فوتو: اقوردا
مەملەكەت باسشىسى قازاقستانعا رەسمي ساپارمەن كەلگەن يتالييا پرەمەر-مينيسترٸ دجوردجا مەلونيدٸ ەلوردا ەۋەجايىنان قارسى الدى, دەپ حابارلايدى Ult.kz.
ەكٸ ەل باسشىسى ەلوردا ەۋەجايىندا از-كەم ەڭگٸمەلەستٸ.
"سٸزدٸ قازاقستاندا قارسى الۋ – بٸز ٷشٸن ٷلكەن مەرتەبە. الداعى كەلٸسسٶزدەر ەكٸجاقتى قارىم-قاتىناستارىمىزعا تىڭ سەرپٸن بەرۋدە ماڭىزدى, تٸپتٸ, شەشۋشٸ رٶل اتقاراتىنىنا سەنٸمدٸمٸن. يتالييا – قازاقستاننىڭ ەۋروپاداعى جەتەكشٸ ساۋدا سەرٸكتەستەرٸنٸڭ بٸرٸ. كەشەلٸ-بٷگٸن استانادا يتالييا بيزنەسٸنٸڭ كٶپتەگەن ٶكٸلٸنٸڭ قاتىسۋىمەن بيزنەس-فورۋم ٶتتٸ. ەكٸ ەل اراسىنداعى ٸسكەرلٸك بايلانىستاردى دامىتۋعا قوسقان ٷلەسٸڭٸزدٸ جوعارى باعالايمىز", - دەدٸ قاسىم-جومارت توقاەۆ.
ٶز كەزەگٸندە دجوردجا مەلوني قازاقستانعا العاش كەلٸپ وتىرعانىن جەتكٸزدٸ.
"سٸزدٸڭ ەلٸڭٸزگە العاش رەت كەلٸپ وتىرمىن. ٶتە قۋانىشتىمىن. ٶزٸڭٸز ايتقانداي, ەكٸ ەلدٸڭ قارىم-قاتىناسى ٶتە جاقسى. الايدا بۇدان دا جوعارى نەتيجەگە قول جەتكٸزۋگە ەردايىم مٷمكٸندٸك بار. بٸز قازاقستاندى يتالييانىڭ, سونداي-اق ەۋروپانىڭ ماڭىزدى سەرٸكتەسٸ رەتٸندە قاراستىرامىز. سونىمەن قاتار قازٸرگٸ كەزدە ورتالىق ازييا ٶڭٸرٸ ستراتەگييالىق مەنگە يە بولدى. مەملەكەتتەر باسشىلارى دەڭگەيٸندە بٸرٸنشٸ «يتالييا – ورتالىق ازييا» سامميتٸن ۇيىمداستىرعانىڭىز ٷشٸن سٸزگە ريزاشىلىعىمدى بٸلدٸرەمٸن. بۇل باسقوسۋ ايماقپەن قارىم-قاتىناسىمىزداعى تاريحي سەت بولادى دەپ ويلايمىن. قازٸرگٸ سىندارلى كەزەڭدە بٸز ٷشٸن بارلىق دەڭگەيدە ىنتىماقتاستىق ورناتۋ ٶتە ٶزەكتٸ", - دەدٸ يتالييا پرەمەر-مينيسترٸ.
