بيىل اباي قۇنانبايۇلىنىڭ تۋعانىنا 175 جىل تولادى. حالقىمىزدىڭ ۇلى پەرزەنتٸنٸڭ مەرەيتويىن لايىقتى اتاپ ٶتۋ ٷشٸن ارنايى قۇرىلعان كوميسسييا دايىندىق جۇمىستارىن باستاپ كەتتٸ.
بۇل تۋرالى ٶزٸنٸڭ «اباي جەنە ححٸ عاسىرداعى قازاقستان» اتتى ماقالاسىندا قازاقستان پرەزيدەنتٸ قاسىم-جومارت توقاەۆ جازدى, دەپ حابارلايدى "ۇلت اقپارات".
ماقالادا پرەزيدەنت ۇلى ابايدىڭ 175 جىلدىعى اياسىندا مەملەكەت كٶلەمٸندە جەنە حالىقارالىق دەڭگەيدە اۋقىمدى ٸس-شارالار ۇيىمداستىرۋ جوسپارلانىپ وتىرعاندىعىن اتاپ ٶتتٸ.
«بٸراق مۇنىڭ بەرٸ توي تويلاۋ ٷشٸن ەمەس, وي-ٶرٸسٸمٸزدٸ كەڭەيتٸپ, رۋحاني تۇرعىدان دامۋىمىز ٷشٸن ٶتكٸزٸلمەك. اباي قۇنانبايۇلى عۇلاما, ويشىل, اقىن, اعارتۋشى, ۇلتتىڭ جاڭا ەدەبيەتٸنٸڭ نەگٸزٸن قالاۋشى, اۋدارماشى, كومپوزيتور رەتٸندە ەل تاريحىندا ٶشپەس ٸز قالدىرعانى سٶزسٸز. ونىڭ ٶلەڭدەرٸ مەن قارا سٶزدەرٸندە ۇلت بولمىسى, بٸتٸمٸ, تۇرمىسى, تٸرشٸلٸگٸ, دٷنيەتانىمى, مٸنەزٸ, جانى, دٸنٸ, دٸلٸ, تٸلٸ, رۋحى كٶرٸنٸس تاۋىپ, كەيٸن اباي ەلەمٸ دەگەن بٸرەگەي قۇبىلىس رەتٸندە باعالاندى. ٶتكەن جىلى ابايدىڭ شىعارمالارىنان ٷزٸندٸ وقۋ ەستافەتاسى ٶتتٸ. لەيلٸم اتتى وقۋشى قىز ۇسىنعان بۇل ەلدٸك شاراعا مەن دە قاتىسىپ, قولداۋ كٶرسەتتٸم. مەكتەپ وقۋشىلارىنان ەل ازاماتتارىنا, تٸپتٸ, ەلەمدٸك دەڭگەيدەگٸ تانىمال تۇلعالارعا دەيٸن زور قىزىعۋشىلىق تانىتىپ, لەزدە ٸلٸپ ەكەتكەن بۇل باستاما بٸرنەشە ايعا ۇلاستى», - دەپ جازدى قاسىم-جومارت توقاەۆ.
سونىڭ ارقاسىندا بٷكٸل قازاقستان اباي مۇراسىن تاعى بٸر زەردەلەپ شىقتى.
«بۇل – ابايعا دەگەن قۇرمەت ەرٸ ۇرپاقتى تەربيەلەۋدٸڭ تيٸمدٸ تەسٸلٸ. اباي جىرلارىن وقۋ چەللەندجٸ بيىل, اقىن مەرەيتويى تۇسىندا جاڭاشا جاندانادى دەپ سەنەمٸن», - دەپ جازادى مەملەكەت باسشىسى.
