مەملەكەت باسشىسى قاسىم-جومارت توقاەۆ ەزەربايجان پرەزيدەنتٸ يلحام ەليەۆپەن كەزدەستٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
ەزەربايجان پرەزيدەنتٸنٸڭ «زاگۋلبا» رەزيدەنتسيياسىندا مەملەكەت باسشىسىن سالتاناتتى رەسمي قارسى الۋ شاراسى ٶتتٸ.
قۇرمەت قاراۋىلىنىڭ باستىعى ەكٸ ەل باسشىلارىنا راپورت بەرٸپ, قازاقستان مەن ەزەربايجاننىڭ ەنۇراندارى ورىندالعاننان كەيٸن قاسىم-جومارت توقاەۆ پەن يلحام ەليەۆ بٸر-بٸرٸنە رەسمي دەلەگاتسييالاردىڭ قۇرامىن تانىستىردى. سالتاناتتى رەسٸمنەن سوڭ ەكٸ ەل پرەزيدەنتتەرٸ كەلٸسسٶز جٷرگٸزدٸ.
قازاقستان پرەزيدەنتٸ ەزەربايجان رەسپۋبليكاسىنا رەسمي ساپارمەن كەلۋگە شاقىرعانى ٷشٸن يلحام ەليەۆكە العىس ايتتى.
– ەڭ الدىمەن بٸزگە كٶرسەتكەن قوناقجايلىعىڭىز ٷشٸن سٸزگە ريزاشىلىعىمدى بٸلدٸرەمٸن. بۇل – قازاقستان پرەزيدەنتٸ رەتٸندە العاش رەت رەسمي ساپارمەن كەلۋٸم. بۇل ساپاردىڭ مەن ٷشٸن مەن-ماڭىزى ايرىقشا. بٷگٸن بٸرقاتار ٶتە ٶزەكتٸ مەسەلەلەر تۋرالى پٸكٸر الماسۋلار بولادى. كەلٸسسٶزدەر نەتيجەسٸندە بٸرقاتار قۇجاتقا قول قويىلماق. ول ەكٸجاقتى ىنتىماقتاستىقتى, قازاق-ەزەربايجان قارىم-قاتىناسىن جاڭا دەڭگەيگە كٶتەرەدٸ دەپ سەنەمٸن, – دەدٸ قاسىم-جومارت توقاەۆ.
يلحام ەليەۆ ٶزٸنٸڭ شاقىرۋىن قابىل الىپ, ەزەربايجانعا رەسمي ساپارمەن كەلگەنٸ ٷشٸن قاسىم-جومارت توقاەۆقا ريزاشىلىعىن بٸلدٸرٸپ, قازاقستان پرەزيدەنتٸنٸڭ باكۋعا كەلۋٸ ەكٸ ەل اراسىنداعى ىنتىماقتاستىققا تىڭ سەرپٸن بەرەتٸنٸن اتاپ ٶتتٸ.
جەكە كەلٸسسٶزدەن كەيٸن قاسىم-جومارت توقاەۆ قازاق-ەزەربايجان قارىم-قاتىناستارىنا قوسقان زور ٷلەسٸ ٷشٸن يلحام ەليەۆتٸ قازاقستان رەسپۋبليكاسىنىڭ جوعارى مەملەكەتتٸك ناگراداسى «التىن قىران» وردەنٸمەن ماراپاتتادى. بۇل ماراپات يلحام ەليەۆكە ەكٸ ەل اراسىنداعى دوستىق پەن ىنتىماقتاستىقتى نىعايتۋعا زور ٷلەس قوسقانى ٷشٸن تابىس ەتٸلدٸ.
