قازاقستان پرەزيدەنتٸ قاسىم-جومارت توقاەۆ قىركٷيەكتٸڭ 11-12 كٷندەرٸنە جوسپارلانعان قحر-عا مەملەكەتتٸك ساپارى قارساڭىندا قىتايدىڭ CCTV تەلەارناسىنا سۇحبات بەردٸ. بۇل تۋرالى بٷگٸن Facebook-تەگٸ پاراقشاسىندا مەملەكەت باسشىسىنىڭ باسپاسٶز حاتشىسى بەرٸك ۋەلي جازدى, دەپ حابارلايدى قازاقپارات.
«مەملەكەت باسشىسى قازاق-قىتاي قاتىناستارىنىڭ دامۋ پەرسپەكتيۆالارىنا قاتىستى ٶزٸنٸڭ وي-پٸكٸرٸمەن بٶلٸستٸ. كٷن تەرتٸبٸندەگٸ ەكٸجاقتى مەسەلەلەردەن بٶلەك, قىتايلىق جۋرناليستەردٸ قاسىم-جومارت توقاەۆتىڭ قازٸرگٸ حالىقارالىق قاتىناستارداعى قىتايدىڭ رٶلٸنە, قحر-نىڭ 70 جىلدىق مەرەيتويى قارساڭىنداعى جەتٸستٸكتەرٸنە بەرگەن باعاسى اسا قاتتى قىزىقتىردى», - دەپ جازدى ول.
سونداي-اق, ونىڭ جازۋىنشا, پرەزيدەنت ٶزگە دە جەكە مەسەلەلەرگە قاتىستى ساۋالدارعا جاۋاپ بەردٸ. سۇحبات CCTV تەلەارناسىنىڭ ەفيرٸنەن كٶرسەتٸلەدٸ.
