مەملەكەت باسشىسى سورتٶبە اۋىلىنداعى مەدەنيەت ٷيٸندە دٷنگەن دياسپوراسىنىڭ ٶكٸلدەرٸمەن كەزدەسۋ ٶتكٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
پرەزيدەنت قازاقستاندى دوستىقتىڭ, بەيبٸتشٸلٸك پەن كەلٸسٸمنٸڭ, سونداي-اق, بارلىق ەتنيكالىق توپتاردىڭ ورتاق وتانى بولىپ سانالاتىنىن اتاپ ٶتتٸ. ەلٸمٸز تٷرلٸ تاريحي جاعدايلارعا بايلانىستى, قيىن-قىستاۋ زاماندا مەجبٷرلٸ تٷردە قازاق جەرٸن پانالاپ كەلگەن حالىقتىڭ بەرٸن قۇشاق جايا قارسى العانىن ايتتى. مەملەكەت باسشىسى قورداي اۋدانىندا بولعان وقيعادان دۇرىس قورىتىندى شىعارۋ كەرەك ەكەنٸن مەلٸمدەدٸ.
– بولعان قايعىلى وقيعا ارتتا قالۋى تيٸس. الداعى ۋاقىتتا تاتۋ-تەتتٸ, تٷسٸنٸستٸكتە بٸرگە ٶمٸر سٷرەمٸز. بٸز بۇدان ساباق الۋىمىز كەرەك. بۇرىن-سوڭدى مۇنداي جاعداي بولعان ەمەس. بۇل بيلٸكتٸڭ دە جٸبەرگەن كەمشٸلٸگٸ. سوندىقتان مەن بٸردەن وبلىس باسشىلىعىن, سونىڭ ٸشٸندە قۇقىق قورعاۋ ورگاندارىنىڭ جەتەكشٸلەرٸن دە اۋىستىردىم, – دەدٸ مەملەكەت باسشىسى.
قاسىم-جومارت توقاەۆ بەردٸبەك ساپارباەۆ تٶراعالىق ەتەتٸن ٷكٸمەتتٸك كوميسسييا بارلىق نىسانداردى قايتا قالپىنا كەلتٸرٸپ, ەلەۋمەتتٸك مەسەلەلەردٸ شەشۋمەن اينالىساتىنىن ايتتى. ايماقتاعى احۋال جٸتٸ باقىلاۋدا بولادى.
پرەزيدەنت دٷنگەن دياسپوراسىنىڭ ٶكٸلدەرٸن جاستاردىڭ تەربيەسٸنە باسا مەن بەرٸپ, ولاردى ەربٸر حالىقتىڭ مەدەنيەتٸنە, قازاق تٸلٸ مەن قازاقستاننىڭ مەملەكەتتٸك رەمٸزدەرٸنە قۇرمەتپەن قاراۋعا شاقىردى.
– سٸزدەردٸڭ بالالارىڭىز قازاق تٸلٸن ٷيرەنۋٸ كەرەك. سونداي-اق ورىس تٸلٸ مەن ٶزٸنٸڭ انا تٸلٸن دە بٸلۋٸ قاجەت. مەملەكەت سٸزدەردٸڭ مەدەنيەتتەرٸڭٸز بەن دەستٷرلەرٸڭٸزدٸ ساقتاپ, دامىتۋعا جان-جاقتى قولداۋ كٶرسەتەدٸ. دەگەنمەن سٸزدەر, ەسٸرەسە, اۋىلدا تۇراتىن ازاماتتار مەملەكەتتٸك تٸلدٸ بٸلگەندەرٸڭٸز اسا ماڭىزدى, – دەدٸ مەملەكەت باسشىسى.
سونىمەن قاتار پرەزيدەنت جاستاردىڭ قورداي اۋدانىنداعى بٸرنەشە اۋىلدا عانا ەمەس, قازاقستاننىڭ بارلىق ٶڭٸرٸندە جۇمىس ٸستەۋٸنە مول مٷمكٸندٸك بار ەكەنٸن جەتكٸزدٸ.
– قازاقستان – بايتاق ەرٸ باي مەملەكەت. ەلٸمٸزدٸڭ سولتٷستٸگٸندە قۇنارلى جەرلەر بار. بٸز نەگە بٸر جەردە عانا تۇراقتاۋىمىز كەرەك? بالالارىڭىزدى سولتٷستٸككە, شىعىسقا قاراي جٸبەرٸڭٸزدەر. سولتٷستٸك, باتىس, وڭتٷستٸك, شىعىستا سٸزدەردٸڭ بالالارىڭىزعا جۇمىس ٸستەپ, اقشا تابۋعا مٷمكٸندٸك مول, – دەدٸ قاسىم-جومارت توقاەۆ.
مەملەكەت باسشىسى جۇرتشىلىقتى قايعىلى وقيعانىڭ قايتالانۋىنا جول بەرمەۋگە شاقىردى. ٶڭٸردەگٸ قۇقىق قورعاۋ ورگاندارىنىڭ جاڭا باسشىلىعىنا قوعامدىق تەرتٸپ پەن تۇرعىنداردىڭ قاۋٸپسٸزدٸگٸن قامتاماسىز ەتۋ, سونداي-اق, قىلمىستىڭ الدىن الۋ جٶنٸندە مٸندەت جٷكتەدٸ.
كەزدەسۋدە قورداي اۋدانىنىڭ قۇرمەتتٸ ازاماتى شيسىر دينلاسون كەزٸندە قامقورلىق كٶرسەتكەن قازاق حالقىنا قوناقجايلىلىعى مەن مەيٸرٸمٸ ٷشٸن العىس بٸلدٸردٸ. ەڭبەك ارداگەرٸ جەرگٸلٸكتٸ دٷنگەندەردٸڭ بولعان وقيعاعا ٶكٸنٸش بٸلدٸرٸپ, كەشٸرٸم سۇرايتىنىن ايتتى. سورتٶبە اۋىلدىق مەكتەبٸنٸڭ قازاق تٸلٸ مەن ەدەبيەتٸ پەنٸنٸڭ مۇعالٸمٸ ەديك سۋلاروۆ جەرگٸلٸكتٸ بالالارعا مەملەكەتتٸك تٸلدٸ, قازاقستان تاريحىن, قازاق حالقىنىڭ سالت-دەستٷرٸن وقىتۋعا نيەتتٸ ەكەنٸن جەتكٸزدٸ.
كەزدەسۋ سوڭىندا قازاقستان پرەزيدەنتٸ قاراكەمەر, ماسانشى جەنە سورتٶبە اۋىلدارىنداعى قوعامدىق تەرتٸپتٸ قامتاماسىز ەتەتٸن ارنايى جەدەل ەرەكەت ەتۋ جاساعىنىڭ جاۋىنگەرلەرٸمەن, ۇلتتىق گۆاردييانىڭ ەسكەري قىزمەتشٸلەرٸمەن ەڭگٸمەلەستٸ.
