاقستان ەۋرازييا قۇرلىعىنىڭ ورتالىعى بولىپ سانالادى. بٸزدٸڭ حالىقتارىمىزدىڭ تاريحي بايلانىسى سوناۋ ۇلى جٸبەك جولىنان تارتىپ, كەيٸنگٸ ەتنيكالىق كورەيلەردٸ قازاقستانعا جەر اۋدارۋمەن جالعاستى. بٸز قيىر شىعىستان جەر اۋدارىلىپ بارعان كورەيلەردٸ ٶزٸنٸڭ ىستىق قۇشاعىن جايىپ قارسى العان قازاق حالقىنىڭ كەڭ پەيٸلدٸگٸن ەشقاشان ۇمىتپايمىز, العىسىمىز شەكسٸز, – دەدٸ وڭتٷستٸك كورەيا پرەزيدەنتٸ.
كەلٸسسٶزدەردٸڭ قورىتىندىسى بويىنشا مەملەكەتتەر باسشىلارىنىڭ قاتىسۋىمەن بٸرقاتار ەكٸجاقتى قۇجاتقا قول قويىلدى:
1. قازاقستان رەسپۋبليكاسى مەن كورەيا رەسپۋبليكاسىنىڭ بٸرلەسكەن مەلٸمدەمەسٸ (اۋىزشا قابىلداندى);
2. قازاقستان رەسپۋبليكاسىنىڭ مەدەنيەت جەنە سپورت مينيسترلٸگٸ مەن كورەيا رەسپۋبليكاسىنىڭ ٸشكٸ ٸستەر جەنە قاۋٸپسٸزدٸك مينيسترلٸگٸ اراسىنداعى مۇراعات ٸسٸ سالاسىنداعى ٶزارا تٷسٸنٸستٸك تۋرالى مەموراندۋم;
3. قازاقستان رەسپۋبليكاسىنىڭ ساۋدا جەنە ينتەگراتسييا مينيسترلٸگٸ مەن كورەيا رەسپۋبليكاسىنىڭ ساۋدا, يندۋسترييا جەنە ەنەرگەتيكا مينيسترلٸگٸ اراسىنداعى ٶزارا تٷسٸنٸستٸك تۋرالى مەموراندۋم;
4. قازاقستان رەسپۋبليكاسى ەكولوگييا, گەولوگييا جەنە تابيعي رەسۋرستار مينيسترلٸگٸ مەن كورەيا رەسپۋبليكاسىنىڭ قورشاعان ورتا مينيسترلٸگٸ اراسىنداعى سۋ رەسۋرستارىن باسقارۋ سالاسىنداعى ٶزارا تٷسٸنٸستٸك تۋرالى مەموراندۋم;
5. قىزىلوردا وبلىسى ەكٸمدٸگٸ مەن كورەيا رەسپۋبليكاسىنىڭ ارداگەرلەر مەن پاتريوتتار جٶنٸندەگٸ اگەنتتٸگٸ اراسىنداعى ٶزارا تٷسٸنٸستٸك تۋرالى مەموراندۋم;
6. «سامۇرىق-قازىنا» ۇەق» اق مەن كورەيا حالىقارالىق ساۋدا قاۋىمداستىعى (KITA) اراسىنداعى ىنتىماقتاستىق تۋرالى مەموراندۋم.
